Job

¹አኹን፡ግን፡በዕድሜ፡ከእኔ፡የሚያንሱ፥ አባቶቻቸውን፡ከመንጋዬ፡ውሻዎች፡ጋራ፡ለማኖር፡የናቅዃቸው፥ በእኔ፡ላይ፡ተሣለቁብኝ።

²ሙሉ፡ሰው፡መኾናቸው፡ጠፍቶባቸው፡ነበርና፥ የእጃቸው፡ብርታት፡ለእኔ፡ምን፡ይጠቅማል፧

³በራብና፡በቀጠና፡የመነመኑ፡ናቸው፤ http://www.gzamargna.net www.ethiopianorthodox.org የመፍረስና፡የመፈታት፡ጨለማ፡ወዳለበት፡ ወደ፡ምድረ፡በዳ፡ይሸሻሉ።

⁴በቍጥቋጦ፡አጠገብ፡ያለውን፡ ጨው፡ጨው፡የሚለውን፡አትክልት፡ይለቅማሉ፤ የክትክታ፡ሥር፡ደግሞ፡መብላቸው፡ነው።

⁵ከሰዎች፡ተለይተው፡ተሰደዱ፤ በሌባ፡ላይ፡እንደሚጮኽ፡ይጮኹባቸዋል።

⁶በሸለቆ፡ፈረፈርና፡በምድር፡ጕድጓድ፡ በድንጋይም፡ዋሻ፡ውስጥ፡ይኖራሉ።

⁷በቍጥቋጦ፡መካከል፡ይጮኻሉ፤ ከሳማ፡በታች፡ተሰብስበዋል።

⁸የሰነፎችና፡የነውረኛዎች፡ልጆች፡ናቸው፤ ከምድርም፡በግርፋት፡የተባረሩ፡ናቸው።

⁹አኹንም፡እኔ፡መዝፈኛና፡መተረቻ፡ኾንዃቸው።

¹⁰ተጸየፉኝ፥ከእኔም፡ራቁ፤ አክታቸውንም፡በፊቴ፡መትፋትን፡አልተዉም።

¹¹የቀስቴን፡አውታር፡አላልቶብኛል፥አዋርዶኝማል፤ እነርሱም፡በፊቴ፡ልጓማቸውን፡ፈተ፟ዋል።

¹²በቀኜ፡በኩል፡ዱርዬዎች፡ተነሥተዋል፥ እግሬንም፡ይገለብጣሉ፤ የጥፋታቸውን፡መንገድ፡በእኔ፡ላይ፡ይጐድባሉ።

¹³ጐዳናዬን፡ያበላሻሉ፤ ረዳት፡የሌላቸው፡ሰዎች፡መከራዬን፡ያበዛሉ።

¹⁴በሰፊ፡ፍራሽ፡እንደሚመጡ፡ይመጡብኛል፤ በባድማ፡ውስጥ፡ይንከባለሉብኛል።

¹⁵ድንጋጤ፡በላዬ፡ተመለሰችብኝ፥ ክብሬንም፡እንደ፡ነፋስ፡ያሳድዷታል፤ ደኅንነቴም፡እንደ፡ደመና፡ዐልፋለች።

¹⁶አኹንም፡ነፍሴ፡በውስጤ፡ፈሰሰች፤ የመከራም፡ዘመን፡ያዘችኝ።

¹⁷በሌሊት፡ዐጥንቴ፡በደዌ፡ተነደለች፥ ዥማቶቼም፡አያርፉም።

¹⁸ከታላቁ፡ደዌ፡ኀይል፡የተነሣ፡ልብሴ፡ተበላሸች፤ http://www.gzamargna.net www.ethiopianorthodox.org እንደ፡ቀሚስ፡ክሳድ፡ዐነቀችኝ።

¹⁹ርሱ፡በጭቃ፡ውስጥ፡ጣለኝ፥ ዐፈርና፡ዐመድም፡መሰልኹ።

²⁰ወዳንተ፡ጮኽኹ፥አልመለስኽልኝም፤ ተነሣኹ፥አልተመለከትኸኝም።

²¹ተመልሰኽ፡ጨካኝ፡ኾንኽብኝ፤ በእጅኽም፡ብረታት፡አስጨነቅኸኝ።

²²በነፋስ፡አነሣኸኝ፥በላዩም፡አስቀመጥኸኝ፤ በዐውሎ፡ነፋስ፡አቀለጥኸኝ።

²³ለሞት፡ሕያዋንም፡ዅሉ፡ለሚሰበሰቡበት፡ቤት፡አሳልፈኽ፡እንደምትሰጠኝ፡ዐውቄያለኹና።

²⁴ነገር፡ግን፥ሰው፡በወደቀ፡ጊዜ፡እጁን፡አይዘረጋምን፧ በጥፋቱስ፡ጊዜ፡አይጮኽምን፧

²⁵ጭንቅ፡ቀን፡ላገኘው፡ሰው፡አላለቀስኹምን፧ ለችግረኛስ፡ነፍሴ፡አላዘነችምን፧

²⁶ነገር፡ግን፥በጎነትን፡በተጠባበቅኹ፡ጊዜ፡ክፉ፡ነገር፡መጣችብኝ፤ ብርሃንን፡በትዕግሥት፡ጠበቅኹ፥ጨለማም፡መጣ።

²⁷አንዠቴ፡ፈላች፥አላረፈችም፤ የመከራም፡ዘመን፡መጣችብኝ።

²⁸ያለፀሓይ፡በትካዜ፡ኼድኹ፤ በጉባኤም፡መካከል፡ቆሜ፡ጮኽኹ።

²⁹ለቀበሮ፡ወንድም፥ ለሰጐንም፡ባልንጀራ፡ኾንኹ።

³⁰ቍርበቴ፡ጠቈረ፥ከእኔም፡ተለይቶ፡ርግፍግፍ፡አለ፤ ዐጥንቴም፡ከትኵሳት፡የተነሣ፡ተቃጠለች።

³¹ስለዚህ፥መሰንቆዬ፡ለሐዘን፥ እንቢልታዬም፡ለሚያለቅሱ፡ቃል፡ኾነ።