1 Chronicles

¹ዳዊትም፡በከተማው፡ላይ፡ለራሱ፡ቤቶችን፡ሠራ፤ለእግዚአብሔርም፡ታቦት፡ስፍራ፡አዘጋጀ፥ድንኳንም፡ ተከለለት።

²በዚያን፡ጊዜም፡ዳዊት።የእግዚአብሔርን፡ታቦት፡ይሸከሙ፡ዘንድ፥ለዘለዓለሙም፡ያገለግሉት፡ዘንድ፡ እግዚአብሔር፡ከመረጣቸው፡ከሌዋውያን፡በቀር፡ማንም፡የእግዚአብሔርን፡ታቦት፡ይሸከም፡ዘንድ፡አይገ፟ባ፟ውም፡ አለ።

³ዳዊትም፡ወዳዘጋጀለት፡ስፍራ፡የእግዚአብሔርን፡ታቦት፡ያመጣ፡ዘንድ፡እስራኤልን፡ዅሉ፡ወደ፡ ኢየሩሳሌም፡ሰበሰበ።

⁴ዳዊትም፡የአሮንን፡ልጆችና፡ሌዋውያንን፡ሰበሰበ።

⁵ከቀአት፡ልጆች፤አለቃው፡ኡርኤል፥ወንድሞቹም፡መቶ፡ኻያ፤

⁶ከሜራሪ፡ልጆች፤አለቃው፡ዐሳያ፥ወንድሞቹም፡ኹለት፡መቶ፡ኻያ፤

⁷ከጌድሶን፡ልጆች፤አለቃው፡ኢዮኤል፥ወንድሞቹም፡መቶ፡ሠላሳ፤ http://www.gzamargna.net www.ethiopianorthodox.org

⁸ከኤሊጻፋን፡ልጆች፤አለቃው፡ሸማያ፥ወንድሞቹም፡ኹለት፡መቶ፤

⁹ከኬብሮን፡ልጆች፤አለቃው፡ኤሊኤል፥ወንድሞቹም፡ሰማንያ፤

¹⁰ከዑዝኤል፡ልጆች፤አለቃው፡ዐሚናዳብ፥ወንድሞቹም፡መቶ፡ዐሥራ፡ኹለት።

¹¹ዳዊትም፡ካህናቱን፡ሳዶቅንና፡አቢያታርን፥ሌዋውያንንም፡ ኡርኤልን፥ዐሳያን፥ኢዮኤልን፥ሸማያን፥ኤሊኤልን፥ዐሚናዳብንም፡ጠርቶ፦

¹²እናንተ፡የሌዋውያን፡አባቶች፡ቤቶች፡አለቃዎች፡ናችኹ፤ወዳዘጋጀኹለት፡ስፍራ፡የእስራኤልን፡አምላክ፡ የእግዚአብሔርን፡ታቦት፡ታመጡ፡ዘንድ፡እናንተና፡ወንድሞቻችኹ፡ተቀደሱ።

¹³ቀድሞም፡አልተሸከማችኹምና፥እንደ፡ሥርዐቱም፡አልፈለግነውምና፡አምላካችን፡እግዚአብሔር፡ በመካከላችን፡ስብራት፡አደረገ፡አላቸው።

¹⁴የእስራኤልንም፡አምላክ፡የእግዚአብሔርን፡ታቦት፡ያመጡ፡ዘንድ፡ካህናቱና፡ሌዋውያኑ፡ተቀደሱ።

¹⁵ሙሴም፡እንዳዘዘው፡እንደእግዚአብሔር፡ቃል፡የሌዋውያን፡ልጆች፡የእግዚአብሔርን፡ታቦት፡በትከሻቸው፡ ላይ፡በመሎጊያዎቹ፡ተሸከሙ።

¹⁶ዳዊትም፡በዜማ፡ዕቃ፡በመሰንቆና፡በበገና፡በጸናጽልም፡እንዲያዜሙ፥ድምፃቸውንም፡በደስታ፡ከፍ፡ እንዲያደርጉ፡መዘምራኑን፡ወንድሞቻቸውን፡ይሾሙ፡ዘንድ፡ለሌዋውያን፡አለቃዎች፡ተናገረ።

