Jeremiah

¹እናንተ፡የብንያም፡ልጆች፥ክፉ፡ነገር፡ታላቅም፡ጥፋት፡ከሰሜን፡ይጐበኛልና፥ከኢየሩሳሌም፡ውስጥ፡ ሽሹ፥በቴቁሔ፡መለከቱን፡ንፉ፥በቤትሐካሪም፡ላይ፡ምልክት፡አንሡ።

²የተዋበችውንና፡የተሰባቀለችውን፡የጽዮንን፡ልጅ፡አጐሰቍላለኹ።

³እረኛዎችና፡መንጋዎቻቸው፡ወደ፡ርሷ፡ይመጣሉ፥በዙሪያዋም፡ድንኳኖቻቸውን፡ ይተክሉባታል፥እያንዳንዱም፡በስፍራው፡መንጋውን፡ያሰማራል።

⁴በርሷ፡ላይ፡ሰልፍ፡አዘጋጁ፥ተነሡ፥በቀትርም፡እንውጣ።ቀኑ፡መሽቷልና፥የማታውም፡ጥላ፡ ረዝሟልና፥ወዮልን።

⁵ተነሡ፡በሌሊትም፡እንውጣ፥አዳራሾቿንም፡እናፍርስ።

⁶የሰራዊት፡ጌታ፡እግዚአብሔር፡እንዲህ፡ይላልና፦ዛፎቿን፡ቍረጡ፥በኢየሩሳሌምም፡ላይ፡ዐፈርን፡ ደልድሉ፤ይህች፡ከተማ፡የምትቀሠፍ፡ናት፤መካከሏ፡ዅሉ፡ግፍ፡ብቻ፡ነው።

⁷በጕድጓድ፡ውሃ፡እንደሚፈልቅ፥እንዲሁ፡ክፋቷ፡ከርሷ፡ዘንድ፡ይፈልቃል፤ግፍና፡ቅሚያ፡በርሷ፡ዘንድ፡ ይሰማል፥ደዌና፡ቍስልም፡ዅልጊዜ፡በፊቴ፡አለ።

⁸ኢየሩሳሌም፡ሆይ፥ነፍሴ፡ከአንቺ፡እንዳትለይ፥አንቺንም፡ባድማና፡ወና፡እንዳላደርግሽ፥ተግሣጽን፡ተቀበዪ።

⁹እግዚአብሔር፡እንዲህ፡ይላል፦ሰው፡ወይኑን፡እንደሚቃርም፥እንዲሁ፡ከእስራኤል፡የቀሩትን፡ፈጽሞ፡ ይቃርሟቸዋል፤እጅኽንም፡እንደ፡ለቃሚ፡ወደ፡እንቅብ፡ዘርጋ።

¹⁰ይሰሙኝስ፡ዘንድ፡ለማን፡እናገራለኹ፧ለማንስ፡አስጠነቅቃለኹ፧እንሆ፥ዦሯቸው፡ያልተገረዘች፡ናት፡ ለመስማትም፡አይችሉም፤እንሆ፥የእግዚአብሔር፡ቃል፡ለስድብ፡ኾኖባቸዋል፥ደስም፡አያሠኛቸውም።

¹¹ስለዚህ፥በእግዚአብሔር፡ቍጣ፡ተሞልቻለኹ፤ከመታገሥ፡ደክሜያለኹ፤በሜዳ፡በሕፃናት፡ላይ፡ በጕልማሳዎችም፡ጉባኤ፡ላይ፡በአንድነት፡አፍሰ፟ው፤ባል፡ከሚስቱ፡ጋራ፡ሽማግሌውም፡ከጐበዙ፡ጋራ፡ ይያያዛልና። http://www.gzamargna.net www.ethiopianorthodox.org

¹²እጄን፡በምድር፡በሚኖሩ፡ላይ፡እዘረጋለኹና፥ቤቶቻቸው፡ዕርሻዎቻቸውም፡ሴቶቻቸውም፡በአንድነት፡ ለሌላዎች፡ይኾናሉ፥ይላል፡እግዚአብሔር።

¹³ከታናሹ፡ዠምሮ፡እስከ፡ታላቁ፡ድረስ፡ዅሉ፡ሥሥትን፡ያስባሉና፥ከነቢዩም፡ዠምሮ፡እስከ፡ካህኑ፡ድረስ፡ ዅሉ፡በተንኰል፡ያደርጋሉና።

¹⁴የሕዝቤንም፡ስብራት፡በጥቂቱ፡ይፈውሳሉ፤ሰላም፡ሳይኾን፦ሰላም፡ሰላም፡ይላሉ።

¹⁵ርኩስን፡ነገር፡ስለ፡ሠሩ፡ዐፍረዋልን፧ምንም፡አላፈሩም፥ዕፍረትንም፡አላወቁም፤ስለዚህ፥ከሚወድቁ፡ ጋራ፡ይወድቃሉ፤በጐበኘዃቸው፡ጊዜ፡ይዋረዳሉ፥ይላል፡እግዚአብሔር።

