Jeremiah

¹በኢየሩሳሌም፡መንገድ፡እየተመላለሳችኹ፡ሩጡ፥ተመልከቱም፥ዕወቁም፥በአደባባይዋም፡ፈልጉ፤ፍርድን፡ የሚያደርገውን፡እውነትንም፡የሚሻውን፡ሰው፡ታገኙ፡እንደ፡ኾነ፡ይቅር፡እላታለኹ።

²እነርሱም፦ሕያው፡እግዚአብሔርን! ቢሉ፡የሚምሉት፡በሐሰት፡ነው። http://www.gzamargna.net www.ethiopianorthodox.org

³አቤቱ፥ዐይንኽ፡እውነትን፡የምትመለከት፡አይደለችምን፧አንተ፡ቀሥፈኻቸዋል፥ነገር፡ ግን፥አላዘኑም፥ቀጥቅጠኻቸውማል፥ነገር፡ግን፥ተግሣጽን፡እንቢ፡አሉ፤ፊታቸውን፡ከድንጋይ፡ይልቅ፡ አጠንክረዋል፤ይመለሱ፡ዘንድ፡እንቢ፡አሉ።

⁴እኔም፦የእግዚአብሔርን፡መንገድና፡የአምላካቸውን፡ሕግ፡አላወቁምና፡እነዚህ፡በእውነት፡ድኻዎችና፡ ሰነፎች፡ናቸው፤

⁵ወደ፡ታላላቆቹ፡እኼዳለኹ፡እናገራቸውማለኹ፤የእግዚአብሔርን፡መንገንድና፡የአምላካቸውን፡ሕግ፡ ያውቃሉና፡አልኹ።እነዚህ፡ግን፡ቀንበሩን፡በአንድነት፡ሰብረዋል፥እስራቱንም፡ቈርጠዋል።

⁶ስለዚህ፥ኀጢአታቸው፡በዝቷልና፥የክዳታቸውም፡ብዛት፡ጸንቷልና፤ስለዚህ፥አንበሳ፡ከዱር፡ወጥቶ፡ ይሰብራቸዋል፥የበረሓም፡ተኵላ፡ያጠፋቸዋል፥ነብርም፡በከተማዎቻቸው፡ላይ፡ይተጋል፥ከዚያም፡የሚወጣ፡ ዅሉ፡ይነጠቃል።

⁷በእነዚህ፡ነገሮች፡ይቅር፡የምልሽ፡እንዴት፡አድርጌ፡ነው፧ልጆችሽ፡ትተውኛል፡አማልክትም፡ባልኾኑ፡ ምለዋል፤ካጠገብዃቸውም፡በዃላ፡አመነዘሩ፡በጋለሞታዎቹም፡ቤት፡ተሰበሰቡ።

⁸እንደ፡ተቀለቡ፡ፈረሶች፡ኾኑ፤እያንዳንዳቸውም፡ከባልንጀራዎቻቸው፡ሚስቶች፡ዃላ፡አሽካኩ።

⁹በእውኑ፡ስለ፡እነዚህ፡ነገሮች፡አልቀሥፍምን፧ይላል፡እግዚአብሔር፤ነፍሴስ፡እንደዚህ፡ባለ፡ሕዝብ፡ላይ፡ አትበቀልምን፧

¹⁰ወደ፡ቅጥሯ፡ወጥታችኹ፡አፍርሱ፥ነገር፡ግን፥ፈጽማችኹ፡አታጥፉ፤ለእግዚአብሔር፡አይደሉምና፡ ቅርንጫፏን፡ውሰዱ።

¹¹የእስራኤል፡ቤትና፡የይሁዳ፡ቤት፡በእኔ፡ላይ፡እጅግ፡ወንጅለዋል፡ይላል፡እግዚአብሔር።

¹²እነርሱም፦ርሱ፡አይደለም፥ክፉ፡ነገርም፡አይመጣብንም፡ሰይፍንና፡ራብንም፡አናይም፤ነቢያትም፡ነፋስ፡ ይኾናሉ፥

¹³የእግዚአብሔርም፡ቃል፡በእነርሱ፡ዘንድ፡የለም፥እንዲህም፡ይደረግባቸዋል፡ብለው፡እግዚአብሔርን፡ ክደዋል።

¹⁴ስለዚህም፡የሰራዊት፡ጌታ፡እግዚአብሔር፡እንዲህ፡ይላል፦በዚህ፡ቃል፡ተናግራችዃልና፥እንሆ፥በአፍኽ፡ ውስጥ፡ቃሌን፡እሳት፡ይህንም፡ሕዝብ፡ዕንጨት፡አደርጋለኹ፥ትበላቸውማለች።

¹⁵የእስራኤል፡ቤት፡ሆይ፥እንሆ፥ሕዝብን፡ከሩቅ፡አመጣባችዃለኹ፥ይላል፡እግዚአብሔር፤ኀያል፡ጥንታዊ፡ ሕዝብ፡ነው፥ቋንቋቸውንም፡የማታውቀው፡የሚናገሩትንም፡የማታስተውለው፡ሕዝብ፡ነው።

