Job

¹ሹሐዊውም፡በልዳዶስ፡መለሰ፡እንዲህም፡አለ፦

²እስከ፡መቼ፡ቃልን፡ታጠምዳለኽ፧ አስተውል፥ከዚያም፡በዃላ፡እንናገራለን።

³ስለ፡ምንስ፡እንደ፡እንስሳዎች፡ተቈጠርን፧ ስለ፡ምንስ፡በዐይንኽ፡ፊት፡ረከስን፧

⁴ቍጣ፡ወርሶኻል፤አንተስ፡የሞትኽ፡እንደ፡ኾነ፥ ምድር፡ስለ፡አንተ፡ባድማ፡ትኾናለችን፧ ወይስ፡አለት፡ከስፍራው፡ይነቀላልን፧ http://www.gzamargna.net www.ethiopianorthodox.org

⁵የኀጢአተኛ፡መብራት፡ይጠፋል፥ የእሳቱም፡ነበልባል፡ብልጭ፡አይልም።

⁶ብርሃን፡በድንኳኑ፡ውስጥ፡ይጨልማል፥ መብራቱም፡በላዩ፡ይጠፋል።

⁷የኀይሉም፡ርምጃ፡ትጠባ፟ለች፥ ምክሩም፡ትጥለዋለች።

⁸እግሩ፡በወጥመድ፡ትያዛለች፥ በመረብም፡ላይ፡ይኼዳል።

⁹አሽክላ፡ሰኰናውን፡ይይዛል፥ ወስፈንጠርም፡ይበረታበታል።

¹⁰በምድር፡ላይ፡የሸምቀቆ፡ገመድ፥ በመንገዱም፡ላይ፡ወጥመድ፡ለርሱ፡ተሰውራለች።

¹¹ድንጋጤ፡በዙሪያው፡ታስፈራዋለች፥ በስተዃላውም፡ኾና፡ታባርራቸዋለች።

¹²ኀይሉ፡በራብ፡ትደክማለች፥ መቅሠፍትም፡እስኪሰናከል፡ተዘጋጅቶለታል።

¹³የሰውነቱ፡ብልቶች፡ይጠፋሉ፤ የሞትም፡በኵር፡ልጅ፡ብልቶቹን፡ይበላል።

¹⁴ከሚታመንበት፡ድንኳን፡ይነቀላል፤ ወደ፡ድንጋጤም፡ንጉሥ፡ያስቸኵሉታል።

¹⁵በድንኳኑ፡ውስጥ፡ለርሱ፡የማይኾነው፡ይኖራል፤ በመኖሪያውም፡ላይ፡ዲን፡ይበተናል።

¹⁶ሥሩ፡ከበታቹ፡ይደርቃል፥ ጫፉም፡ከበላይ፡ይረግፋል።

¹⁷መታሰቢያው፡ከምድር፡ላይ፡ይጠፋል፥ በሜዳም፡ስም፡አይቀርለትም።

¹⁸ከብርሃን፡ወደ፡ጨለማ፡ያፈልሱታል፥ ከዓለምም፡ያሳድዱታል።

¹⁹ዘርም፡ትውልድም፡በሕዝቡ፡መካከል፡አይኾንለትም፤ በመኖሪያውም፡ውስጥ፡የሚቀመጥ፡ሰው፡አይቀርለትም።

²⁰የፊተኛዎች፡ሰዎች፡እንደ፡ደነገጡ፥ እንዲሁ፡የዃለኛዎች፡ሰዎች፡ስለ፡ዘመኑ፡ይደነቃሉ።

²¹በእውነት፡የኀጢአተኛዎች፡ቤት፡እንዲሁ፡ናት፥ http://www.gzamargna.net www.ethiopianorthodox.org እግዚአብሔርንም፡የማያውቅ፡ሰው፡ስፍራ፡ይህ፡ነው።