Job

¹መንፈሴ፡ደከመ፥ዘመኔ፡አለቀ፥ መቃብርም፡ተዘጋጅቶልኛል።

²አላጋጮች፡በእኔ፡ዘንድ፡አሉ፥ ዐይኔም፡በማስቈጣታቸው፡ዐደረች።

³አኹንም፡አንተ፡መያዣ፡ኾነኽ፡ተዋሰኝ፤ ከእኔ፡ጋራ፡አጋና፡የሚመታ፡ማን፡ነው፧

⁴ልባቸውም፡እንዳያስተውል፡ከልክለኸዋል፤ ስለዚህ፡ከፍ፡ከፍ፡አታደርጋቸውም።

⁵ለብዝበዛ፡ባልንጀራዎቹን፡አሳልፎ፡የሚሰጥ፡ሰው፥ http://www.gzamargna.net www.ethiopianorthodox.org የልጆቹ፡ዐይን፡ይጨልማል።

⁶ለሕዝብም፡ምሳሌ፡አደረገኝ፤ በፊቱ፡ላይ፡ጺቅ፡እንደሚሉበት፡ሰው፡ኾንኹ።

⁷ዐይኔም፡ከሐዘን፡የተነሣ፡ፈዘዘች፥ ብልቶቼም፡ዅሉ፡እንደ፡ጥላ፡ኾኑ።

⁸ቅኖች፡ሰዎች፡በዚህ፡ነገር፡ይደነቃሉ፥ ንጹሕም፡በዝንጉው፡ላይ፡ይበሳጫል።

⁹ጻድቅ፡ግን፡መንገዱን፡ያጠነክራል፥ እጁም፡ንጹሕ፡የኾነ፡ሰው፡ኀይልን፡እየጨመረ፡ይኼዳል።

¹⁰ነገር፡ግን፥እናንተ፡ዅሉ፡ተመልሳችኹ፡ወደ፡እኔ፡ኑ፤ በእናንተም፡ዘንድ፡ብልኀተኛ፡አላገኝም።

¹¹ዕድሜዬ፡ዐለፈች፤ ዐሳቤና፡የልቤ፡መሣሪያ፡ተቈረጠ።

¹²ሌሊቱን፡ወደ፡ቀን፡ይለውጣሉ፤ ብርሃኑም፡ወደ፡ጨለማ፡የቀረበ፡ይመስላቸዋል።

¹³ተስፋ፡ባደርግ፡ሲኦል፡ቤቴ፡ናት፤ ምንጣፌንም፡በጨለማ፡ዘርግቻለኹ።

¹⁴መበስበስን፦አንተ፡አባቴ፡ነኽ፤ ትልንም፦አንቺ፡እናቴ፣እኅቴም፡ነሽ፡ብያለኹ።

¹⁵እንግዲህ፡ተስፋዬ፡ወዴት፡ነው፧ ተስፋዬንስ፡የሚያይ፡ማን፡ነው፧

¹⁶ዐብረን፡በመሬት፡ውስጥ፡ስናርፍ፥ ወደ፡ሲኦል፡ይወርዳል።