Amos

¹ጌታን፡በመሠዊያው፡አጠገብ፡ቆሞ፡አየኹት፤ርሱም፡እንዲህ፡አለ፦መድረኮቹ፡ይናወጡ፡ዘንድ፡ ጕልላቶቹን፡ምታ፥በራሳቸውም፡ዅሉ፡ላይ፡ሰባብራቸው፤እኔም፡ከነርሱ፡የቀሩትን፡በሰይፍ፡ እገድላለኹ፤የሚሸሽ፡አያመልጥም፥የሚያመልጥም፡አይድንም።

²ወደ፡ሲኦል፡ቢወርዱ፡እጄ፡ከዚያ፡ታወጣቸዋለች፤ወደ፡ሰማይም፡ቢወጡ፡ከዚያ፡አወርዳቸዋለኹ፤ http://www.gzamargna.net www.ethiopianorthodox.org

³በቀርሜሎስም፡ራስ፡ውስጥ፡ቢሸሸጉ፡ፈልጌ፡ከዚያ፡አወጣቸዋለኹ፤በጥልቅ፡ባሕርም፡ውስጥ፡ከዐይኔ፡ ቢደበቁ፡ከዚያ፡እባቡን፡አዛ፟ለኹ፥ርሱም፡ይነድፋቸዋል፤

⁴በጠላቶቻቸውም፡ፊት፡ተማርከው፡ቢኼዱ፡ከዚያ፡ሰይፍን፡አዛ፟ለኹ፥ርሱም፡ይገድላቸዋል፤ዐይኔንም፡ በእነርሱ፡ላይ፡ለክፋት፡እንጂ፡ለመልካም፡አላደርግም።

⁵የሰራዊት፡ጌታ፡እግዚአብሔር፡ምድርን፡ይዳስሳል፡ርሷም፡ትቀልጣለች፥የሚኖሩባትም፡ዅሉ፡ ያለቅሳሉ፤መላ፟ዋም፡እንደ፡ግብጽ፡ወንዝ፡ትነሣለች፥ደግሞ፡እንደ፡ግብጽ፡ወንዝ፡ትወርዳለች።

⁶አዳራሹን፡በሰማይ፡የሠራ፥ጠፈሩንም፡በምድር፡ላይ፡የመሠረተ፥የባሕርንም፡ውሃ፡ጠርቶ፡በምድር፡ፊት፡ ላይ፡የሚያፈሰ፟ው፡ርሱ፡ነው፤ስሙም፡እግዚአብሔር፡ነው።

⁷የእስራኤል፡ልጆች፡ሆይ፥እናንተ፡ለእኔ፡እንደ፡ኢትዮጵያ፡ልጆች፡አይደላችኹምን፧ይላል፡ እግዚአብሔር፦እስራኤልን፡ከግብጽ፡ምድር፥ፍልስጥኤማውያንንም፡ከከፍቶር፥ሶርያውያንንም፡ከቂር፡ አላወጣኹምን፧

⁸እንሆ፥የጌታ፡የእግዚአብሔር፡ዐይኖች፡በኀጢአተኛ፡መንግሥት፡ላይ፡ናቸው፥ከምድርም፡ፊት፡ አጠፋታለኹ፤ነገር፡ግን፥የያዕቆብን፡ቤት፡ፈጽሜ፡አላጠፋም፥ይላል፡እግዚአብሔር።

⁹እንሆ፥አዛ፟ለኹ፥እኽልም፡በወንፊት፡እንዲነፋ፡የእስራኤልን፡ቤት፡በአሕዛብ፡ዅሉ፡መካከል፡ እነፋለኹ፤ነገር፡ግን፥አንዲት፡ቅንጣት፡በምድር፡ላይ፡አትወድቅም።

¹⁰ክፉው፡ነገር፡አይደርስብንም፥አያገኘንምም፡የሚሉ፡የሕዝቤ፡ኀጢአተኛዎች፡ዅሉ፡በሰይፍ፡ይሞታሉ።

¹¹በዚያ፡ቀን፡የወደቀችውን፡የዳዊትን፡ድንኳን፡አነሣለኹ፥የተናደውንም፡ቅጥሯን፡ እጠግናለኹ፤የፈረሰውንም፡ዐድሳለኹ፥እንደ፡ቀደመውም፡ዘመን፡እሠራታለኹ፤

¹²ይኸውም፡የኤዶምያስን፡ቅሬታ፥ስሜም፡የተጠራባቸውን፡አሕዛብን፡ዅሉ፡ይወርሱ፡ዘንድ፡ነው፥ይላል፡ ይህን፡የሚያደርግ፡እግዚአብሔር።

¹³እንሆ፥አራሹ፡ዐጫጁን፥ወይን፡ጠማቂውም፡ዘሪውን፡የሚያገኝበት፡ወራት፡ይመጣል፥ይላል፡ እግዚአብሔር፤ተራራዎችም፡በተሓውን፡የወይን፡ጠጅ፡ያንጠባጥባሉ፥ኰረብታዎችም፡ዅሉ፡ይቀልጣሉ።

¹⁴የሕዝቤን፡የእስራኤልን፡ምርኮ፡እመልሳለኹ፥የፈረሱትንም፡ከተማዎች፡ሠርተው፡ ይቀመጡባቸዋል፤ወይንንም፡ይተክላሉ፥የወይን፡ጠጁንም፡ይጠጣሉ፤አታክልትንም፡ያበጃሉ፥ፍሬውንም፡ ይበላሉ።

¹⁵በምድራቸውም፡እተክላቸዋለኹ፥ከእንግዲህም፡ወዲህ፡ከሰጠዃቸው፡ከምድራቸው፡አይነቀሉም፥ይላል፡ አምላክኽ፡እግዚአብሔር፨ http://www.gzamargna.net www.ethiopianorthodox.org