Lamentations

¹አቤቱ፥የኾነብንን፡ዐስብ፤ተመልከት፡ስድባችንንም፡እይ።

²ርስታችን፡ለእንግዳዎች፥ቤቶቻችን፡ለሌላዎች፡ኾኑ።

³ድኻ፡አደጎችና፡አባት፡የሌለን፡ኾነናል፤እናቶቻችን፡እንደ፡መበለቶች፡ኾነዋል። http://www.gzamargna.net www.ethiopianorthodox.org

⁴ውሃችንን፡በብር፡ጠጣን፡ዕንጨታችንን፡በዋጋ፡ገዛን።

⁵አሳዳጆቻችን፡በዐንገታችን፡ላይ፡ናቸው፤እኛ፡ደክመናል፡ዕረፍትም፡የለንም።

⁶ለግብጻውያንና፡ለአሶራውያን፡እንጀራ፡እንጠግብ፡ዘንድ፡እጅ፡ሰጠን።

⁷አባቶቻችን፡ኀጢአትን፡ሠሩ፡ዛሬም፡የሉም፤እኛም፡በደላቸውን፡ተሸከምን።

⁸ባሪያዎች፡ሠልጥነውብናል፤ከእጃቸው፡የሚታደገን፡የለም።

⁹ከምድረ፡በዳ፡ሰይፍ፡የተነሣ፡በሕይወታችን፡እንጀራችንን፡እናመጣለን።

¹⁰ከሚያቃጥል፡ከራብ፡ትኵሳት፡የተነሣ፡ቍርበታችን፡እንደ፡ምድጃ፡ጠቈረ።

¹¹በጽዮን፡ሴቶችን፥በይሁዳም፡ከተማዎች፡ደናግልን፡አጐሰቈሉ።

¹²አለቃዎች፡በእጃቸው፡ተሰቀሉ፤የሽማግሌዎች፡ፊት፡አልታፈረም።

¹³ጕልማሳዎች፡ወፍጮን፡ተሸከሙ፥ልጆችም፡ከዕንጨት፡በታች፡ተሰናከሉ።

¹⁴ሽማግሌዎች፡ከአደባባይ፥ጕልማሳዎች፡ከበገናቸው፡ተሻሩ።

¹⁵የልባችን፡ደስታ፡ቀርቷል፤ዘፈናችን፡ወደ፡ልቅሶ፡ተለውጧል።

¹⁶አክሊል፡ከራሳችን፡ወድቋል፤ኀጢአት፡ሠርተናልና፥ወዮልን!

¹⁷ስለዚህ፥ልባችን፡ታሟ፟ል፤ስለዚህም፡ነገር፡ዐይናችን፡ፈዟ፟ል፤

¹⁸ስለጽዮን፡ተራራ፥ባድማ፡ኾናለችና፥ቀበሮዎችም፡ተመላልሰውባታልና።

¹⁹አቤቱ፥አንተ፡ለዘለዓለም፡ትኖራለኽ፤ዙፋንኽ፡ከትውልድ፡እስከ፡ትውልድ፡ነው።

²⁰ስለ፡ምን፡ለዘለዓለም፡ትረሳናለኽ፧ስለ፡ምንስ፡ለረዥም፡ዘመን፡ትተወናለኽ፧

²¹አቤቱ፥ወዳንተ፡መልሰን፡እኛም፡እንመለሳለን፤ዘመናችንን፡እንደ፡ቀድሞ፡ዐድስ።

²²ነገር፡ግን፥ፈጽመኽ፡ጥለኸናል፤እጅግ፡ተቈጥተኸናል፨ http://www.gzamargna.net www.ethiopianorthodox.org