Ezekiel

¹የእግዚአብሔርም፡ቃል፡ወደ፡እኔ፡እንዲህ፡ሲል፡መጣ፦

²የሰው፡ልጅ፡ሆይ፥የጢሮስን፡ገዢ፡እንዲህ፡በለው፦ጌታ፡እግዚአብሔር፡እንዲህ፡ይላል፦ልብኽ፡ ኰርቷል፡አንተም፦እኔ፡አምላክ፡ነኝ፥በእግዚአብሔር፡ወንበር፡በባሕር፡መካከል፡ተቀምጫለኹ፡ ብለኻል፤ነገር፡ግን፥ልብኽን፡እንደእግዚአብሔር፡ልብ፡ብታደርግም፡አንተ፡ሰው፡ነኽ፡እንጂ፡አምላክ፡ አይደለኽም።

³እንሆ፥ከዳንኤል፡ይልቅ፡ጥበበኛ፡ነኽ፥ምስጢርም፡ዅሉ፡ከአንተ፡የተሸሸገ፡አይደለም።

⁴በጥበብኽና፡በማስተዋልኽ፡ብልጥግናን፡ለራስኽ፡አግኝተኻል፡ወርቅና፡ብርም፡በግምጃ፡ቤትኽ፡ውስጥ፡ ሰብስበኻል።

⁵በታላቅ፡ጥበብኽና፡በንግድኽ፡ብልጥግናኽን፡አብዝተኻል፡በብልጥግናኽም፡ልብኽ፡ኰርቷል።

⁶ስለዚህ፥ጌታ፡እግዚአብሔር፡እንዲህ፡ይላል፦ልብኽን፡እንደእግዚአብሔር፡ልብ፡አድርገኻልና፥

⁷ስለዚህ፥እንሆ፥የሌላ፡አገር፡ሰዎችን፥የአሕዛብን፡ጨካኞች፥አመጣብኻለኹ፤ሰይፋቸውንም፡በጥበብኽ፡ ውበት፡ላይ፡ይመዛ፟ሉ፡ክብርኽንም፡ያረክሳሉ።

⁸ወደ፡ጕድጓድ፡ያወርዱኻል፤ተገድለው፡እንደ፡ሞቱ፡በባሕር፡ውስጥ፡ትሞታለኽ።

⁹በእውኑ፡በገዳይኽ፡ፊት፦እኔ፡አምላክ፡ነኝ፡ትላለኽን፧ነገር፡ግን፡በገዳይኽ፡እጅ፡ሰው፡ነኽ፡እንጂ፡ http://www.gzamargna.net www.ethiopianorthodox.org አምላክ፡አይደለኽም።

¹⁰በእንግዳዎች፡እጅ፡ያልተገረዙትን፡ሰዎች፡ሞት፡ትሞታለኽ፤እኔ፡ተናግሬያለኹና፥ይላል፡እግዚአብሔር።

¹¹የእግዚአብሔርም፡ቃል፡ወደ፡እኔ፡እንዲህ፡ሲል፡መጣ፦

¹²የሰው፡ልጅ፡ሆይ፥በጢሮስ፡ንጉሥ፡ላይ፡ሙሾ፡አሞሽተኽ፡እንዲህ፡በለው፦ጌታ፡እግዚአብሔር፡ እንዲህ፡ይላል፦ጥበብን፡የተሞላኽ፡ውበትኽም፡የተፈጸመ፡መደምደሚያ፡አንተ፡ነኽ።

¹³በእግዚአብሔር፡ገነት፡በዔዴን፡ነበርኽ፤የከበረ፡ዕንቍስ፡ ዅሉ፥ሰርድዮን፥ቶጳዝዮን፥አልማዝ፥ቢረሌ፥መረግድ፥ኢያስጲድ፥ሰንፔር፥በሉር፥የሚያብረቀርቅ፡ ዕንቍ፥ወርቅ፥ልብስኽ፡ነበረ፤የከበሮኽና፡የእንቢልታኽ፡ሥራ፡ባንተ፡ዘንድ፡ነበረ፤በተፈጠርኽበት፡ቀን፡ ተዘጋጅተው፡ነበር።

