2 Samuel

¹በዳዊትም፡ዘመን፡ሦስት፡ዓመት፡ያኽል፡ቀጥሎ፡ራብ፡ኾነ፤ዳዊትም፡የእግዚአብሔርን፡ፊት፡ ጠየቀ።እግዚአብሔርም፦የገባዖንን፡ሰዎች፡ስለ፡ገደለ፡በሳኦልና፡በቤቱ፡ላይ፡ደም፡አለበት፡አለ።

²ንጉሡም፡የገባዖንን፡ሰዎች፡ጠራ፤የገባዖን፡ሰዎችም፡ከአሞራውያን፡የተረፉ፡ነበሩ፡እንጂ፡ከእስራኤል፡ ልጆች፡ወገን፡አልነበሩም፤የእስራኤልም፡ልጆች፡ምለውላቸው፡ነበር፤ሳኦል፡ግን፡ለእስራኤል፡ልጆችና፡ ለይሁዳ፡ስለ፡ቀና፡ሊገድላቸው፡ወዶ፟፡ነበር።

³ዳዊትም፡የገባዖንን፡ሰዎች፦የእግዚአብሔርን፡ርስት፡ትባርኩ፡ዘንድ፡ምን፡ላድርግላችኹ፧ማስተስረያውስ፡ ምንድር፡ነው፧አላቸው።

⁴የገባዖን፡ሰዎችም፦በእኛና፡በሳኦል፡ወይም፡በእኛና፡በቤቱ፡መካከል፡ያለው፡የብርና፡የወርቅ፡ነገር፡ አይደለም፤ከእስራኤልም፡ወገን፡እኛ፡የምንገድለው፡የለም፡አሉት።ርሱም፦የምትናገሩትን፡አደርግላችዃለኹ፡ አለ።

⁵ንጉሡንም፦እኛን፡ካጠፋ፥በእስራኤልም፡ዳርቻ፡ዅሉ፡እንዳንቀመጥ፡መፍረሳችንን፡

⁶ካሰበው፡ሰው፡ልጆች፡ሰባት፡ሰዎች፡አሳልፈኽ፡ስጠንና፡ከእግዚአብሔር፡በተመረጠው፡በሳኦል፡አገር፡ በጊብዓ፡ለእግዚአብሔር፡እንሰቅላቸዋለን፡አሉት።ንጉሡም፦እሰጣችዃለኹ፡አለ።

⁷ንጉሡም፡በሳኦል፡ልጅ፡በዮናታንና፡በዳዊት፡መካከል፡ስለነበረው፡ስለእግዚአብሔር፡መሐላ፡የሳኦልን፡ልጅ፡ የዮናታንን፡ልጅ፡ሜምፊቦስቴን፡አዳነ። 155 ዕብ.፥ዒይራ። http://www.gzamargna.net www.ethiopianorthodox.org

⁸ንጉሡም፡ለሳኦል፡የወለደቻቸውን፡የኢዮሄል፡ልጅ፡የሪጽፋን፡ኹለቱን፡ልጆች፡ሄርሞንንና፡ሜምፊቦስቴን፡ ለመሐላታዊውም፡ለቤርዜሊ፡ልጅ፡ለኤስድሪኤል፡የወለደቻቸውን፡የሳኦልን፡ልጅ፡የሜሮብን፡ዐምስቱን፡ልጆች፡ ወሰደ፥

⁹ለገባዖንም፡ሰዎች፡እጅ፡አሳልፎ፡ሰጣቸው፤በእግዚአብሔርም፡ፊት፡በተራራው፡ላይ፡ሰቀሏቸው፥ሰባቱም፡ በአንድነት፡ወደቁ፤እኽል፡በሚታጨድበት፡ወራት፡በገብሱ፡መከር፡መዠመሪያ፡ተገደሉ።

¹⁰የኢዮሄልም፡ልጅ፡ሪጽፋ፡ማቅ፡ወስዳ፡ከመከር፡ወራት፡ዠምሮ፡ዝናብ፡ከሰማይ፡እስኪዘንብ፡ድረስ፡ በድንጋይ፡ላይ፡ዘረጋችው፤በቀንም፡ወፎች፡በሌሊትም፡አራዊት፡ያርፉባቸው፡ዘንድ፡አልተወችም።

