Job

¹ነገር፡ግን፥ኢዮብ፡ሆይ፥ንግግሬን፡እንድትሰማ፥ ቃሌንም፡ዅሉ፡እንድታደምጥ፡እለምንኻለኹ።

²እንሆ፥አፌን፡ከፍቻለኹ፥ አንደበቴም፡በትናጋዬ፡ተናግሯል።

³ቃሌ፡የልቤን፡ቅንነት፡ያወጣል፤ http://www.gzamargna.net www.ethiopianorthodox.org ከንፈሮቼም፡የሚያውቁትን፡በቅንነት፡ይናገራሉ።

⁴የእግዚአብሔር፡መንፈስ፡ፈጠረኝ፥ ዅሉንም፡የሚችል፡የአምላክ፡እስትንፋስ፡ሕይወት፡ሰጠኝ።

⁵ይቻልኽ፡እንደ፡ኾነ፡መልስልኝ፤ ቃልኽንም፡አዘጋጅተኽ፡በፊቴ፡ቁም።

⁶እንሆ፥በእግዚአብሔር፡ፊት፡እኔ፡እንደ፡አንተ፡ነኝ፤ እኔ፡ደግሞ፡ከጭቃ፡የተፈጠርኹ፡ነኝ።

⁷እንሆ፥ግርማዬ፡አታስፈራኽም፡ እጄም፡አትከብድብኽም።

⁸በዦሮዬ፡ተናግረኻል፥ የቃልኽንም፡ድምፅ፡ሰምቻለኹ፥እንዲህም፡ብለኻል።

⁹እኔ፡ያለመተላለፍ፡ንጹሕ፡ነኝ፤ ያለነውር፡ነኝ፥ኀጢአትም፡የለብኝም፤

¹⁰እንሆ፥ምክንያት፡አግኝቶብኛል፥ እንደ፡ጠላቱም፡ቈጥሮኛል፤

¹¹እግሬን፡በግንድ፡አጣበቀ፥ መንገዴንም፡ዅሉ፡ተመለከተ።

¹²እንሆ፥አንተ፡በዚህ፡ጻድቅ፡አይደለኽም፤ እግዚአብሔር፡ከሰው፡ይበልጣል፡ብዬ፡እመልስልኻለኹ።

¹³አንተ፦ለቃሌ፡ዅሉ፡አይመልስልኝም፡ብለኽ፥ ስለ፡ምን፡ከርሱ፡ጋራ፡ትከራከራለኽ፧

¹⁴እግዚአብሔር፡ባንድ፡መንገድ፡በሌላም፡ይናገራል፤ ሰው፡ግን፡አያስተውለውም።

¹⁵በሕልም፥በሌሊት፡ራእይ፥ ዐፍላ፡እንቅልፍ፡በሰዎች፡ላይ፡ሲወድቅ፥ በዐልጋ፡ላይ፡ተኝተው፡ሳሉ፥

¹⁶በዚያን፡ጊዜ፡የሰዎችን፡ዦሮ፡ይከፍታል፥ በተግሣጹም፡ያስደነግጣቸዋል፥

¹⁷ሰውን፡ከክፉ፡ሥራው፡ይመልሰው፡ዘንድ፡ ከሰውም፡ትዕቢትን፡ይሰውር፡ዘንድ፤

¹⁸ነፍሱን፡ከጕድጓድ፥ በሰይፍም፡እንዳይጠፋ፡ሕይወቱን፡ይጠብቃል።

¹⁹ደግሞ፡በዐልጋ፡ላይ፡በደዌ፡ይገሥጸዋል፥ http://www.gzamargna.net www.ethiopianorthodox.org ዐጥንቱንም፡ዅሉ፡ያደነዝዛል።

²⁰ሕይወቱም፡እንጀራን፥ ነፍሱም፡ጣፋጭ፡መብልን፡ትጠላለች።

²¹ሥጋው፡እስከማይታይ፡ድረስ፡ይሰለስላል፤ ተሸፍኖ፡የነበረውም፡ዐጥንት፡ይገለጣል።

²²ነፍሱ፡ወደ፡ጕድጓዱ፥ ሕይወቱም፡ወደሚገድሏት፡ቀርባለች።

²³የቀናውን፡መንገድ፡ለሰው፡ያስታውቀው፡ዘንድ፥ ከሺሕ፡አንድ፡ኾኖ፡የሚተረጕም፡መልአክ፡ቢገኝለት፥

²⁴እየራራለት። ቤዛ፡አግኝቻለኹና፡ ወደ፡ጕድጓድ፡እንዳይወርድ፡አድነው፡ቢለው፥

²⁵ሥጋው፡እንደ፡ሕፃን፡ሥጋ፡ይለመልማል፤ ወደጕብዝናውም፡ዘመን፡ይመለሳል።

²⁶ወደ፡እግዚአብሔር፡ይጸልያል፥ ርሱም፡ሞገስን፡ይሰጠዋል፡ ፊቱንም፡በደስታ፡ያሳየዋል፤ ለሰውም፡ጽድቁን፡ይመልስለታል።

²⁷ርሱም፡በሰው፡ፊት፡እየዘመረ፦ እኔ፡በድያለኹ፥ቅኑንም፡አጣምሜያለኹ፤ የሚገ፟ባ፟ኝንም፡ብድራት፡አልተቀበልኹም፤

²⁸ነፍሴ፡ወደ፡ጕድጓድ፡እንዳትወርድ፡አድኗታል፥ ሕይወቴም፡ብርሃንን፡ታያለች፡ይላል።

²⁹እግዚአብሔር፡ይህን፡ዅሉ፡ ኹለት፡ጊዜና፡ሦስት፡ጊዜ፡ከሰው፡ጋራ፡ያደርጋል፤

³⁰ይህም፡ነፍሱን፡ከጕድጓድ፡ይመልስ፡ዘንድ፥ በሕያዋንም፡ብርሃን፡ያበራ፡ዘንድ፡ነው።

³¹ኢዮብ፡ሆይ፥አድምጥ፥እኔንም፡ስማ፤ ዝም፡በል፥እኔም፡እናገራለኹ።

³²ነገር፡ቢኖርኽ፡መልስልኝ፤ ትጸድቅ፡ዘንድ፡እወዳ፟ለኹና፡ተናገር።

³³ያለዚያም፡እኔን፡ስማ፤ ዝም፡በል፥እኔም፡ጥበብን፡አስተምርኻለኹ። http://www.gzamargna.net www.ethiopianorthodox.org