1 Chronicles

¹የእግዚአብሔርንም፡ታቦት፡ይዘው፡ገቡ፥ዳዊትም፡በተከለለት፡ድንኳን፡ውስጥ፡አኖሩት፤የሚቃጠለውን፡ መሥዋዕትና፡የደኅንነቱን፡መሥዋዕትም፡በእግዚአብሔር፡ፊት፡አቀረቡ።

²ዳዊትም፡የሚቃጠለውን፡መሥዋዕትና፡የደኅንነቱን፡መሥዋዕት፡ማቅረብ፡በፈጸመ፡ጊዜ፡በእግዚአብሔር፡ ስም፡ሕዝቡን፡ባረከ።

³ለእስራኤልም፡ለወንዱም፡ለሴቱም፡ለያንዳንዱ፡አንዳንድ፡እንጀራ፤አንዳንድም፡ቍራጭ፡ሥጋ፥አንዳንድም፡ የዘቢብ፡ጥፍጥፍ፡አካፈለ።

⁴በእግዚአብሔርም፡ታቦት፡ፊት፡ያገለግሉ፡ዘንድ፥የእስራኤልንም፡አምላክ፡እግዚአብሔርን፡ይወድሱት፡ ዘንድ፥ያመሰግኑትና፡ያከብሩትም፡ዘንድ፡ከሌዋውያን፡ወገን፡አቆመ።

⁵አለቃው፡አሣፍ፡ነበረ፤ከርሱም፡በዃላ፡ ዘካርያስ፥ይዒኤል፥ሰሚራሞት፥ይሒኤል፥መቲትያ፥ኤልያብ፥በናያስ፥ዖቤድኤዶም፥ይዒኤል፡በመሰንቆና፡ በበገና፡አሣፍም፡በጸናጽል፡ይዘምሩ፡ነበር።

⁶ካህናቱም፡በናያስና፡የሕዚኤል፡በእግዚአብሔር፡ቃል፡ኪዳን፡ታቦት፡ፊት፡ዅልጊዜ፡መለከት፡ይነፉ፡ነበር።

⁷በዚያም፡ቀን፡ዳዊት፡በአሣፍና፡በወንድሞቹ፡እጅ፡እግዚአብሔርን፡እንዲያመሰግኑ፡ትእዛዝን፡ሰጠ።

⁸እግዚአብሔርን፡አመስግኑ፥ስሙን፡ጥሩ፤ለአሕዛብ፡ሥራውን፡አውሩ።

⁹ተቀኙለት፥ዘምሩለት፤ተኣምራቱንም፡ዅሉ፡ተናገሩ።

¹⁰በቅዱስ፡ስሙ፡ተጓደዱ፤እግዚአብሔርን፡የሚፈልግ፡ልብ፡ደስ፡ይበለው።

¹¹እግዚአብሔርን፡ፈልጉት፥ትጸናላችኹም፤ዅልጊዜ፡ፊቱን፡ፈልጉ።

¹³ባሪያዎቹ፡የእስራኤል፡ዘር፥ለርሱም፡የተመረጣችኹ፡የያዕቆብ፡ልጆች፡ሆይ፥የሠራትን፡ድንቅ፡ ዐስቡ፥ተኣምራቱንም፡የአፉንም፡ፍርድ።

¹⁴ርሱ፡እግዚአብሔር፡አምላካችን፡ነው፤ፍርዱ፡በምድር፡ዅሉ፡ነው።ቃል፡ኪዳኑን፡ለዘለዓለም፥እስከ፡ ሺሕ፡ትውልድ፡ያዘዘውን፡ቃሉን፡ዐሰበ፥

¹⁶ለአብርሃም፡ያደረገውን፥ለይሥሐቅም፡የማለውን፤

¹⁷ለያዕቆብ፡ሥርዐት፡እንዲኾን፡ለእስራኤልም፡የዘለዓለም፡ኪዳን፡እንዲኾን፡አጸና፤

¹⁸እንዲህም፡አለ፦ለአንተ፡የከነዓንን፡ምድር፡የርስታችኹን፡ገመድ፡እሰጣለኹ፤

¹⁹ይህም፡የኾነው፡እነርሱ፡በቍጥር፡ጥቂቶች፡ሰዎች፥እጅግ፡ጥቂቶችና፡ስደተኛዎች፡ሲኾኑ፡ነው።

²⁰ከሕዝብ፡ወደ፡ሕዝብ፥ከመንግሥትም፡ወደ፡ሌላ፡ሕዝብ፡ዐለፉ።

²²የቀባዃቸውን፡አትዳስሱ፥በነቢያቴም፡ክፉ፡አታድርጉ፡ብሎ፥ሰው፡ግፍ፡ያደርግባቸው፡ዘንድ፡ አልፈቀደም፤ስለ፡እነርሱም፡ነገሥታትን፡ገሠጸ።

