2 Samuel

¹የዳዊትም፡የመጨረሻ፡ቃሉ፡ይህ፡ነው።ከፍ፡ከፍ፡የተደረገው፥በያዕቆብም፡አምላክ፡ የተቀባው፥በእስራኤል፡ዘንድ፡መልካም፡ባለቅኔ፡የኾነ፥የእሴይ፡ልጅ፡የዳዊት፡ንግግር፤

²የእግዚአብሔር፡መንፈስ፡በእኔ፡ተናገረ፤ቃሉም፡በአንደበቴ፡ላይ፡ነበረ።

³የእስራኤል፡አምላክ፡ተናገረኝ፤የእስራኤል፡ጠባቂ፡እንዲህ፡አለ፦በሰው፡ላይ፡በጽድቅ፡ የሚሠለጥን፥በእግዚአብሔርም፡ፍርሀት፡የሚነግሥ፥

⁴ርሱ፡እንደ፡ማለዳ፡ብርሃን፡እንደ፡ፀሓይ፡አወጣጥ፥በጧትም፡ያለ፡ደመና፡እንደሚደምቅ፥ከዝናብ፡ በዃላ፡ከምድር፡እንደሚበቅል፡ልምላሜ፡ይኾናል።

⁵በእውኑ፡ቤቴ፡በእግዚአብሔር፡ዘንድ፡እንዲሁ፡አይደለምን፧ከእኔም፡ጋራ፡በዅሉ፡ነገር፡ቅንና፡ጽኑ፡ የኾነውን፡የዘለዓለም፡ቃል፡ኪዳን፡አድርጓል፤መድኀኒቴንና፡ፈቃዴን፡ዅሉ፡ያበቅላል።

⁶ዐመፀኛዎች፡ዅሉ፡ግን፡ሰው፡በእጁ፡እንደማይዘው፥እንደተጣለ፡ሾኽ፡ናቸው።

⁷ማናቸውም፡ሰው፡ይነካው፡ዘንድ፡ቢወደድ፥በእጁ፡ብረትና፡የጦሩን፡የቦ፡ይይዛል፤በሥራቸውም፡በእሳት፡ ፈጽሞ፡ይቃጠላሉ።

⁸የዳዊት፡ኀያላን፡ስም፡ይህ፡ነው።የአለቃዎች፡አለቃ፡የኾነ፡ከነዓናዊው፡ኢያቡስቴ፡ነበረ፤ርሱም፡ጦሩን፡ አንሥቶ፡ስምንት፡መቶ፡ያኽል፡ባንድ፡ጊዜ፡ገደለ። http://www.gzamargna.net www.ethiopianorthodox.org

⁹ከርሱም፡በዃላ፡የአሖሓዊው፡የዱዲ፡ልጅ፡ኤልያናን፡ነበረ፤ለሰልፍ፡የተሰበሰቡትን፡ፍልስጥኤማውያንን፡ በተገዳደሩ፡ጊዜ፡ከዳዊት፡ጋራ፡ከሦስቱ፡ኀያላን፡አንዱ፡ርሱ፡ነበረ፤የእስራኤልም፡ሰዎች፡ተመለሱ።

¹⁰ርሱ፡ግን፡ተነሥቶ፡እጁ፡እስኪደክምና፡ከሰይፉ፡ጋራ፡እስኪጣበቅ፡ድረስ፡ፍልስጥኤማውያንን፡ መታ፤በዚያም፡ቀን፡እግዚአብሔር፡ታላቅ፡መድኀኒት፡አደረገ፤ሕዝቡም፡ከርሱ፡በዃላ፡ምርኮ፡ለመግፈፍ፡ ብቻ፡ተመለሰ።

¹¹ከርሱም፡በዃላ፡የአሮዳዊው፡የአጌ፡ልጅ፡ሳማ፡ነበረ።ፍልስጥኤማውያንም፡ምስር፡በሞላበት፡ዕርሻ፡ በአንድነት፡ኾነው፡ተከማችተው፡ነበር፤ሕዝቡም፡ከፍልስጥኤማውያን፡ፊት፡ሸሹ።

¹²ርሱ፡ግን፡በዕርሻው፡መካከል፡ቆሞ፡ጠበቀ፥ፍልስጥኤማውያንንም፡ገደለ፤እግዚአብሔርም፡ታላቅ፡ መድኀኒት፡አደረገ።

¹³ከሠላሳውም፡አለቃዎች፡ሦስቱ፡ወርደው፡በመከር፡ጊዜ፡ወደ፡ዳዊት፡ወደዓዶላም፡ዋሻ፡ መጡ፤የፍልስጥኤማውያንም፡ጭፍራ፡በራፋይም፡ሸለቆ፡ሰፍሮ፡ነበር።

¹⁴በዚያ፡ጊዜም፡ዳዊት፡በምሽጉ፡ውስጥ፡ነበረ፥የፍልስጥኤማውያንም፡ጭፍራ፡በዚያ፡ጊዜ፡በቤተ፡ልሔም፡ ነበረ።

¹⁵ዳዊትም፦በበሩ፡አጠገብ፡ካለችው፡ከቤተ፡ልሔም፡ምንጭ፡ውሃ፡ማን፡ባጠጣኝ፧ብሎ፡ተመኘ።

¹⁶ሦስቱም፡ኀያላን፡የፍልስጥኤማውያንን፡ሰራዊት፡ቀደ፟ው፡ኼዱ፥በበሩም፡አጠገብ፡ካለችው፡ከቤተ፡ልሔም፡ ምንጭ፡ውሃ፡ቀዱ፥ይዘውም፡ለዳዊት፡አመጡለት፤ርሱ፡ግን፡ሊጠጣ፡አልወደደም፥ነገር፡ ግን፥ለእግዚአብሔር፡አፍሶ፟፦

