Job

¹ቴማናዊውም፡ኤልፋዝ፡መለሰ፡እንዲህም፡አለ፦

²በእውኑ፡ጠቢብ፡ሰው፡እንደ፡ነፋስ፡በኾነ፡ዕውቀት፡ይመልሳልን፧ በሆዱስ፡የምሥራቅን፡ነፋስ፡ይሞላልን፧

³ከማይረባ፡ነገር፥ ወይስ፡ከማይጠቅም፡ንግግር፡ጋራ፡ይዋቀሳልን፧

⁴አንተም፡እግዚአብሔርን፡መፍራት፡ታፈርሳለኽ፤ በእግዚአብሔር፡ፊት፡አምልኮን፡ታስቀራለኽ።

⁵በደልኽ፡አፍኽን፡ያስተምረዋል፥ የተንኰለኛዎችንም፡አንደበት፡ትመርጣለኽ።

⁶የሚፈርድብኽ፡አፍኽ፡ነው፡እንጂ፡እኔ፡አይደለኹም። ከንፈሮችኽም፡ይመሰክሩብኻል።

⁷በእውኑ፡መዠመሪያ፡የተወለድኽ፡ሰው፡አንተ፡ነኽን፧ ወይስ፡ከተራራዎች፡በፊት፡ተፀነስኽን፧

⁸የእግዚአብሔርንስ፡ምስጢር፡ሰምተኻልን፧ ወይስ፡ጥበብን፡ለብቻኽ፡አድርገኻልን፧

⁹እኛ፡የማናውቀውን፡አንተ፡የምታወቀው፡ምንድር፡ነው፧ ከእኛ፡ዘንድስ፡የሌለው፡የምታስተውለው፡ምንድር፡ነው፧

¹⁰በዕድሜ፡ከአባትኽ፡የሚበልጡ፡ ሽበትም፡ያላቸው፡ሽማግሌዎችም፡ከእኛ፡ጋራ፡አሉ።

¹¹በእውኑ፡የእግዚአብሔር፡ማጽናናት፥ በየውሀትም፡የተነገረኽ፡ቃል፡ጥቂት፡ነውን፧

¹²ልብኽስ፡ለምን፡ይወስድኻል፧ ዐይኖችኽስ፡ለምን፡ይገለምጣሉ፧

¹³በእግዚአብሔር፡ላይ፡መንፈስኽን፡እስከ፡ማንሣት፡ደርሰኽ፤ ይህንም፡ቃል፡ከአፍኽ፡እስከ፡ማውጣት፡ደርሰኽ።

¹⁴ንጹሕ፡ይኾን፡ዘንድ፡ሰው፡ምንድር፡ነው፧ ጻድቅስ፡ይኾን፡ዘንድ፡ከሴት፡የተወለደ፡ምንድር፡ነው፧

¹⁵እንሆ፥በቅዱሳኑ፡ስንኳ፡አይታመንም፤ ሰማያትም፡በፊቱ፡ንጹሓን፡አይደሉም።

¹⁶ይልቁንስ፡አስጸያፊና፡የረከሰ፥ ኀጢአትንም፡እንደ፡ውሃ፡የሚጠጣ፡ሰው፡ምንኛ፡ያንስ፧

¹⁸ምድሪቱ፡ለብቻቸው፡ተሰጥታ፡የነበር፥

¹⁹በመካከላቸውም፡እንግዳ፡ያልገባባቸው፡ጠቢባን። http://www.gzamargna.net www.ethiopianorthodox.org ከአባቶቻቸው፡ተቀብለው፡የተናገሩትን፡ያልሸሸጉትንም፥ እገልጥልኻለኹ፥ስማኝ፤ያየኹትንም፡እነግርኻለኹ።

²⁰ክፉ፡ሰው፡ዕድሜውን፡ሙሉ፥ ከግፈኛ፡በተመደቡለት፡በዓመታት፡ዅሉ፡በሕመም፡ይጣጣራል።

²¹የሚያስደነግጥ፡ድምፅ፡በዦሮው፡ነው፤ በደኅንነቱም፡ሳለ፡ቀማኛ፡ይመጣበታል።

²²ከጨለማ፡ተመልሶ፡እንዲወጣ፡አያምንም፥ ሰይፍም፡ይሸምቅበታል።

²³ተቅበዝብዞም፦ወዴት፡አለ፧እያለ፡እንጀራ፡ይለምናል፤ የጨለማ፡ቀን፡እንደ፡ቀረበበት፡ያውቃል።

²⁴መከራና፡ጭንቀት፡ያስፈራሩታል፤ ለሰልፍ፡እንደ፡ተዘጋጀ፡ንጉሥ፡ያሸንፉታል፤

²⁵እጁን፡በእግዚአብሔር፡ላይ፡ዘርግቷልና፥ ዅሉንም፡በሚችል፡አምላክ፡ላይ፡ደፍሯልና፥

²⁶በደንዳና፡ዐንገቱና፡በወፍራሙ፡በጋሻው፡ ጕብጕብ፡እየሰገገ፡ይመጣበታልና፥

²⁷በስብም፡ፊቱን፡ከድኗልና፥ ስቡንም፡በወገቡ፡ላይ፡አድርጓልና፥

²⁸በተፈቱም፡ከተማዎች፡ውስጥ፥ ሰውም፡በሌለባቸው፥ ክምር፡ለመኾን፡በተመደቡ፡ቤቶች፡ውስጥ፡ተቀምጧልና፥

²⁹ባለጠጋ፡አይኾንም፥ሀብቱም፡አይጸናም፤ ጥላውንም፡በምድር፡ላይ፡አይጥልም፤

³⁰ከጨለማ፡አይወጣም፤ ነበልባሉም፡ቅርንጫፎቹን፡ያደርቃቸዋል፥ አበባዎቹም፡ይረግፋሉ።

³¹ዋጋው፡ከንቱ፡ነገር፡ይኾናልና፥ ራሱን፡እያሳተ፡በከንቱ፡ነገር፡አይታመን።

³²ቀኑ፡ሳይደርስ፡ጊዜው፡ይፈጸማል፥ ቅርንጫፉም፡አይለመልምም።

³³እንደ፡ወይን፡ያልበሰለውን፡ዘለላ፡ያረግፋል፤ እንደ፡ወይራ፡አበባውን፡ይጥላል።

³⁴የዝንጉዎች፡ጉባኤ፡ዅሉ፡ለጥፋት፡ይኾናል፥ http://www.gzamargna.net www.ethiopianorthodox.org የጕቦ፡ተቀባዮችንም፡ድንኳን፡እሳት፡ትበላለች።

³⁵ጕዳትን፡ይፀንሳሉ፥በደልንም፡ይወልዳሉ፥ ሆዳቸውም፡ተንኰልን፡ያዘጋጃል።