Job

¹ቴማናዊውም፡ኤልፋዝ፡መለሰ፡እንዲህም፡አለ፦

²በእውኑ፡ሰው፡እግዚአብሔርን፡ይጠቅመዋልን፧ http://www.gzamargna.net www.ethiopianorthodox.org በእውነት፡ጥበበኛ፡ሰው፡ራሱን፡ይጠቅማል።

³ጻድቅ፡መኾንኽስ፡ዅሉን፡የሚችለውን፡አምላክ፡ደስ፡ያሠኘዋልን፧ መንገድኽን፡ማቅናትኽስ፡ይጠቅመዋልን፧

⁴ርሱንስ፡ስለ፡ፈራኽ፡ይዘልፍኻልን፧ ወደ፡ፍርድስ፡ከአንተ፡ጋራ፡ይገባልን፧

⁵ክፋትኽስ፡የበዛ፡አይደለምን፧ ለኀጢአትኽም፡ፍጻሜ፡የላትም።

⁶የወንድሞችኽን፡መያዣ፡በከንቱ፡ወስደኻል፥ የዕርዝተኛዎቹንም፡ልብስ፡ዘርፈኻል።

⁷ለደካማ፡ውሃ፡አላጠጣኽም፥ ለራብተኛም፡እንጀራን፡ከልክለኻል።

⁸በክንድ፡የበረታ፡ምድርን፡ገዛ፤ ከበርቴውም፡ሰው፡ተቀመጠባት።

⁹መበለቲቱን፡አንዳች፡አልባ፡ሰደ፟ኻታል፤ የድኻ፡አደጎችም፡ክንድ፡ተሰብሯል።

¹⁰ስለዚህ፥አሽክላ፡ከቦ፟ኻል፥ ድንገተኛ፡ፍርሀትም፡አናውጦኻል።

¹¹እንዳታይ፡ብርሃን፡ጨለማ፡ኾነችብኽ፥ የውሃዎችም፡ብዛት፡አሰጠመኽ።

¹²እግዚአብሔር፡በሰማያት፡ከፍ፡ከፍ፡አይልምን፧ ከዋክብትም፡እንዴት፡ከፍ፡ከፍ፡እንዳሉ፡ተመልከት።

¹³አንተም፦እግዚአብሔር፡ምን፡ያውቃል፧ በድቅድቅ፡ጨለማ፡ውስጥ፡ኾኖ፡ሊፈርድ፡ይችላልን፧

¹⁴እንዳያይ፡የጠቈረ፡ደመና፡ጋርዶታል፤ በሰማይ፡ክበብ፡ላይ፡ይራመዳል፡ብለኻል።

¹⁵በእውኑ፡ኀጢአተኛዎች፡ሰዎች፡የረገጧትን፡ የዱሮዪቱን፡መንገድ፡ትጠብቃለኽን፧

¹⁶ጊዜያቸው፡ሳይደርስ፡ተነጠቁ፤ መሠረታቸውም፡እንደ፡ፈሳሽ፡ውሃ፡ፈሰሰ።

¹⁷እግዚአብሔርንም፦ከእኛ፡ዘንድ፡ራቅ፤ ዅሉንም፡የሚችል፡አምላክ፡ምን፡ሊያደርግልን፡ይችላል፧አሉት።

¹⁸ነገር፡ግን፥ቤታቸውን፡በመልካም፡ነገር፡ሞላ፤ የኃጥኣን፡ምክር፡ከእኔ፡ዘንድ፡የራቀች፡ናት። http://www.gzamargna.net www.ethiopianorthodox.org

¹⁹ጻድቃን፡ያዩታል፥ደስም፡ይላቸዋል፤ ንጹሓንም፡በንቀት፡ይሥቁባቸዋል።

²⁰በእውነት፡ሀብታቸው፡ጠፋ፥ የቀረውንም፡እሳት፡በላች።

²¹አኹንም፡ከርሱ፡ጋራ፡ተስማማ፥ሰላምም፡ይኑርኽ፤ በዚያም፡በጎነት፡ታገኛለኽ።

²²ከአፉም፡ሕጉን፡ተቀበል፥ በልብኽም፡ቃሉን፡አኑር፤

²³ዅሉን፡ወደሚችል፡አምላክ፡ብትመለስ፥ብትዋረድም፥ ኀጢአትንም፡ከድንኳንኽ፡ብታርቅ፥

²⁴የወርቅን፡ዕቃ፡በዐፈር፡ውስጥ፥ የኦፊርንም፡ወርቅ፡በጅረት፡ድንጋይ፡መካከል፡ብትጥል፥

²⁵ዅሉን፡የሚችል፡አምላክ፡ወርቅና፡የሚብለጨለጭ፡ብር፡ይኾንልኻል።

²⁶የዚያን፡ጊዜ፡ዅሉን፡በሚችል፡አምላክ፡ደስ፡ይልኻል፥ ፊትኽንም፡ወደ፡እግዚአብሔር፡ታነሣለኽ።

²⁷ወደ፡ርሱም፡ትጸልያለኽ፥ርሱም፡ይሰማኻል፤ ስእለትኽንም፡ትሰጣለኽ።

²⁸ነገርንም፡ትመክራለኽ፥ርሱም፡ይሳካልኻል፤ ብርሃንም፡በመንገድኽ፡ላይ፡ይበራል።

²⁹ቢያዋርዱኽ፡አንተ፡ከፍ፡ከፍ፡ትላለኽ፤ ትሑቱንም፡ሰው፡ያድነዋል።

³⁰ንጹሑን፡ሰው፡ያድነዋል፤ በእጅኽም፡ንጽሕና፡ትድናለኽ።