1 Chronicles

¹ዳዊትና፡የሰራዊቱ፡አለቃዎችም፡ከአሣፍና፡ከኤማን፡ከኤዶታም፡ልጆች፡በመሰንቆና፡በበገና፡በጸናጽልም፡ ትንቢት፡የሚናገሩትን፡ሰዎች፡ለማገልገል፡ለዩ፤በአገልግሎታቸውም፡ሥራ፡የሠሩ፡ሰዎች፡ቍጥር፡ይህ፡ነበረ።

²ከአሣፍ፡ልጆች፤ዘኩር፥ዮሴፍ፥ነታንያ፥አሸርኤላ፤እነዚህ፡የአሣፍ፡ልጆች፡በንጉሡ፡ትእዛዝ፡ትንቢት፡ ከተናገረው፡ከአሣፍ፡እጅ፡በታች፡ነበሩ።

³ከኤዶታም፡የኤዶታም፡ልጆች፤ጎዶልያስ፥ጽሪ፥የሻያ፥ሰሜኢ፥ሐሸብያ፥መቲትያ፥እነዚህ፡ስድስቱ፡ ለእግዚአብሔር፡ምስጋናና፡ክብር፡በመሰንቆ፡ትንቢት፡ከተናገረው፡ከአባታቸው፡ከኤዶታም፡እጅ፡በታች፡ነበሩ።

⁴ከኤማን፡የኤማን፡ ልጆች፤ቡቅያ፥መታንያ፥ዓዛርዔል፥ሱባኤል፥ኢያሪሙት፥ሐናንያ፥ሐናኒ፥ኤልያታ፥ጊዶልቲ፥ሮማንቲዔዘር፥ዮ ሽብቃሻ፥መሎቲ፥ሆቲር፥መሐዝዮት፤

⁵እነዚህ፡ዅሉ፡ቀንደ፡መለከቱን፡ከፍ፡ያደርጉ፡ዘንድ፡በእግዚአብሔር፡ቃል፡የንጉሡ፡ባለራእይ፡የኾነው፡ የኤማን፡ልጆች፡ነበሩ።እግዚአብሔርም፡ለኤማን፡ዐሥራ፡አራት፡ወንዶች፡ልጆችንና፡ሦስት፡ሴቶች፡ልጆችን፡ ሰጠው። http://www.gzamargna.net www.ethiopianorthodox.org

⁶እነዚህ፡ዅሉ፡በእግዚአብሔር፡ቤት፡በጸናጽልና፡በበገና፡በመሰንቆም፡ይዘምሩ፡ዘንድ፥በእግዚአብሔርም፡ ቤት፡ያገለግሉ፡ዘንድ፡ከአባታቸው፡እጅ፡በታች፡ነበሩ፤አሣፍም፡ኤዶታምም፡ኤማንም፡ከንጉሡ፡ትእዛዝ፡ በታች፡ነበሩ።

