Job

¹ኤሊሁም፡ደግሞ፡መለሰ፡እንዲህም፡አለ፦

²ገና፡ስለ፡እግዚአብሔር፡የሚነገር፡አለኝና፡ ጥቂት፡ቈየኝ፥እኔም፡አስታውቅኻለኹ።

³ዕውቀቴን፡ከሩቅ፡አመጣለኹ፥ ፈጣሪዬንም፦ጻድቅ፡ነው፡እላለኹ።

⁴ቃሌ፡በእውነት፡ያለሐሰት፡ነው፤ በዕውቀትም፡ፍጹም፡የኾነ፡ከአንተ፡ጋራ፡አለ።

⁵እንሆ፥እግዚአብሔር፡ኀያል፡ነው፥ማንንም፡አይንቅም፤ ርሱም፡በማስተዋል፡ብርታት፡ኀያል፡ነው።

⁶ርሱ፡የበደለኛዎችን፡ሕይወት፡አያድንም፤ ለችግረኛዎች፡ግን፡ፍርዱን፡ይሰጣል።

⁷ዐይኑን፡ከጻድቃን፡ላይ፡አያርቅም፤ ለዘለዓለምም፡ከነገሥታት፡ጋራ፡በዙፋን፡ላይ፡ያስቀምጣቸዋል፥ እነርሱም፡ከፍ፡ከፍ፡ይላሉ።

⁸በሰንሰለት፡ቢታሰሩ፥ ወይም፡በችግር፡ገመድ፡ቢጠመዱ፥

⁹ሥራቸውንና፡መተላለፋቸውን፡ http://www.gzamargna.net www.ethiopianorthodox.org በትዕቢትም፡እንዳደረጉ፡ይናገራቸዋል።

¹⁰ዦሯቸውን፡ለተግሣጽ፡ይከፍተዋል፥ ከኀጢአትም፡ይመለሱ፡ዘንድ፡ያዛ፟ቸዋል።

¹¹ቢሰሙ፡ቢያገለግሉትም፥ ዕድሜያቸውን፡በልማት፥ ዘመናቸውንም፡በተድላ፡ይፈጽማሉ።

¹²ባይሰሙ፡ግን፡በሰይፍ፡ይጠፋሉ፥ ያለዕውቀትም፡ይሞታሉ።

¹³ዝንጉዎች፡ግን፡ቍጣን፡ያዘጋጃሉ፤ ርሱም፡ባሰራቸው፡ጊዜ፡አይጮኹም።

¹⁴በሕፃንነታቸው፡ሳሉ፡ይሞታሉ፥ ሕይወታቸውም፡በሰዶማውያን፡መካከል፡ይጠፋል።

¹⁵የተቸገረውን፡በችግሩ፡ያድነዋል፤ በመከራም፡ዦሯቸውን፡ይገልጣል።

¹⁶እንዲሁም፡አንተን፡ከመከራ፡ ችግር፡ወደሌለበት፡ወደ፡ሰፊ፡ስፍራ፡በወሰደኽ፡ነበር፥ በማእድኽ፡ላይ፡የተዘጋጀውም፡ስብ፡በሞላበት፡ነበር።

¹⁷አንተ፡ግን፡በበደለኛዎች፡ፍርድ፡የተሞላኽ፡ነኽ፤ ስለዚህ፡ፍርድና፡ብይን፡ይይዝኻል።

¹⁸ቍጣ፡ለስድብ፡አያታል፟ኽ፤ የማማለጃም፡ብዛት፡ፈቀቅ፡አያድርግኽ።

¹⁹ባለጠግነትኽ፡የኀይልኽም፡ብርታት፡ዅሉ፡ ያለችግር፡እንድትኾን፡ሊረዳኽ፡ይችላልን፧

²⁰ወገኖች፡ከስፍራቸው፡የሚወጡበትን፡ሌሊት፡አትመኝ።

²¹ከመከራ፡ይልቅ፡ይህን፡መርጠኻልና፥ ኀጢአትን፡እንዳትመለከት፡ተጠንቀቅ።

²²እንሆ፥እግዚአብሔር፡በኀይሉ፡ከፍ፡ያለውን፡ነገር፡ያደርጋል፤ እንደ፡ርሱስ፡ያለ፡አስተማሪ፡ማን፡ነው፧

²³መንገዱን፡ማን፡አዘዘለት፧ ወይስ፦ኀጢአትን፡ሠርተኻል፡የሚለው፡ማን፡ነው፧

²⁴ሰዎች፡የዘመሩትን፡ሥራውን፡ታከብር፡ዘንድ፡ዐስብ።

²⁵ሰዎች፡ዅሉ፡ተመልክተውታል፤ ሰውም፡ከሩቅ፡ያየዋል። http://www.gzamargna.net www.ethiopianorthodox.org

²⁶እንሆ፥እግዚአብሔር፡ታላቅ፡ነው፥እኛም፡አናውቀውም። የዘመኑም፡ቍጥር፡አይመረመርም።

²⁷የውሃውን፡ነጠብጣብ፡ወደ፡ላይ፡ይስባል፥ ዝናብም፡ከጉም፡ይንጠባጠባል፤

²⁸ደመናት፡ያዘንባሉ፥ በሰዎችም፡ላይ፡በብዙ፡ያንጠባጥባሉ።

²⁹የደመናውንም፡መዘርጋት፥ የማደሪያውንም፡ነጐድጓድ፡የሚያስተውል፡ማን፡ነው፧

³⁰እንሆ፥በዙሪያው፡ብርሃኑን፡ይዘረጋል፤ የባሕሩንም፡ጥልቀት፡ይከድናል።

³¹በእነዚህ፡በአሕዛብ፡ላይ፡ይፈርዳል፤ ብዙም፡ምግብ፡ይሰጣል።

³²እጆቹን፡በብርሃን፡ይሰውራል፥ በጠላቱም፡ላይ፡ይወጣ፡ዘንድ፡ያዘ፟ዋል፤

³³የነጐድጓድ፡ድምፅ፡ስለ፡ርሱ፡ይናገራል፤ እንስሳዎችም፡ደግሞ፡ስለሚመጣው፡ውሽንፍር፡ይጮኻሉ።