¹⁷አቤቱ፥ይህን፡ኣደርግ፡ዘንድ፡ከእኔ፡ይራቅ፤በነፍሳቸው፡ደፍረው፡የኼዱ፡ሰዎች፡ደም፡ አይደለምን፧ብሎ፡ይጠጣ፡ዘንድ፡አልወደደም።ሦስቱ፡ኀያላን፡ያደረጉት፡ይህ፡ነው።

¹⁸የጽሩያም፡ልጅ፡የኢዮአብ፡ወንድም፡አቢሳ፡የሠላሳው፡አለቃ፡ነበረ።ርሱም፡ጦሩን፡በሦስቱ፡መቶ፡ላይ፡ አንሥቶ፡ገደላቸው፤ስሙም፡እንደ፡ሦስቱ፡ተጠርቶ፡ነበር።

¹⁹ርሱ፡በሠላሳው፡መካከል፡የከበረ፡አልነበረምን፧ስለዚህ፡አለቃቸው፡ኾኖ፡ነበር፤ነገር፡ግን፥ወደ፡ሦስቱ፡ አልደረሰም።

²⁰በቀብጽኤል፡የነበረው፡ታላቅ፡ሥራ፡ያደረገው፡የጽኑዕ፡ሰው፡የዮዳዔ፡ልጅ፡በናያስ፡የሞዐባዊውን፡ የቀብስኤልን፡ኹለት፡ልጆች፡ገደለ፤በዐመዳዩም፡ወራት፡ወርዶ፡በጕድጓድ፡ውስጥ፡አንበሳ፡ገደለ።

²¹ረዥሙንም፡ግብጻዊ፡ሰው፡ገደለ፤ግብጻዊው፡በእጁ፡ጦር፡ነበረው፤በናያስ፡ግን፡በትር፡ይዞ፡ወደ፡ ርሱ፡ወረደ፥ከግብጻዊውም፡እጅ፡ጦሩን፡ነቅሎ፡በገዛ፡ጦሩ፡ገደለው።

²²የዮዳዔ፡ልጅ፡በናያስ፡ያደረገው፡ይህ፡ነው፤ስሙም፡እንደ፡ሦስቱ፡ኀያላን፡ተጠርቶ፡ነበር።

²³ከሠላሳውም፡ይልቅ፡የከበረ፡ነበረ፥ነገር፡ግን፥ወደ፡ሦስቱ፡አልደረሰም።ዳዊትም፡በክብር፡ዘበኛዎቹ፡ ላይ፡ሾመው።

²⁴የኢዮአብም፡ወንድም፡ዐሳሄል፡በሠላሳው፡መካከል፡ነበረ፥የቤተ፡ልሔም፡ሰው፡የዱዲ፡

²⁵ልጅ፡ኤልያናን፥አሮዳዊው፡ሳማ፥ሒሮዳዊው፡ኤሊቃ፥

²⁶ፈልጣዊው፡ሴሌስ፥የቴቁሐዊው፡የዒስካ፡ልጅ፡ዒራስ፥

²⁷ዓናቶታዊው፡አቢዔዜር፥ኩሳታዊው፡ምቡናይ፥

²⁸አሖሓዊው፡ጸልሞን፥ነጦፋዊው፡ኖኤሬ፥

²⁹የነጦፋዊው፡የበዓና፡ልጅ፡ሔሌብ፥ከብንያም፡ወገን፡

³⁰ከጊብዓ፡የሪባይ፡ልጅ፡ኢታይ፥ጲርዓቶናዊው፡በናያስ፥የገዓስ፡ወንዝ፡ሰው፡ሂዳይ፥ http://www.gzamargna.net www.ethiopianorthodox.org

³¹ዐረባዊው፡አቢዓልቦን፥በርሑማዊው፡ዓዝሞት፥

³²ሸዓልቦናዊው፡ኤሊያሕባ፥የአሳን፡ልጆች፥ዮናታን፥

³³አሮዳዊው፡ሳማ፡የአሮዳዊው፡የአራር፡ልጅ፡አምናን ፥

³⁴የማዕካታዊው፡ልጅ፡የአሐስባይ፡ልጅ፡ኤሌፋላት፥የጊሎናዊው፡የአኪጦፌል፡ልጅ፡ኤልያብ፥

³⁵ቀርሜሎሳዊው ፡ሐጽሮ፥አርባዊው፡ፈዓራይ፥

³⁶የሱባ፡ሰው፡የናታን፡ልጅ፡ይግአል፥ጋዳዊው፡

³⁷ባኒ፥የጽሩያ፡ልጅ፣የኢዮአብ፡ጋሻ፡ዣግሬዎች፥አሞናዊው፡ጼሌቅ፥ብኤሮታዊው፡

³⁸ነሃራይ፥ይትራዊው፡ዒራስ፥ይትራዊው፡ጋሬብ፥

³⁹ኬጢያዊው፡ኦርዮ፤ዅሉ፡በዅሉ፡ሠላሳ፡ሰባት፡ናቸው።