¹¹የሳኦልም፡ቁባት፡የኢዮሄል፡ልጅ፡ሪጽፋ፡ያደረገችውን፡ለዳዊት፡ነገሩት።

¹²ዳዊትም፡ኼደ፥ሳኦልንም፡በጊልቦዓ፡በገደሉ፡ጊዜ፡ፍልስጥኤማውያን፡ከሰቀሏቸው፡ስፍራ፡ከቤትሳን፡ አደባባይ፡ከሰረቁት፡ከኢያቢስ፡ገለዓድ፡ሰዎች፡የሳኦልንና፡የልጁን፡የዮናታንን፡ዐጥንት፡ወሰደ፤

¹³ከዚያም፡የሳኦልንና፡የልጁን፡የዮናታንን፡ዐጥንት፡ይዞ፡መጣ፤የተሰቀሉትንም፡ሰዎች፡ዐጥንት፡ሰበሰቡ።

¹⁴የሳኦልንና፡የልጁን፡የዮናታንን፡ዐጥንት፡በብንያም፡አገር፡በጼላ፡በአባቱ፡በቂስ፡መቃብር፡ ቀበሩት፤ንጉሡም፡ያዘዘውን፡ዅሉ፡አደረጉ።ከዚያም፡በዃላ፡እግዚአብሔር፡ስለ፡አገሩ፡የተለመነውን፡ሰማ።

¹⁵በፍልስጥኤማውያንና፡በእስራኤልም፡መካከል፡ደግሞ፡ሰልፍ፡ነበረ፤ዳዊትም፡ከርሱም፡ጋራ፡ባሪያዎቹ፡ ወረዱ፥ከፍልስጥኤማውያንም፡ጋራ፡ተዋጉ፤ዳዊትም፡ደከመ።

¹⁶ከራፋይም፡ወገን፡የነበረው፡ይሽቢብኖብ፡ዳዊትን፡ይገድል፡ዘንድ፡ዐሰበ፤የጦሩም፡ሚዛን፡ክብደት፡ሦስት፡ መቶ፡ሰቅል፡ናስ፡ነበረ፥ዐዲስም፡የጦር፡መሣሪያ፡ታጥቆ፡ነበር።

¹⁷የጽሩያም፡ልጅ፡አቢሳ፡አዳነው፥ፍልስጥኤማዊውንም፡መቶ፟፡ገደለው።ያን፡ጊዜም፡የዳዊት፡ ሰዎች፦አንተ፡የእስራኤልን፡መብራት፡እንዳታጠፋ፡ከእንግዲህ፡ወዲህ፡ከእኛ፡ጋራ፡ለሰልፍ፡አትወጣም፡ ብለው፡ማሉለት።

¹⁸ከዚህም፡በዃላ፡እንደ፡ገና፡በጎብ፡ላይ፡ከፍልስጥኤማውያን፡ጋራ፡ሰልፍ፡ኾነ፥ኩሳታዊውም፡ሴቦካይ፡ ከራፋይም፡ወገን፡የነበረውን፡ሳፍን፡ገደለ።

¹⁹ደግሞም፡በጎብ፡ላይ፡ከፍልስጥኤማውያን፡ጋራ፡ሰልፍ፡ነበረ፤የቤተ፡ልሔማዊውም፡የየዓሬኦርጊም፡ልጅ፡ ኤልያናን፡የጦሩ፡የቦ፡እንደ፡ሸማኔ፡መጠቅለያ፡የነበረውን፡የጌት፡ሰው፡ጎልያድን፡ገደለ።

²⁰ደግሞም፡በጌት፡ላይ፡ሰልፍ፡ኾነ፤በዚያም፡በእጁና፡በእግሩ፡ስድስት፡ስድስት፡ዅላዅሉ፡ኻያ፡አራት፡ ጣቶች፡የነበሩት፡አንድ፡ረዥም፡ሰው፡ነበረ፤ርሱ፡ደግሞ፡ከራፋይም፡የተወለደ፡ነበረ።

²¹እስራኤልንም፡በተገዳደረ፡ጊዜ፥የዳዊት፡ወንድም፣የሳማ፡ልጅ፣ዮናታን፡ገደለው።

²²እነዚያም፡አራቱ፡በጌት፡ውስጥ፡ከራፋይም፡የተወለዱ፡ነበሩ፤በዳዊትም፡እጅ፣በባሪያዎቹም፡እጅ፡ወደቁ።