Job

¹ኢዮብም፡መለሰ፡እንዲህም፡አለ፦

²ነፍሴን፡የምትነዘንዙ፥ በቃልስ፡የምታደቁ፟ኝ፡እስከ፡መቼ፡ነው፧

³ይኸው፡ስትሰድቡኝ፡ዐሥር፡ጊዜ፡ነው፤ ስታሻክሩኝም፡አላፈራችኹም።

⁴በእውነትም፡የሳትኹ፡እንደ፡ኾነ፥ ስሕተቴ፡ከእኔ፡ጋራ፡ትኖራለች።

⁵በእውነትም፡ብትጓደዱብኝ፥ መዋረዴን፡በእኔ፡ላይ፡ብትከራከሩ፥

⁶እንግዲህ፡እግዚአብሔር፡እንደ፡ገለበጠኝ፥ በመረቡም፡እንደ፡ከበበኝ፡ዕወቁ።

⁷እንሆ፥ስለተደረገብኝ፡ግፍ፡ብጮኽ፡ማንም፡አይመልስልኝም፤ አሰምቼም፡ብጠራ፡ፍርድ፡የለኝም።

⁸እንዳላልፍ፡መንገዴን፡ዘግቶታል፥ በጐዳናዬም፡ጨለማ፡አኑሮበታል።

⁹ክብሬን፡ገፈፈኝ፥ ዘውዴንም፡ከራሴ፡ላይ፡ወሰደ።

¹⁰በዚህና፡በዚያም፡አፈረሰኝ፥እኔም፡ኼድኹ፤ ተስፋዬንም፡እንደ፡ዛፍ፡ነቀለው፤

¹¹ቍጣውንም፡አነደደብኝ፥ እንደ፡ጠላቱም፡ቈጠረኝ።

¹²ሰራዊቱ፡ዐብረው፡መጡ፥ መንገዳቸውንም፡በላዬ፡አዘጋጁ፥ በድንኳኔም፡ዙሪያ፡ሰፈሩ።

¹³ወንድሞቼን፡ከእኔ፡ዘንድ፡አራቀ፥ የሚያውቁኝም፡አጥብቀው፡ተለዩኝ።

¹⁴ዘመዶቼ፡ተቋረጡ፥ ወዳጆቼም፡ረሱኝ።

¹⁵ቤተ፡ሰቦቼና፡ሴቶች፡ባሪያዎቼ፡እንደ፡መጻተኛ፡ቈጠሩኝ፤ በዐይናቸውም፡እንደ፡እንግዳ፡ኾንኹ። http://www.gzamargna.net www.ethiopianorthodox.org

¹⁶ባሪያዬን፡ብጠራ፥በአፌም፡ባቈላምጥ፡አይመልስልኝም።

¹⁷ሚስቴ፡እስትንፋሴን፡ጠላች፥ የእናቴም፡ማሕፀን፡ልጆች፡ልመናዬን፡ጠሉ።

¹⁸ሕፃናት፡እንኳ፡አጠቁኝ፤ ብነሣም፡በእኔ፡ላይ፡ይናገራሉ።

¹⁹አማካሪዎቼ፡ዅሉ፡ተጸየፉኝ፤ እኔ፡የምወዳ፟ቸው፡በላዬ፡ተገለበጡ።

²⁰ዐጥንቴ፡ከቍርበቴና፡ከሥጋዬ፡ጋራ፡ተጣበቀ፤ ድድ፡ብቻ፡ቀርቶልኝ፡አመለጥኹ።

²¹እናንተ፡ወዳጆቼ፡ሆይ፥ማሩኝ፤ የእግዚአብሔር፡እጅ፡መትታኛለችና፡ማሩኝ።

²²ስለ፡ምን፡እናንተ፡እንደ፡እግዚአብሔር፡ታሳድዱኛላችኹ፧ ከሥጋዬስ፡ስለ፡ምን፡አትጠግቡም፧

²³ምነው፡አኹን፡ቃሌ፡ቢጻፍ! ምነው፡በመጽሐፍ፡ውስጥ፡ቢታተም!

²⁴ምነው፡በብረት፡ብርና፡በርሳስ፡ በአለቱ፡ላይ፡ለዘለዓለም፡ቢቀረጽ!

²⁵እኔን፡ግን፡የሚቤዠኝ፡ሕያው፡እንደ፡ኾነ፥ በመጨረሻም፡ዘመን፡በምድር፡ላይ፡እንዲቆም፥

²⁶ይህ፡ቍርበቴም፡ከጠፋ፡በዃላ፥ በዚያን፡ጊዜ፡ከሥጋዬ፡ተለይቼ፡እግዚአብሔርን፡እንዳይ፡ዐውቃለኹ።

²⁷እኔ፡ራሴ፡አየዋለኹ፥ ዐይኖቼም፡ይመለከቱታል፥ ከእኔም፡ሌላ፡አይደለም። ልቤ፡በመናፈቅ፡ዝሏል።

²⁸በእውነት፦እንዴት፡እናሳድደዋለን፧ የነገሩ፡ሥር፡በርሱ፡ዘንድ፡ተገኝቷል፡ብትሉ፥

²⁹ፍርድ፡እንዳለ፡ታውቁ፡ዘንድ፡ ቍጣ፡የሰይፍን፡ቅጣት፡ያመጣልና፥ ከሰይፍ፡ፍሩ።