Job

¹ነዕማታዊውም፡ሶፋር፡መለሰ፥እንዲህም፡አለ፦

²በእውኑ፡ለቃል፡ብዛት፡መልስ፡መስጠት፡አይገ፟ባ፟ምን፧ ወይስ፡ተናጋሪ፡ሰው፡እንደ፡ጻድቅ፡ይቈጠራልን፧

³ትምክሕትኽስ፡ሰዎችን፡ዝም፡ያሠኛቸዋልን፧ ብትሳለቅስ፡የሚያሳፍርኽ፡የለምን፧

⁴አንተ፦ትምህርቴ፡የተጣራ፡ነው፥ በዐይንኽም፡ፊት፡ንጹሕ፡ነኝ፡ትላለኽ።

⁵ምነው፡እግዚአብሔር፡ቢናገርኽ! ባንተም፡ላይ፡ከንፈሩን፡ቢከፍት! http://www.gzamargna.net www.ethiopianorthodox.org

⁶የጥበቡን፡ምስጢር፡ቢገልጥልኽ! ማስተዋሉ፡ብዙ፡ነውና። እግዚአብሔር፡ለበደልኽ፡ከሚገ፟ባ፟ው፡አሳንሶ፡እንደሚያስከፍልኽ፡ዕወቅ።

⁷የእግዚአብሔርን፡ጥልቅ፡ነገር፡ልትመረምር፡ትችላለኽን፧ ወይስ፡ዅሉን፡የሚችል፡አምላክ፡ፈጽመኽ፡ልትመረምር፡ትችላለኽን፧

⁸ከሰማይ፡ይልቅ፡ከፍ፡ይላል፤ምን፡ልታደርግ፡ትችላለኽ፧ ከሲኦልም፡ይልቅ፡ይጠልቃል፤ምን፡ልታውቅ፡ትችላለኽ፧

⁹ርዝመቱ፡ከምድር፡ይልቅ፡ይረዝማል፥ ከባሕርም፡ይልቅ፡ይሰፋል።

¹⁰ርሱ፡ቢያልፍ፥ቢዘጋም፥ጉባኤንም፡ቢሰበስብ፥ የሚከለክለው፡ማን፡ነው፧

¹¹ምናምንቴዎችን፡ሰዎች፡ያውቃልና፥ በደልንም፡ሲያይ፡ዝም፡ብሎ፡አይመለከትም።

¹²የሜዳ፡አህያ፡ግልገል፡ሰው፡ኾኖ፡ቢወለድ፥ ያን፡ጊዜ፡ከንቱ፡ሰው፡ጥበብን፡ያገኛል።

¹⁴በእጅኽ፡በደል፡ቢኖር፡አርቀው፤ በድንኳንኽም፡ኀጢአት፡አይኑር፤ አንተ፡ልብኽን፡ቅን፡ብታደርግ፥ እጅኽንም፡ወደ፡ርሱ፡ብትዘረጋ፥

¹⁵በዚያን፡ጊዜ፡በእውነት፡ፊትኽን፡ያለነውር፡ታነሣለኽ፤ ትበረታለኽ፥አትፈራምም።

¹⁶መከራኽንም፡ትረሳለኽ፤ እንዳለፈ፡ውሃ፡ታስበዋለኽ።

¹⁷ከቅትር፡ይልቅ፡ሕይወትኽ፡ይበራል፤ ጨለማም፡ቢኾን፡እንደ፡ጧት፡ይኾናል።

¹⁸ተስፋም፡ስለ፡አለኽ፡ተዘልለኽ፡ትቀመጣለኽ፤ በዙሪያኽ፡ትመለከታለኽ፥በደኅንነትም፡ታርፋለኽ።

¹⁹ትተኛለኽ፥የሚያስፈራኽም፡የለም፤ ብዙ፡ሰዎችም፡ልመና፡ያቀርቡልኻል።

²⁰የክፉዎች፡ዐይን፡ግን፡ትጨልማለች፤ የሚሸሹበትንም፡ያጣሉ፥ ተስፋቸውም፡ነፍሳቸውን፡ማውጣት፡ነው። http://www.gzamargna.net www.ethiopianorthodox.org