Job

¹ኢዮብም፡መለሰ፡እንዲህም፡አለ፦

²ዛሬም፡ደግሞ፡የሐዘን፡እንጕርጕሮዬ፡ገና፡መራራ፡ነው፤ እጁ፡በልቅሶ፡ጩኸቴ፡ላይ፡ከብዳለች።

³ርሱን፡ወዴት፡እንዳገኘው፡ምነው፡ባወቅኹ! ወደተቀመጠበትስ፡ስፍራ፡ምነው፡በደረስኹ!

⁴በፊቱ፡ሙግቴን፡አዘጋጅ፡ነበር፥ አፌንም፡በማስረጃ፡እሞላው፡ነበር።

⁵የሚመልስልኝም፡ቃል፡ምን፡እንደ፡ኾነ፡ዐውቅ፡ነበር፥ http://www.gzamargna.net www.ethiopianorthodox.org የሚለኝንም፡አስተውል፡ነበር።

⁶በኀይሉ፡ብዛት፡ከእኔ፡ጋራ፡ይሟገት፡ነበርን፧ እንኳን! ያደምጠኝ፡ነበር።

⁷ቅን፡ሰው፡ከርሱ፡ጋራ፡በዚያ፡ይከራከር፡ነበር፤ እኔም፡ከፈራጄ፡ለዘለዓለም፡እድን፡ነበር።

⁸እንሆ፥ወደ፡ፊት፡እኼዳለኹ፥ርሱም፡የለም፤ ወደ፡ዃላም፡እኼዳለኹ፥እኔም፡አላስተውለውም፤

⁹ወደሚሠራበት፡ወደ፡ግራ፡ብኼድ፡አልመለከተውም፤ በቀኜም፡ይሰወራል፥አላየውምም፤

¹⁰የምኼድበትን፡መንገድ፡ያውቃል፤ ከፈተነኝም፡በዃላ፡እንደ፡ወርቅ፡እወጣለኹ።

¹¹እግሬ፡ወደ፡ርምጃው፡ተጣብቋል፤ መንገዱንም፡ጠብቄያለኹ፥ፈቀቅም፡አላልኹም።

¹²ከከንፈሩ፡ትእዛዝ፡አልተመለስኹም፤ የአፉን፡ቃል፡በልቤ፡ሰውሬያለኹ።

¹³ርሱ፡ግን፡ብቻውን፡ነው፤ርሱንስ፡የሚመስለው፡ማን፡ነው፧ ነፍሱም፡የወደደችውን፡ያደርጋል።

¹⁴በእኔ፡ላይ፡የተወሰነውን፡ይፈጽማል፤ እንደዚህም፡ያለ፡ብዙ፡ነገር፡በርሱ፡ዘንድ፡አለ።

¹⁵ስለዚህ፥በፊቱ፡ደነገጥኹ፤ ባሰብኹም፡ጊዜ፡ከርሱ፡ፈራኹ።

¹⁶እግዚአብሔር፡ልቤን፡አባብቶታልና፥ ዅሉንም፡የሚችል፡አምላክ፡አስደንግጦኛል።

¹⁷ከጨለማው፡የተነሣ፥ ድቅድቁም፡ጨለማ፡ፊቴን፡ከመክደኑ፡የተነሣ፡አልደነገጥኹም።