²³ምድር፡ዅሉ፡እግዚአብሔርን፡አመስግኑ፤ዕለት፡ዕለት፡ማዳኑን፡አውሩ።

²⁴ክብሩን፡ለአሕዛብ፥ተኣምራቱንም፡ለወገኖች፡ዅሉ፡ንገሩ።

²⁵እግዚአብሔር፡ታላቅ፥ምስጋናውም፡ብዙ፡ነውና፤በአማልክትም፡ዅሉ፡ላይ፡የተፈራ፡ነው።

²⁶የአሕዛብ፡አማልክት፡ዅሉ፡ጣዖታት፡ናቸው፤እግዚአብሔር፡ግን፡ሰማያትን፡ሠራ። http://www.gzamargna.net www.ethiopianorthodox.org

²⁷ክብርና፡ግርማ፡በፊቱ፥ኀይልና፡ደስታ፡በስፍራው፡ውስጥ፡ናቸው።

²⁸የአሕዛብ፡ወገኖች፡ለእግዚአብሔር፡አምጡ፥ክብርንና፡ኀይልን፡ለእግዚአብሔር፡አምጡ።

²⁹ለስሙ፡የሚገ፟ባ፟፡ክብርን፡ለእግዚአብሔር፡አምጡ፤ቍርባንን፡ይዛችኹ፡በፊቱ፡ግቡ፤በቅድስናው፡ስፍራ፡ ለእግዚአብሔር፡ስገዱ።

³⁰ምድር፡ዅሉ፡በፊቱ፡ትነዋወጥ፤ዓለሙም፡እንዳይናወጥ፡ጸንቷል።

³¹ሰማያት፡ደስ፡ይበላቸው፥ምድርም፡ሐሴትን፡ታድርግ፤በአሕዛብም፡መካከል።እግዚአብሔር፡ነገሠ፡በሉ።

³²ባሕርና፡ሞላዋ፡ትናወጥ፤በረሓ፡በርሷም፡ያሉ፡ዅሉ፡ሐሤትን፡ያድርጉ።

³³በምድር፡ሊፈርድ፡ይመጣልና፥የዱር፡ዛፎች፡በዚያን፡ጊዜ፡በእግዚአብሔር፡ፊት፡ደስ፡ይላቸዋል።

³⁴ቸር፡ነውና፥ምሕረቱም፡ለዘለዓለም፡ነውና፥እግዚአብሔርን፡አመስግኑ።

³⁵የመዳናችን፡አምላክ፡ሆይ፥አድነን፤ቅዱስ፡ስምኽን፡እናመሰግን፡ዘንድ፥በምስጋናኽም፡እንመካ፡ ዘንድ፥ከአሕዛብ፡ሰብስበኽ፡ታደገን፡በሉ።

³⁶ከዘለዓለም፡እስከ፡ዘለዓለም፥የእስራኤል፡አምላክ፡እግዚአብሔር፡ይባረክ።ሕዝቡም፡ዅሉ፡አሜን፡ ይበሉ፤እግዚአብሔርንም፡ያመስግኑ።

³⁷እንዲሁም፡በየቀኑ፡እንደሚገ፟ባ፟ቸው፡በታቦቱ፡ፊት፡ዘወትር፡ያገለግሉ፡ዘንድ፡አሣፍንና፡ ወንድሞቹን፥ዖቤድኤዶምንም፥ስድሳ፡ስምንቱንም፡ወንድሞቻቸውን፡በዚያ፡በእግዚአብሔር፡ቃል፡ኪዳን፡ታቦት፡ ፊት፡ተዋቸው።

³⁸የኤዶታምም፡ልጅ፡ዖቤድኤዶምና፡ሖሳ፡በረኛዎች፡ይኾኑ፡ዘንድ፡ተዋቸው።

³⁹ካህኑም፡ሳዶቅንና፡ካህናቱን፡ወንድሞቹን፡በገባዖን፡በኰረብታው፡መስገጃ፡ባለው፡በእግዚአብሔር፡ ማደሪያ፡ፊት፡አቆማቸው፥

⁴⁰ለእስራኤልም፡ባዘዘው፡በእግዚአብሔር፡ሕግ፡እንደ፡ተጻፈ፡ዅሉ፡ለሚቃጠለው፡መሥዋዕት፡በሚኾነው፡ መሠዊያ፡ላይ፡የሚቃጠለውን፡መሥዋዕት፡ዅል፡ጊዜ፡ጧትና፡ማታ፡ለእግዚአብሔር፡ያቀርቡ፡ዘንድ።

⁴¹ምሕረቱም፡ለዘለዓለም፡ነውና፥እግዚአብሔርን፡ያመሰግኑ፡ዘንድ፡ኤማንንና፡ኤዶታምን፥በስማቸውም፡ የተጻፉትን፡ተመርጠው፡የቀሩትን፡ከነርሱ፡ጋራ፡አቆመ።

⁴²ከነርሱም፡ጋራ፡ካህናቱ፡ከፍ፡አድርገው፡ለማሰማት፡መለከትና፡ጸናጽል፡ለእግዚአብሔርም፡መዝሙራት፡ የዜማ፡ዕቃ፡ይዘው፡ነበር፤የኤዶታምም፡ልጆች፡በረኛዎች፡ነበሩ።

⁴³ሕዝቡ፡ዅሉ፡እያንዳንዱ፡ወደ፡ቤቱ፡ኼደ፤ዳዊትም፡ቤቱን፡ይባርክ፡ዘንድ፡ተመለሰ።