1 Samuel

¹እንዲህም፡ኾነ፤ሳሙኤል፡በሸመገለ፡ጊዜ፡ልጆቹን፡በእስራኤል፡ላይ፡ፈራጆች፡አደረጋቸው።

²የበኵር፡ልጁም፡ስም፡ኢዮኤል፥የኹለተኛውም፡ስም፡አብያ ፡ነበረ።እነርሱም፡በቤርሳቤሕ፡ይፈርዱ፡ ነበር።

³ልጆቹም፡በመንገዱ፡አልኼዱም፥ነገር፡ግን፥ረብ፡ለማግኘት፡ፈቀቅ፡አሉ፥ጕቦም፡እየተቀበሉ፡ፍርድን፡ ያጣምሙ፡ነበር። 135 ዕብ.፥አቢያህ፡(አበ፡ያህ፥አምላክን፡የታመነ፡አባት)። http://www.gzamargna.net www.ethiopianorthodox.org

⁴የእስራኤልም፡ሽማግሌዎች፡ዅሉ፡ተሰብስበው፡ወደ፡ሳሙኤል፡ወደ፡አርማቴም፡መጡና።

⁵እንሆ፥አንተ፡ሸምግለኻል፥ልጆችኽም፡በመንገድኽ፡አይኼዱም፤አኹንም፡እንደ፡አሕዛብ፡ዅሉ፡ የሚፈርድልን፡ንጉሥ፡አድርግልን፡አሉት።

⁶የሚፈርድልንም፡ንጉሥ፡ስጠን፡ባሉት፡ጊዜ፡ነገሩ፡ሳሙኤልን፡አስከፋው፤ሳሙኤልም፡ወደ፡እግዚአብሔር፡ ጸለየ።

⁷እግዚአብሔርም፡ሳሙኤልን፡አለው፦በእነርሱ፡ላይ፡እንዳልነግሥ፡እኔን፡እንጂ፡አንተን፡አልናቁምና፡ በሚሉኽ፡ነገር፡ዅሉ፡የሕዝቡን፡ቃል፡ስማ።

⁸ከግብጽ፡ካወጣዃቸው፡ቀን፡ዠምሮ፡እስከ፡ዛሬ፡ድረስ፡እኔን፡ትተው፡እንግዳዎች፡አማልክት፡ በማምለካቸው፡እንደ፡ሠሩት፡ሥራ፡ዅሉ፡እንዲሁ፡ባንተ፡ደግሞ፡ያደርጉብኻል።

⁹አኹንም፡ቃላቸውን፡ስማ፤ነገር፡ግን፥ጽኑ፡ምስክር፡መስክርባቸው፥በእነርሱም፡ላይ፡የሚነግሠውን፡ የንጉሡን፡ወግ፡ንገራቸው።

¹⁰ሳሙኤልም፡የእግዚአብሔርን፡ቃል፡ዅሉ፡ንጉሥን፡ለፈለጉ፡ሕዝብ፡ነገራቸው።

¹¹እንዲህም፡አለ፦በእናንተ፡ላይ፡የሚነግሠው፡የንጉሡ፡ወግ፡ይህ፡ነው፤ወንዶች፡ልጆቻችኹን፡ወስዶ፡ ሠረገለኛዎችና፡ፈረሰኛዎች፡ያደርጋቸዋል፥በሠረገላዎቹም፡ፊት፡ይሮጣሉ፤

¹²ለራሱም፡የሻለቃዎችና፡የመቶ፡አለቃዎች፡ያደርጋቸዋል፤ዕርሻውንም፡የሚያርሱ፡እኽሉንም፡የሚያጭዱ፡ የጦር፡መሣሪያውንና፡የሠረገላዎቹንም፡ዕቃ፡የሚሠሩ፡ይኾናሉ።

¹³ሴቶች፡ልጆቻችኹንም፡ወስዶ፡ሽቶ፡ቀማሚዎችና፡ወጥቤቶች፡ዐበዛዎችም፡ያደርጋቸዋል።

¹⁴ከዕርሻችኹና፡ከወይናችኹም፡መልካም፡መልካሙን፡ወስዶ፡ለሎሌዎቹ፡ይሰጣቸዋል።

¹⁵ከዘራችኹና፡ከወይናችኹም፡ዓሥራት፡ወስዶ፡ለጃን፡ደረባዎቹና፡ለሎሌዎቹ፡ይሰጣቸዋል።

¹⁶ሎሌዎቻችኹንና፡ገረዶቻችኹን፥ከከብቶቻችኹና፡ከአህያዎቻችኹም፡መልካም፡መልካሞቹን፡ወስዶ፡ ያሠራቸዋል።

¹⁷ከበጎቻችኹና፡ከፍየሎቻችኹ፡ዓሥራት፡ይወስዳል፤እናንተም፡ባሪያዎች፡ትኾኑታላችኹ።

¹⁸በዚያም፡ቀን፡ለእናንተ፡ከመረጣችኹት፡ከንጉሣችኹ፡የተነሣ፡ትጮኻላችኹ፤በዚያም፡ቀን፡እግዚአብሔር፡ አልሰማችኹም።

¹⁹ሕዝቡ፡ግን፡የሳሙኤልን፡ነገር፡ይሰማ፡ዘንድ፡እንቢ፡አለ።እንዲህ፡አይኹን፥ነገር፡ግን፥ንጉሥ፡ ይኹንልን፥

²⁰እኛም፡ደግሞ፡እንደ፡አሕዛብ፡ዅሉ፡እንኾናለን፤ንጉሣችንም፡ይፈርድልናል፥በፊታችንም፡ወጥቶ፡ስለ፡ እኛ፡ይዋጋል፡አሉት።

²¹ሳሙኤልም፡የሕዝቡን፡ቃል፡ዅሉ፡ሰማ፥ለእግዚአብሔርም፡ተናገረ።

²²እግዚአብሔርም፡ሳሙኤልን፦ቃላቸውን፡ስማ፥ንጉሥም፡አንግሥላቸው፡አለው።ሳሙኤልም፡ የእስራኤልን፡ሰዎች፦እያንዳንዳችኹ፡ወደ፡ከተማችኹ፡ኺዱ፡አላቸው።