Job

¹ከዐይኔ፡ጋራ፡ቃል፡ኪዳን፡ገባኹ፤ እንግዲህስ፡ቈንዦዪቱን፡እንዴት፡እመለከታለኹ፧

²የእግዚአብሔር፡ዕድል፡ፈንታ፡ከላይ፥ ዅሉንም፡የሚችል፡አምላክ፡ርስት፡ከአርያም፡ምንድር፡ነው፧

³መዓትስ፡ለኀጢአተኛ፥ http://www.gzamargna.net www.ethiopianorthodox.org መለየትስ፡ለሚበድሉ፡አይደለችምን፧

⁴መንገዴን፡አያይምን፧ ርምጃዬንስ፡ዅሉ፡አይቈጥርምን፧

⁶በእውነተኛ፡ሚዛን፡ልመዘን፥ እግዚአብሔርም፡ቅንነቴን፡ይወቅ። በሐሰት፡ኼጄ፡እንደ፡ኾነ፡ እግሬም፡ለሽንገላ፡ቸኵላ፡እንደ፡ኾነ፥

⁷ርምጃዬ፡ከመንገድ፡ፈቀቅ፡ብሎ፥ ልቤም፡ዐይኔን፡ተከትሎ፥ ነውርም፡ከእጄ፡ጋራ፡ተጣብቆ፡እንደ፡ኾነ፥

⁸እኔ፡ልዝራ፥ሌላ፡ሰውም፡ይብላው፤ የሚበቅለውም፡ዅሉ፡ይነቀል።

⁹ልቤ፡ወደ፡ሌላዪቱ፡ሴት፡ጐምዥቶ፡እንደ፡ኾነ፥ በባልንጀራዬም፡ደጅ፡አድብቼ፡እንደ፡ኾነ፥

¹⁰ሚስቴ፡ለሌላ፡ሰው፡ትፍጭ፥ ሌላዎችም፡በርሷ፡ላይ፡ይጐንበሱ።

¹¹ይህ፡ክፉ፡አበሳ፥ ፈራጆችም፡የሚቀጡበት፡በደል፡ነውና፤

¹²ይህ፡እስከ፡ጥፋት፡ድረስ፡የሚበላ፡እሳት፥ ቡቃያዬንም፡ዅሉ፡የሚነቅል፡ነውና።

¹³ወንድ፡ባሪያዬ፡ወይም፡ሴት፡ባሪያዬ፡ከእኔ፡ጋራ፡በተሟገቱ፡ጊዜ፥ ሙግታቸውን፡ንቄ፡እንደ፡ኾነ፥

¹⁴እግዚአብሔር፡በተነሣ፡ጊዜ፡ምን፡አደርጋለኹ፧ በጐበኘኝ፡ጊዜ፡ምን፡እመልስለታለኹ፧

¹⁵እኔን፡በማሕፀን፡የፈጠረ፡ርሱንስ፡የፈጠረው፡አይደለምን፧ በማሕፀንስ፡ውስጥ፡የሠራን፡አንድ፡አይደለንምን፧

¹⁶ድኻውን፡ከልመናው፡ከልክዬ፥ የመበለቲቱን፡ዐይን፡አጨልሜ፡እንደ፡ኾነ፥

¹⁷እንጀራዬን፡ለብቻዬ፡በልቼ፡እንደ፡ኾነ፥ ድኻ፡አደጉም፡ደግሞ፡ከርሱ፡ሳይበላ፡ቀርቶ፡እንደ፡ኾነ፤

¹⁸ርሱን፡ግን፡ከታናሽነቴ፡ዠምሬ፡እንደ፡አባቱ፡ከእኔ፡ጋራ፡አሳድጌው፡ነበር፥ ርሷንም፡ከእናቴ፡ማሕፀን፡ዠምሬ፡መራዃት፤

¹⁹ዕራቍቱን፡የኾነው፡ሰው፡ሲጠፋ፥ http://www.gzamargna.net www.ethiopianorthodox.org ወይም፡ድኻ፡ያለልብስ፡ሲኾን፡አይቼ፡እንደ፡ኾነ፥

