Job

¹እንሆ፥ይህን፡ዅሉ፡ዐይኔ፡አየች፤ ዦሮዬም፡ሰምታ፡አስተዋለችው።

²እናንተ፡የምታውቁትን፡እኔ፡ደግሞ፡ዐውቃለኹ፤ ከእናንተ፡የማንስ፡አይደለኹም።

³ነገር፡ግን፥ዅሉን፡ለሚችል፡አምላክ፡መናገር፡እፈልጋለኹ፥ ከእግዚአብሔርም፡ጋራ፡ለመዋቀስ፡እሻለኹ።

⁴እናንተ፡ግን፡በሐሰት፡ለባጮች፡ናችኹ፤ ዅላችኹ፡የማትጠቅሙ፡ባለመድኀኒቶች፡ናችኹ።

⁵ምነው፡ዝም፡ብላችኹ፡ብትኖሩ! ይህ፡ጥበብ፡በኾነላችኹ፡ነበር።

⁶አኹንም፡ክርክሬን፡ስሙ፥ http://www.gzamargna.net www.ethiopianorthodox.org የከንፈሬንም፡ሙግት፡አድምጡ።

⁷በእውኑ፡ስለ፡እግዚአብሔር፡ሐሰትን፡ትናገራላችኹን፧ ስለ፡ርሱም፡ሽንገላን፡ታወራላችኹን፧

⁸ለፊቱስ፡ታደላላችኹን፧ ስለ፡እግዚአብሔርስ፡ትከራከራላችኹን፧

⁹ቢመረምራችኹስ፡መልካም፡ይኾንላችዃልን፧ ወይስ፡በሰው፡እንደምትሣለቁ፡ትሣለቁበታላችኹን፧

¹⁰በስውር፡ለሰው፡ፊት፡ብታደሉ፡ ዘለፋ፡ይዘልፋችዃል።

¹¹ክብሩስ፡አያስፈራችኹምን፧ ግርማውስ፡አይወድቅባችኹምን፧

¹²ምስሌዎቻችኹ፡የዐመድ፡ምሳሌዎች፡ናቸው፤ ምሽጎቻችኹ፡የጭቃ፡ምሽጎች፡ናቸው።

¹³ዝም፡በሉ፥እናገርም፡ዘንድ፡ተዉኝ፤ የኾነው፡ነገር፡ይምጣብኝ።

¹⁴ሥጋዬን፡በጥርሴ፡እይዛለኹ፥ ሕይወቴንም፡በእጄ፡አኖራለኹ።

¹⁵እንሆ፥ቢገድለኝ፡ስንኳ፡ርሱን፡በትዕግሥት፡እጠባበቃለኹ፤ ነገር፡ግን፡መንገዴን፡በፊቱ፡አጸናለኹ።

¹⁶ዝንጉ፡ሰው፡በፊቱ፡አይገባምና፡ ርሱ፡መድኀኒት፡ይኾንልኛል።

¹⁷ነገሬን፡ተግታችኹ፡ስሙ፥ ምስክርነቴንም፡በዦሯችኹ፡አድምጡ።

¹⁸እንሆ፥ሙግቴን፡አዘጋጅቻለኹ። እንደምጸድቅም፡ዐውቃለኹ።

¹⁹ከእኔስ፡ጋራ፡የሚፋረድ፡ማን፡ነው፧ አኹን፡እኔ፡ዝም፡ብል፡እሞታለኹ።

²⁰ነገር፡ግን፥ኹለት፡ነገር፡አታድርግብኝ፤ የዚያን፡ጊዜ፡ከፊትኽ፡አልሰወርም፤

²¹እጅኽን፡ከእኔ፡አርቅ፤ ግርማኽም፡አታስደንግጠኝ።

²²ከዚያም፡በዃላ፡ጥራኝ፥እኔም፡እመልስልኻለኹ። ወይም፡እኔ፡ልናገር፥አንተም፡መልስልኝ። http://www.gzamargna.net www.ethiopianorthodox.org

²³ያለብኝስ፡በደልና፡ኀጢአት፡ምን፡ያኽል፡ነው፧ መተላለፌንና፡ኀጢአቴን፡አስታውቀኝ።

²⁴ፊትኽን፡ከእኔ፡የሰወርኽ፥ እንደ፡ጠላትኽም፡የቈጠርኸኝ፡ስለ፡ምን፡ነው፧

²⁵የረገፈውን፡ቅጠል፡ታስጨንቃለኽን፧ ወይስ፡የደረቀውን፡ዕብቅ፡ታሳድዳለኽን፧

²⁶የመረረ፡ነገር፡ጽፈኽብኛልና፤ የሕፃንነቴንም፡ኀጢአት፡ታወርሰኛለኽ።

²⁷እግሬንም፡በእግር፡ግንድ፡አግብተኻል፥ መንገዴንም፡ዅሉ፡መርምረኻል፤ የእግሬን፡ፍለጋ፡ወስነኻል።

²⁸እኔ፡እንደሚጠፋ፡በስባሳ፡ነገር፥ ብልም፡እንደሚበላው፡ልብስ፡ነኝ።