Job

¹ናዕማታዊውም፡ሶፋር፡መለሰ፡እንዲህም፡አለ፦ http://www.gzamargna.net www.ethiopianorthodox.org

²ስለዚህ፥በውስጤ፡ስላለው፡ችኰላ፡ዐሳቤ፡ትመልስልኛለች።

³የሚያሳፍረኝንም፡ተግሣጽ፡ሰምቻለኹ፥ የማስተዋሌም፡መንፈስ፡ይመልስልኛል።

⁴ሰው፡በምድር፡ላይ፡ከተቀመጠ፥ከዱሮ፡ዘመን፡ዠምሮ፥

⁵የኀጢአተኛ፡ፉከራ፡ዐጪር፡መኾኑን፡ የዝንጉዎችም፡ደስታ፡ቅጽበት፡መኾኑን፡አታውቁምን፧

⁶ከፍታው፡ወደ፡ሰማይ፡ቢወጣ፥ ራሱም፡እስከ፡ደመና፡ቢደርስ፥

⁷እንደ፡ፋንድያ፡ለዘለዓለም፡ይጠፋል፤ ያዩትም፦ወዴት፡ነው፧ይላሉ።

⁸እንደ፡ሕልም፡ይበራ፟ል፥ርሱም፡አይገኝም፤ እንደ፡ሌሊትም፡ራእይ፡ይሰደዳል።

⁹ያየችውም፡ዐይን፡ዳግመኛ፡አታየውም፤ ስፍራውም፡ከእንግዲህ፡ወዲህ፡አይመለከተውም።

¹⁰ልጆቹ፡ድኻዎቹን፡ያቈላምጣሉ፤ እጁ፡ሀብቱን፡ይመልሳል።

¹¹ዐጥንቶቹ፡ብላቴንነቱን፡ሞልተዋል፤ ነገር፡ግን፡ከርሱ፡ጋራ፡በመሬት፡ውስጥ፡ይተኛል።

¹²ክፋት፡በአፉ፡ውስጥ፡ቢጣፍጥ፥ ከምላሱም፡በታች፡ቢሰውረው፥

¹³ቢጠብቀውም፡ባይተወውም፥ በጕረሮውም፡ቢይዘው፥

¹⁴መብሉ፡በአንዠቱ፡ውስጥ፡ይገላበጣል፤ እንደ፡እፍኝትም፡ሐሞት፡በውስጡ፡ይኾናል።

¹⁵የዋጠውን፡ሀብት፡ይተፋዋል፤ እግዚአብሔርም፡ከሆዱ፡ውስጥ፡ያወጣዋል።

¹⁶የእፍኝትን፡መርዝ፡ይጠባል፤ የእባብም፡ምላስ፡ይገድለዋል።

¹⁷የማሩንና፡የቅቤውን፡ፈሳሽ፡ ወንዞቹንም፡አይመለከትም።

¹⁸የድካሙን፡ፍሬ፡ሳይውጠው፡ይመልሰዋል፤ እንደ፡ንግዱም፡ትርፍ፡አይደሰትም።

¹⁹ድኻውን፡አስጨንቋል፥ትቶታልም፤ http://www.gzamargna.net www.ethiopianorthodox.org ያልሠራውንም፡ቤት፡በዝብዟል።

²⁰ሆዱ፡ዕረፍትን፡አላወቀምና፡ የወደደው፡ነገር፡አላዳነውም።

²¹ርሱ፡ከበላ፡በዃላ፡ምንም፡አልተረፈም፤ ስለዚህ፡በረከቱ፡አይከናወንለትም።

²²በጠገበ፡ጊዜ፡ይጨነቃል፤ የችግረኛዎችም፡ዅሉ፡እጅ፡ታገኘዋለች።

²³ሆዱን፡ሳያጠግብ፡ እግዚአብሔር፡የቍጣውን፡ትኵሳት፡ይሰድ፟በታል፥ ሲበላም፡ያዘንብበታል።

²⁴ከብረት፡መሣሪያም፡ይሸሻል፥ የናስም፡ቀስት፡ይወጋዋል።

²⁵ርሱም፡ይመዘ፟ዋል፥ከሥጋውም፡ይወጣል፤ ከሐሞቱም፡ብልጭ፡ብሎ፡ይሠርጻል፤ ፍርሀትም፡ይወድቅበታል።

²⁶ጨለማ፡ዅሉ፡ስለከበረው፡ዕቃ፡ተዘጋጅቷል፤ በሰው፡አፍ፡እፍ፡የማትባል፡እሳት፡ትበላዋለች፤ በድንኳኑ፡ውስጥ፡የቀረው፡ይጨነቅባታል።

²⁷ሰማይ፡ኀጢአቱን፡ይገልጥበታል፥ ምድርም፡ትነሣበታለች።

²⁸የቤቱም፡ባለጠግነት፡ይኼዳል፤ በቍጣው፡ቀን፡እንደ፡ፈሳሽ፡ውሃ፡ያልፋል።

²⁹ከእግዚአብሔር፡ዘንድ፡የበደለኛ፡ሰው፡ዕድል፡ፈንታ፥ ከእግዚአብሔርም፡የተመደበ፡ርስቱ፡ይህ፡ነው።