²⁰ጐንና፡ጐኑ፡ያልባረከችኝ፥ በበጎቼም፡ጠጕር፡ያልሞቀ፡እንደ፡ኾነ፤

²¹በበሩ፡ረዳት፡ስላየኹ፥ በድኻ፡አደጉ፡ላይ፡እጄን፡አንሥቼ፡እንደ፡ኾነ፥

²²ትከሻዬ፡ከመሠረቷ፡ትውደቅ፥ ክንዴም፡ከመገናኛዋ፡ትሰበር።

²³የእግዚአብሔር፡መዓት፡አስደንግጦኛልና፤ በክብሩም፡ፊት፡ምንም፡ለማድረግ፡አልቻልኹም።

²⁴ወርቅን፡ተስፋ፡አድርጌ፥ ጥሩውንም፡ወርቅ፦ባንተ፡እታመናለኹ፡ብዬ፡እንደ፡ኾነ፤

²⁵ሀብቴ፡ስለ፡በዛ፥ እጄም፡ብዙ፡ስላገኘች፡ደስ፡ብሎኝ፡እንደ፡ኾነ፤

²⁶ፀሓይ፡ሲበራ፡ ጨረቃ፡በክብር፡ስትኼድ፡አይቼ፥

²⁷ልቤ፡በስውር፡ተታሎ፟፥ አፌም፡እጄን፡ስሞ፡እንደ፡ኾነ፤

²⁸ልዑል፡እግዚአብሔርን፡በካድኹ፡ነበርና፥ ይህ፡ደግሞ፡ፈራጆች፡የሚቀጡበት፡በደል፡በኾነ፡ነበር።

²⁹በሚጠላኝ፡መጥፋት፡ደስ፡ብሎኝ፡ ክፉ፡ነገርም፡ባገኘው፡ጊዜ፡ሐሤት፡አድርጌ፡እንደ፡ኾነ፤

³⁰ነገር፡ግን፥በመርገም፡ነፍሱን፡በመሻት፡ አንደበቴን፡ኀጢአት፡ይሠራ፡ዘንድ፡አልሰጠኹም፤

³¹በድንኳኔ፡የሚኖሩ፡ሰዎች፦ በከብቱ፡ሥጋ፡ያልጠገበ፡ማን፡ይገኛል፧ብለው፡እንደ፡ኾነ፤

³²መጻተኛው፡ግን፡በሜዳ፡አያድርም፡ነበር፥ ደጄንም፡ለመንገደኛ፡እከፍት፡ነበር፤

³³በደሌንም፡በብብቴ፡በመሸሸግ፡ ኀጢአቴን፡እንደ፡ሰው፡ሰውሬ፡እንደ፡ኾነ፤

³⁴ከሕዝብ፡ብዛት፡ፈርቼ፥ የዘመዶቼም፡ንቀት፡አስደንግጦኝ፥ ዝም፡ብዬ፡ከደጅ፡ያልወጣኹ፡እንደ፡ኾነ፤

³⁵የሚያዳምጠኝ፡ምነው፡በኖረልኝ! http://www.gzamargna.net www.ethiopianorthodox.org እንሆ፥የእጄ፡ምልክት፡ ዅሉን፡የሚችል፡አምላክ፡ይመልስልኝ፤ ከባላጋራዬ፡የተጻፈው፡የክስ፡ጽሑፍ፡ምነው፡በተገኘልኝ!

³⁶በትከሻዬ፡ላይ፡እሸከመው፥ አክሊልም፡አድርጌ፡በራሴ፡አስረው፡ነበር፤

³⁷የርምጃዬን፡ቍጥር፡አስታውቀው፥ እንደ፡አለቃም፡ኾኜ፡አቀርብለት፡ነበር።

³⁸ዕርሻዬ፡በእኔ፡ላይ፡ጮኻ፡እንደ፡ኾነ፥ ትልሞቿም፡ባንድ፡ላይ፡አልቅሰው፡እንደ፡ኾነ፤

³⁹ፍሬዋን፡ያለዋጋ፡በልቼ፥ የባለቤቶችንም፡ነፍስ፡አሳዝኜ፡እንደ፡ኾነ፥

⁴⁰በስንዴ፡ፋንታ፡አሜከላ፥ በገብስም፡ፋንታ፡ኵርንችት፡ይውጣብኝ።የኢዮብ፡ቃል፡ተፈጸመ።