Job

¹ስለዚህም፡ልቤ፡ተንቀጠቀጠ፥ ከስፍራውም፡ተንቀሳቀሰ።

²የድምፁን፡መትመም፡ስሙ፥ ከአፉም፡የሚወጣውን፡ጕርምርምታ፡አድምጡ።

³ርሱን፡ወደ፡ሰማያት፡ዅሉ፡ታች፥ ብርሃኑንም፡ወደ፡ምድር፡ዳርቻ፡ይሰዳ፟ል።

⁴በስተዃላው፡ድምፅ፡ይጮኻል፤ በግርማውም፡ድምፅ፡ያንጐደጕዳል፤ ድምፁም፡በተሰማ፡ጊዜ፡ መብረቁን፡አይከለክልም።

⁵እግዚአብሔር፡በድምፁ፡ድንቅኛ፡ያንጐደጕዳል፤ እኛም፡የማናስተውለውን፡ታላቅ፡ነገር፡ያደርጋል።

⁶በረዶውንና፡ውሽንፍሩን፡ብርቱንም፡ዝናብ፦ በምድር፡ላይ፡ውደቁ፡ይላል።

⁷ሰው፡ዅሉ፡ሥራውን፡ያውቅ፡ዘንድ፡ http://www.gzamargna.net www.ethiopianorthodox.org የሰውን፡ዅሉ፡እጅ፡ያትማል።

⁸አውሬዎቹም፡ወደ፡ጫካው፡ይገባሉ፥ በዋሾቻቸውም፡ይቀመጣሉ።

⁹ከተሰወረ፡ማደሪያውም፡ዐውሎ፡ነፋስ፥ ከሰሜንም፡ብርድ፡ይወጣል።

¹⁰ከእግዚአብሔር፡እስትንፋስ፡ውርጭ፡ተሰጥቷል፤ የውሃዎችም፡ስፋት፡ይጠባ፟ል።

¹¹የውሃውንም፡ሙላት፡በደመና፡ላይ፡ይጭናል፤ የብርሃኑንም፡ደመና፡ይበታትናል፤

¹³ለተግሣጽ፡ወይም፡ለምድሩ፡ወይም፡ለምሕረት፡ቢኾን፥ ሰው፡በሚኖርበት፡ዓለም፡ላይ፡ ያዘዘውን፡ዅሉ፡ያደርግ፡ዘንድ፡ ፈቃዱ፡ወደ፡መራችው፡ይዞራል።

¹⁴ኢዮብ፡ሆይ፥ይህን፡ስማ፤ ቁም፥የእግዚአብሔርንም፡ተኣምራት፡ዐስብ።

¹⁵በእውኑ፡እግዚአብሔር፡እንዴት፡እንደሚያዛ፟ቸው፥ የደመናውንም፡ብርሃን፡እንዴት፡እንደሚያበራ፡ዐውቀኻልን፧

¹⁶ወይስ፡የደመናውን፡ሚዛን፥ ወይስ፡በዕውቀት፡ፍጹም፡የኾነውን፡ተኣምራት፡ዐውቀኻልን፧

¹⁷በደቡብ፡ነፋስ፡ምድር፡ጸጥ፡ባለች፡ጊዜ፥ ልብስኽ፡የሞቀች፡አንተ፡ሆይ፥

¹⁸እንደ፡ቀለጠ፡መስተዋት፡ ብርቱ፡የኾኑትን፡ሰማያት፡ከርሱ፡ጋራ፡ልትዘረጋ፡ትችላለኽን፧

¹⁹እኛ፡ከጨለማ፡የተነሣ፡በሥርዐት፡መናገር፡አንችልምና፥ የምንለውን፡አስታውቀን።

²⁰ማንም፡በርሱ፡ላይ፡ቢናገር፡ፈጽሞ፡ይዋጣልና፥ እኔ፡እናገር፡ዘንድ፡ብወድ፟፡ሰው፡ይነግረዋልን፧

²¹አኹንም፡ነፋስ፡ዐልፎ፡ካጠራ፟ቸው፡በዃላ፥ ሰው፡በሰማያት፡የሚበራውን፡ብርሃን፡ሊመለከት፡አይችልም።

²²ከሰሜን፡ወርቅ፡የሚመስል፡ጌጠኛ፡ብርሃን፡ይወጣል፤ በእግዚአብሔር፡ዘንድ፡የሚያስፈራ፡ግርማ፡አለ።

²³ዅሉን፡የሚችል፡አምላክን፡እናገኝ፡ዘንድ፡አንችልም፤ በኀይል፡ታላቅ፡ነው፤ http://www.gzamargna.net www.ethiopianorthodox.org በፍርድና፡በጽድቅም፡አያስጨንቅም።

²⁴ስለዚህ፥ሰዎች፡ይፈሩታል፤ በልባቸውም፡ጠቢባን፡የኾኑትን፡ዅሉ፡አይመለከትም።