¹⁴አንተ፡ልትጋርድ፡የተቀባኽ፡ኪሩብ፡ነበርኽ፡በተቀደሰው፡በእግዚአብሔር፡ተራራ፡ላይ፡አኖርኹኽ፤በእሳት፡ ድንጋዮች፡መካከል፡ተመላለስኽ።

¹⁵ከተፈጠርኽበት፡ቀን፡ዠምረኽ፡በደል፡እስኪገኝብኽ፡ድረስ፡በመንገድኽ፡ፍጹም፡ነበርኽ።

¹⁶በንግድኽ፡ብዛት፡ግፍ፡በውስጥኽ፡ተሞላ፡ኀጢአትንም፡ሠራኽ፤ስለዚህ፥እንደ፡ርኩስ፡ነገር፡ ከእግዚአብሔር፡ተራራ፡ጣልኹኽ፤የምትጋርድ፡ኪሩብ፡ሆይ፥ከእሳት፡ድንጋዮች፡መካከል፡አጠፋኹኽ።

¹⁷በውበትኽ፡ምክንያት፡ልብኽ፡ኰርቷል፤ከክብርኽ፡የተነሣ፡ጥበብኽን፡አረከስኽ፤በምድር፡ላይ፡ ጣልኹኽ፤ያዩኽም፡ዘንድ፥በነገሥታት፡ፊት፡ሰጠኹኽ።

¹⁸በበደልኽ፡ብዛት፡በንግድኽም፡ኀጢአት፡መቅደስኽን፡አረከስኽ፤ስለዚህ፥እሳትን፡ከውስጥኽ፡አውጥቻለኹ፡ ርሷም፡በልታኻለች፥በሚያዩኽም፡ዅሉ፡ፊት፡በምድር፡ላይ፡ዐመድ፡አድርጌኻለኹ።

¹⁹በአሕዛብም፡ውስጥ፡የሚያውቁኽ፡ዅሉ፡ይደነቁብኻል፤አንተም፡ለድንጋጤ፡ኾነኻል፥እስከ፡ዘለዓለምም፡ አትገኝም።

²⁰የእግዚአብሔርም፡ቃል፡ወደ፡እኔ፡እንዲህ፡ሲል፡መጣ፦

²¹የሰው፡ልጅ፡ሆይ፥ፊትኽን፡ወደ፡ሲዶና፡አቅንተኽ፡ትንቢት፡ተናገርባት፥እንዲህም፡በል።

²²ጌታ፡እግዚአብሔር፡እንዲህ፡ይላል፦ሲዶና፡ሆይ፥እንሆ፥ባንቺ፡ላይ፡ነኝ፥በውስጥሽም፡ እከብራለኹ፤ፍርድንም፡ባደረግኹባት፡ጊዜ፡በተቀደስኹባትም፡ጊዜ፡እኔ፡እግዚአብሔር፡እንደ፡ኾንኹ፡ ያውቃሉ።

²³ቸነፈርንም፡በርሷ፡ላይ፥ደምንም፡በጐዳናዋ፡እሰዳ፟ለኹ፤ከዙሪያዋ፡በላይዋ፡ባለ፡ሰይፍ፡የተወጉ፡ በመካከሏ፡ይወድቃሉ፤እኔም፡እግዚአብሔር፡እንደ፡ኾንኹ፡ያውቃሉ።

²⁴ከእንግዲህም፡ወዲያ፡ለእስራኤል፡ቤት፡የሚወጋ፡ሾኽ፥በዙሪያቸውም፡ካሉ፡ከናቋቸው፡ዅሉ፡ የሚያቈስል፡ኵርንችት፡አይኾንም፤እኔም፡ጌታ፡እግዚአብሔር፡እንደ፡ኾንኹ፡ያውቃሉ።

²⁵ጌታ፡እግዚአብሔር፡እንዲህ፡ይላል፦የእስራኤልን፡ቤት፡ከተበተኑባቸው፡አሕዛብ፡ዘንድ፡በሰበሰብኹ፡ ጊዜ፥በአሕዛብም፡ፊት፡በተቀደስኹባቸው፡ጊዜ፥ለባሪያዬ፡ለያዕቆብ፡በሰጠዃት፡ምድራቸው፡ይቀመጣሉ።

²⁶ተዘልለውም፡ይቀመጡባታል፤ቤቶችንም፡ይሠራሉ፡ወይኑንም፡ይተክላሉ፡በዙሪያቸውም፡ባሉ፡በሚንቋቸው፡ ዅሉ፡ላይ፡ፍርድን፡ባደረግኹ፡ጊዜ፡ተዘልለው፡ይቀመጣሉ፤እኔም፡እግዚአብሔር፡አምላካቸው፡እንደ፡ኾንኹ፡ ያውቃሉ።