⁷የብልኀተኛዎቹም፡ቍጥር፡እግዚአብሔርን፡ለማመስገን፡ከሚያውቁ፡ከወንድሞቻቸው፡ጋራ፡ኹለት፡መቶ፡ ሰማንያ፡ስምንት፡ነበረ።

⁸ዅሉም፡ተካክለው፥ታናሹ፡እንደ፡ታላቁ፥አስተማሪውም፡እንደ፡ተማሪው፥ለሰሞናቸው፡ዕጣ፡ተጣጣሉ።

⁹የፊተኛው፡ዕጣ፡ከአሣፍ፡ወገን፡ለነበረው፡ለዮሴፍ፡ወጣ፤ኹለተኛው፡ለጎዶልያስ፡ወጣ፤ርሱ፡ ወንድሞቹም፡ልጆቹም፡ዐሥራ፡ኹለት፡ነበሩ፤

¹⁰ሦስተኛው፡ለዘኩር፡ለልጆቹም፡ለወንድሞቹም፡ለዐሥራ፡ኹለቱ፤

¹¹አራተኛው፡ለይጽሪ፡ለልጆቹም፡ለወንድሞቹም፡ለዐሥራ፡ኹለቱ፤

¹²ዐምስተኛው፡ለነታንያ፡ለልጆቹም፡ለወንድሞቹም፡ለዐሥራ፡ኹለቱ፤

¹³ስድስተኛው፡ለቡቅያ፡ለልጆቹም፡ለወንድሞቹም፡ለዐሥራ፡ኹለቱ፤

¹⁴ሰባተኛው፡ለይሽርኤል፡ለልጆቹም፡ለወንድሞቹም፡ለዐሥራ፡ኹለቱ፤

¹⁵ስምንተኛው፡ለየሻያ፡ለልጆቹም፡ለወንድሞቹም፡ለዐሥራ፡ኹለቱ፤

¹⁶ዘጠነኛው፡ለመታንያ፡ለልጆቹም፡ለወንድሞቹም፡ለዐሥራ፡ኹለቱ፤

¹⁷ዐሥረኛው፡ለሰሜኢ፡ለልጆቹም፡ለወንድሞቹም፡ለዐሥራ፡ኹለቱ፤

¹⁸ዐሥራ፡አንደኛው፡ለዓዛርኤል፡ለልጆቹም፡ለወንድሞቹም፡ለዐሥራ፡ኹለቱ፤

¹⁹ዐሥራ፡ኹለተኛው፡ለሐሸብያ፡ለልጆቹም፡ለወንድሞቹም፡ለዐሥራ፡ኹለቱ፤

²⁰ዐሥራ፡ሦስተኛው፡ለሱባኤል፡ለልጆቹም፡ለወንድሞቹም፡ለዐሥራ፡ኹለቱ፤

²¹ዐሥራ፡አራተኛው፡ለመቲትያ፡ለልጆቹም፡ለወንድሞቹም፡ለዐሥራ፡ኹለቱ፤

²²ዐሥራ፡ዐምስተኛው፡ለኢያሪሙት፡ለልጆቹም፡ለወንድሞቹም፡ለዐሥራ፡ኹለቱ፤

²³ዐሥራ፡ስድስተኛው፡ለሐናንያ፡ለልጆቹም፡ለወንድሞቹም፡ለዐሥራ፡ኹለቱ፤

²⁴ዐሥራ፡ሰባተኛው፡ለዮሽብቃሻ፡ለልጆቹም፡ለወንድሞቹም፡ለዐሥራ፡ኹለቱ፤

²⁵ዐሥራ፡ስምንተኛው፡ለሐናኒ፡ለልጆቹም፡ለወንድሞቹም፡ለዐሥራ፡ኹለቱ፤

²⁶ዐሥራ፡ዘጠነኛው፡ለመሎቲ፡ለልጆቹም፡ለወንድሞቹም፡ለዐሥራ፡ኹለቱ፤

²⁷ኻያኛው፡ለኤልያታ፡ለልጆቹም፡ለወንድሞቹም፡ለዐሥራ፡ኹለቱ፤

²⁸ኻያ፡አንደኛው፡ለሆቲር፡ለልጆቹም፡ለወንድሞቹም፡ለዐሥራ፡ኹለቱ፤

²⁹ኻያ፡ኹለተኛው፡ለጊዶልቲ፡ለልጆቹም፡ለወንድሞቹም፡ለዐሥራ፡ኹለቱ፤

³⁰ኻያ፡ሦስተኛው፡ለመሐዚዮት፡ለልጆቹም፡ለወንድሞቹም፡ለዐሥራ፡ኹለቱ፤

³¹ኻያ፡አራተኛው፡ለሮማንቲዔዘር፡ለልጆቹም፡ለወንድሞቹም፡ለዐሥራ፡ኹለቱ፡ወጣ።