¹⁷ሌዋውያኑም፡የኢዮኤልን፡ልጅ፡ኤማንን፥ከወንድሞቹም፡የበራክያን፡ልጅ፡አሣፍን፥ከወንድሞቻቸውም፡ ከሜራሪ፡ልጆች፡የቂሳን፡ልጅ፡ኤታንን፥

¹⁸ከነርሱም፡ጋራ፡በኹለተኛው፡ተራ፡የኾኑትን፡ወንድሞቻቸውን፡ ዘካርያስን፥ቤንን፥ያዝኤልን፥ሰሚራሞትን፥ይሒኤልን፥ዑኒን፥ኤልያብን፥በናያስን፥መዕሴያን፥መቲትያን፥ኤሊ ፍሌሁን፥ሚቅንያን፥በረኛዎችንም፡ዖቤድኤዶምንና፡ይዒኤልን፡አቆሙ።

¹⁹መዘምራንም፡ኤማንና፡አሣፍ፡ኤታንም፡በናስ፡ጸናጽል፡ከፍ፡አድርገው፡ያሰሙ፡ነበር።

²⁰ዘካርያስ፥ዓዝዔል፥ሰሚራሞት፥ይሒኤል፥ዑኒ፥ኤልያብ፥መዕሴያ፥በናያስ፡በመሰንቆ፡ምስጢር፡ነገር፡ ያዜሙ፡ነበር።

²¹መቲትያ፥ኤልፍሌሁ፥ሚቅኒያ፥ዖቤድኤዶም፥ይዒኤል፥ዓዛዝያ፡ስምንት፡አውታር፡ባለው፡በገና፡ይዘምሩ፡ ነበር።

²²የሌዋውያኑም፡አለቃ፡ክናንያ፡በዜማ፡ላይ፡ተሹሞ፡ነበር።ብልኀተኛ፡ነበረና፡ዜማ፡ያስተምራቸው፡ነበር።

²³በራክያና፡ሕልቃናም፡ለታቦቱ፡በረኛዎች፡ነበሩ።

²⁴ካህናቱም፡ሰበንያ፥ኢዮሳፍጥ፥ናትናኤል፥ዐማሳይ፥ዘካርያስ፥በናያስ፥አልዓዛር፡በእግዚአብሔር፡ታቦይ፡ ፊት፡መለከት፡ይነፉ፡ነበር።ዖቤድኤዶምና፡ይሒያም፡ለታቦቱ፡በረኛዎች፡ነበሩ።

²⁵ዳዊትም፥የእስራኤልም፡ሽማግሌዎች፥የሻለቃዎችም፡የእግዚአብሔርን፡የቃል፡ኪዳኑን፡ታቦት፡ከአቢዳራ፡ ቤት፡በደስታ፡ያመጡ፡ዘንድ፡ኼዱ።

²⁶የእግዚአብሔርንም፡ቃል፡ኪዳን፡ታቦት፡የተሸከሙትን፡ሌዋውያንን፡እግዚአብሔር፡በረዳቸው፡ጊዜ፡ሰባት፡ በሬዎችና፡ሰባት፡አውራ፡በጎች፡ሠዉ።

²⁷ዳዊትም፥ታቦቱንም፡የተሸከሙ፡ሌዋውያን፡ዅሉ፥መዘምራኑም፥የመዘምራኑም፡አለቃ፡ከናንያ፡የጥሩ፡ በፍታ፡ቀሚስ፡ለብሰው፡ነበር፤ዳዊትም፡የበፍታ፡ኤፉድ፡ነበረው።

²⁸እንዲሁ፡እስራኤል፡ዅሉ፡ሆ፡እያሉ፡ቀንደ፡መለከትና፡እንቢልታ፡እየነፉ፥ጸናጽልና፡መሰንቆም፡በገናም፡ እየመቱ፥የእግዚአብሔርን፡የቃል፡ኪዳን፡ታቦት፡አመጡ።

²⁹የእግዚአብሔርም፡ቃል፡ኪዳን፡ታቦት፡ወደዳዊት፡ከተማ፡በደረሰ፡ጊዜ፡የሳኦል፡ልጅ፡ሜልኮል፡በመስኮት፡ http://www.gzamargna.net www.ethiopianorthodox.org ኾና፡ተመለከተች፤ንጉሡም፡ዳዊት፡ሲዘፍንና፡ሲጫወት፡አይታ፡በልቧ፡ናቀችው።