¹⁶እግዚአብሔር፡እንዲህ፡ይላል፦በመንገድ፡ላይ፡ቁሙ፡ተመልከቱም፥የቀደመችውንም፡መንገድ፡ ጠይቁ፤መልካሚቱ፡መንገድ፡ወዴት፡እንደ፡ኾነች፡ዕወቁ፥በርሷም፡ላይ፡ኺዱ፥ለነፍሳችኹም፡ዕረፍት፡ ታገኛላችኹ፤እነርሱ፡ግን፦አንኼድባትም፡አሉ።

¹⁷እኔም፦የመለከቱን፡ድምፅ፡አድምጡ፡ብዬ፡ጠባቂዎችን፡ሾምኹባችኹ፤እነርሱ፡ግን፦አናደምጥም፡ አሉ።

¹⁸አሕዛብ፡ሆይ፥ስለዚህ፡ስሙ፤ማኅበር፡ሆይ፥እነዚያ፡የሚያገኛቸውን፡ዕወቁ።

¹⁹ምድር፡ሆይ፥ስሚ፤እንሆ፥ቃሌን፡ስላልሰሙ፥ሕጌንም፡ስለ፡ጣሉ፥በዚህ፡ሕዝብ፡ላይ፡የዐሳባቸውን፡ ፍሬ፥ክፉን፡ነገር፡አመጣባቸዋለኹ።

²⁰ስለ፡ምንስ፡ከሳባ፡ዕጣንን፥ከሩቅም፡አገር፡ቀረፋን፡ታቀርቡልኛላችኹ፧የሚቃጠለውን፡መሥዋዕታችኹን፡ አልቀበለውም፡ሌላ፡መሥዋዕታችኹም፡ደስ፡አያሠኘኝም።

²¹ስለዚህ፥እግዚአብሔር፡እንዲህ፡ይላል፦እንሆ፥ከዚህ፡ሕዝብ፡ፊት፡ዕንቅፋቶችን፡አደርጋለኹ፤አባቶችና፡ ልጆች፡በአንድነት፡ይሰናከሉባቸዋል፥ጎረቤትና፡ባልንጀራም፡ይጠፋሉ።

²²እግዚአብሔር፡እንዲህ፡ይላል፦እንሆ፥ሕዝብ፡ከሰሜን፡አገር፡ይመጣል፥ታላቅ፡ሕዝብም፡ከምድር፡ ዳርቻ፡ይነሣል።

²³ቀስትንና፡ጦርን፡ይይዛሉ፤ጨካኞች፡ናቸው፥ምሕረትንም፡አያደርጉም፤ድምፃቸው፡እንደ፡ባሕር፡ ይተማ፟ል፥በፈረሶችም፡ላይ፡ይቀመጣሉ፤የጽዮን፡ሴት፡ልጅ፡ሆይ፥ለሰልፍ፡እንደ፡ተዘጋጀ፡ሰው፡ እያንዳንዳቸው፡ባንቺ፡ላይ፡ተሰለፉ።

²⁴ወሬውን፡ሰምተናል፥እጃችን፡ደክማለች፤ምጥ፡ወላድን፡ሴት፡እንደሚይዛት፡ጭንቀት፡ይዞናል።

²⁵የጠላት፡ሰይፍና፡ድንጋጤ፡ከበ፟ዋችዃልና፥ወደ፡ሜዳ፡አትውጡ፡በምንገድም፡ላይ፡አትኺዱ።

²⁶የሕዝቤ፡ልጅ፡ሆይ፥ማቅ፡ልበሺ፡በዐመድም፡ውስጥ፡ተንከባለዪ፤አጥፊ፡በላያችን፡በድንገት፡ ይመጣብናልና፥ለአንድያ፡ልጅ፡እንደሚደረግ፡ልቅሶ፥መራራ፡ልቅሶ፡አልቅሺ።

²⁷መንገዳቸውን፡እንድታውቅና፡እንድትፈትን፡በሕዝቤ፡መካከል፡ፈታኝ፡አድርጌኻለኹ።

²⁸እነርሱ፡ዅሉ፡እጅግ፡ዐመፀኛዎች፡ናቸው፤በጠማማነት፡ይኼዳሉ፤ናስና፡ብረት፡ናቸው፤ዅሉ፡ ርኵሰትን፡ያደርጋሉ።

²⁹ወናፍ፡አናፋ፡ርሳሱም፡በእሳት፡ቀለጠ፤አንጥረኛውም፡መልሶ፡በከንቱ፡ያቀልጠዋል፤ኀጢአተኛዎች፡ አልተወገዱም።

³⁰እግዚአብሔር፡ጥሏቸዋልና፥የተጣለ፡ብር፡ብለው፡ይጠሯቸዋል።