Isaiah

¹እንሆ፥ንጉሥ፡በጽድቅ፡ይነግሣል፥መሳፍንትም፡በፍርድ፡ይገዛሉ።

²ሰውም፡ከነፋስ፡እንደ፡መሸሸጊያ፡ከዐውሎ፡ነፋስም፡እንደ፡መጠጊያ፥በጥም፡ቦታም፡እንደ፡ወንዝ፡ ፈሳሽ፥በበረሓም፡አገር፡እንደ፡ትልቅ፡ድንጋይ፡ጥላ፡ይኾናል።

³የሚያዩትም፡ሰዎች፡ዐይኖች፡አይጨፈኑም፥የሚሰሙትም፡ዦሮዎች፡ያደምጣሉ።

⁴ጥንቃቄ፡የሌላቸው፡ሰዎች፡ልብ፡ዕውቀትን፡ታስተውላለች፥የተብታቦችም፡ምላስ፡ደኅና፡አድርጋ፡ ትናገራለች።

⁵ከእንግዲህ፡ወዲህ፡ሰነፍ፡ከበርቴ፡ተብሎ፡አይጠራም፥ንፉግም፡ለጋስ፡አይባልም።

⁶ሰነፍ፡ግን፡ስንፍናን፡ይናገራል፥ልቡም፡ዝንጉነትን፡ይፈጽም፡ዘንድ፡በእግዚአብሔርም፡ላይ፡ስሕተትን፡ ይናገር፡ዘንድ፡የተራበችውንም፡ሰውነት፡ባዶ፡ያደርግ፡ዘንድ፡ከተጠማም፡ሰው፡መጠጥን፡ይቈርጥ፡ዘንድ፡ በደልን፡ይሠራል።

⁷የንፉግም፡ዕቃ፡ክፉ፡ናት፤ችግረኛ፡ቅን፡ነገርን፡በተናገረ፡ጊዜ፡እንኳ፡ርሱ፡በሐሰት፡ቃል፡ድኻውን፡ ያጠፋ፡ዘንድ፡ክፉን፡ዐሳብ፡ያስባል።

⁸ከበርቴ፡ሰው፡ግን፡ለመከበር፡ያስባል፥በመከበርም፡ጸንቶ፡ይኖራል።

⁹እናንተ፡ዓለመኛዎች፡ሴቶች፡ሆይ፥ተነሡ፡ድምፄንም፡ስሙ፤እናንተ፡ተማምናችኹ፡የምትቀመጡ፡ሴቶች፡ ልጆች፡ሆይ፥ንግግሬን፡አድምጡ።

¹⁰እናንተ፡ተማምናችኹ፡የምትቀመጡ፡ሴቶች፡ሆይ፥ወይንን፡መቍረጥ፡ይጠፋልና፥ፍሬም፡ማከማቸት፡ አይመጣምና፡ከዓመትና፡ከጥቂት፡ቀን፡በዃላ፡ትንቀጠቀጣላችኹ።

¹¹እናንተ፡ዓለመኛዎች፡ሴቶች፡ሆይ፥ተጠንቀቁ፤ተማምናችኹም፡የምትቀመጡ፡ ሆይ፥ተንቀጥቀጡ፤ልብሳችኹን፡አውልቁ፥ዕራቍታችኹን፡ኹኑ፥ወገባችኹንም፡በማቅ፡ታጠቁ።

¹²ስለተወደደችውም፡ዕርሻ፡ስለሚያፈራውም፡ወይን፡ደረታችኹን፡ድቁ።

¹³በሕዝቤ፡ምድር፡ላይ፥በደስታ፡ከተማ፡ባሉት፡በደስታ፡ቤቶች፡ዅሉ፡ላይ፡ሾኽና፡ኵርንችት፡ ይወጣባቸዋል፤

¹⁴አዳራሹ፡ወና፡ትኾናለችና፥የብዙ፡ሰውም፡ከተማ፡ትለቀቃለችና፥ዐምባውና፡ግንቡም፡ለዘለዓለም፡ ዋሻ፥የምድረ፡በዳም፡አህያ፡ደስታ፥የመንጋዎችም፡ማሰማሪያ፡ይኾናልና።

¹⁵ይህም፥መንፈስ፡ከላይ፡እስኪፈስ፟ልን፥ምድረ፡በዳውም፡ፍሬያማ፡ዕርሻ፡እስኪኾን፥ፍሬያማውም፡ዕርሻ፡ http://www.gzamargna.net www.ethiopianorthodox.org ዱር፡ተብሎ፡እስኪቈጠር፡ድረስ፡ይኾናል።

¹⁶ከዚያ፡በዃላ፡ፍርድ፡በምድረ፡በዳ፡ይኖራል፥ጽድቅም፡በፍሬያማው፡ዕርሻ፡ያድራል።

¹⁷የጽድቅም፡ሥራ፡ሰላም፥የጽድቅም፡ፍሬ፡ለዘለዓለም፡ጸጥታና፡መታመን፡ይኾናል።

¹⁸ሕዝቤም፡በሰላም፡ማደሪያ፡በታመነም፡ቤት፡በጸጥተኛ፡ማረፊያ፡ይቀመጣል።

¹⁹በረዶ፡ግን፡በዱር፡ላይ፡ይወርዳል፥ከተማም፡ፈጽማ፡ትዋረዳለች።

²⁰እናንተ፡የበሬና፡የአህያ፡እግር፡እየነዳችኹ፡በውሃ፡ዅሉ፡አጠገብ፡የምትዘሩ፡ብፁዓን፡ናችኹ።