¹⁶የፍላጻቸውም፡ሰገባ፡እንደ፡ተከፈተ፡መቃብር፡ነው፥ዅሉም፡ኀያላን፡ናቸው።

¹⁷መከርኽንና፡እንጀራኽን፡ይበላሉ፤ወንዶችና፡ሴቶች፡ልጆችኽንም፡ይበሏቸዋል፤በጎችኽንና፡ላሞችኽንም፡ ይበላሉ፤ወይንኽንና፡በለስኽንም፡ይበላሉ፤የምትታመናቸውን፡የተመሸጉ፡ከተማዎችን፡በሰይፍ፡ይደበድባሉ።

¹⁸ነገር፡ግን፥በዚያ፡ዘመን፥ይላል፡እግዚአብሔር፥ፈጽሜ፡አላጠፋችኹም።

¹⁹እንዲህም፡ይኾናል፤እናንተ፦አምላካችን፡እግዚአብሔር፡ይህን፡ነገር፡ዅሉ፡ስለ፡ምን፡ አደረገብን፧ብትሉ፥አንተ፦እንደ፡ተዋችኹኝ፡በአገራችኹም፡ሌላዎችን፡አማልክት፡እንዳመለካችኹ፥እንዲሁ፡ ለእናንተ፡ባልኾነ፡አገር፡ለሌላዎች፡ሰዎች፡ትገዛላችኹ፡ትላቸዋለኽ።

²⁰ይህን፡በያዕቆብ፡ቤት፡አውሩ፥በይሁዳም፡አሰሙ።

²¹እናንተ፡ሰነፎች፡ልበ፡ቢሶች፥ዐይን፡እያላችኹ፡የማታዩ፥ዦሮም፡እያላችኹ፡የማትሰሙ፡ሕዝብ፡ ሆይ፥ይህን፡ስሙ።

²²በእውኑ፡እኔን፡አትፈሩምን፧ከፊቴስ፡አትደነግጡምን፧ይላል፡እግዚአብሔር፤እንዳያልፍ፡አሸዋን፡ በዘለዓለም፡ትእዛዝ፡ለባሕር፡ዳርቻ፡አድርጌያለኹ፤ሞገዱም፡ቢናወጥ፡አያሸንፍም፥ቢጮኽም፡አያልፍበትም። http://www.gzamargna.net www.ethiopianorthodox.org

²³ለዚህ፡ሕዝብ፡ግን፡የሸፈተና፡ያመፀ፡ልብ፡አላቸው፤ዐምፀዋል፥ኼደውማል።

²⁴በልባቸውም፦የፊተኛውንና፡የዃለኛውን፡ዝናብ፡በጊዜው፡የሚሰጠውን፥ለመከርም፡የተመደቡትን፡ ወራት፡የሚጠብቅልንን፡አምላካችንን፡እግዚአብሔርን፡እንፍራ፡አላሉም።

²⁵በደላችኹ፡እነዚህን፡አስቀርታለች፥ኀጢአታችኹም፡መልካምን፡ነገር፡ከለከለቻችኹ።

²⁶በሕዝቤ፡መካከል፡ክፉዎች፡ሰዎች፡ተገኝተዋል፤እንደ፡አጥማጆችም፡ያደባሉ፥ወጥመድንም፡ይዘረጋሉ፡ ሰዎችንም፡ያጠምዳሉ።

²⁷ቀፎ፡ወፎችን፡እንደሚሞላ፥እንዲሁ፡ቤታቸው፡ሽንገላን፡ሞልታለች፤እንዲሁም፡ከብረዋል፡ባለጠጋዎችም፡ ኾነዋል።

²⁸ወፍረዋል፡ሰብተውማል፥ክፋታቸውንም፡ያለልክ፡አብዝተዋል፤የድኻ፡አደጎች፡ነገር፡መልካም፡እንዲኾን፡ አልተሟገቱላቸውም፥የችግረኛዎችንም፡ፍርድ፡አልፈረዱላቸውም።

²⁹በእውኑ፡ስለ፡እነዚህ፡ነገሮች፡አልቀሥፍምን፧ይላል፡እግዚአብሔር፤ነፍሴስ፡እንደዚህ፡ባለ፡ሕዝብ፡ላይ፡ አትበቀልምን፧

³⁰የምታስደንቅና፡የምታስደነግጥ፡ነገር፡በምድር፡ላይ፡ኾናለች፤

³¹ነቢያት፡በሐሰት፡ትንቢት፡ይናገራሉ፥ካህናትም፡በእነዚህ፡እጅ፡ይገዛሉ፥ሕዝቤም፡እንዲህ፡ያለውን፡ነገር፡ ይወዳ፟ሉ፤በፍጻሜውስ፡ምን፡ታደርጋላችኹ፧