Job

¹እግዚአብሔርም፡በዐውሎ፡ነፋስ፡ውስጥ፡ኾኖ፡ለኢዮብ፡መለሰ፡እንዲህም፡አለ፦

²ያለዕውቀት፡በሚነገር፡ቃል፡ ምክርን፡የሚያጨልም፡ይህ፡ማነው፧

³እንግዲህ፡እንደ፡ሰው፡ወገብኽን፡ታጠቅ፤ እጠይቅኻለኹ፥አንተም፡ተናገረኝ።

⁴ምድርን፡በመሠረትኹ፡ጊዜ፡አንተ፡ወዴት፡ነበርኽ፧ ታስተውል፡እንደ፡ኾንኽ፡ተናገር።

⁵ብታውቅስ፡መሠፈሪያዋን፡የወሰነ፥ በላይዋስ፡የመለኪያ፡ገመድ፡የዘረጋ፡ማን፡ነው፧

⁷አጥቢያ፡ኮከቦች፡በአንድነት፡ሲዘምሩ፥ የእግዚአብሔርም፡ልጆች፡ዅሉ፡እልል፡ሲሉ፥ መሠረቶቿ፡በምን፡ላይ፡ተተክለው፡ነበር፧ የማእዘኗንስ፡ድንጋይ፡ያቆመ፡ማን፡ነው፧

⁸ከማሕፀን፡እንደሚወጣ፡በወጣ፡ጊዜ፡ ባሕርን፡በመዝጊያዎች፡የዘጋ፡ማን፡ነው፧

⁹ደመናውን፡ለልብሱ፥ ጨለማንም፡ለመጠቅለያው፡አደረግኹ፤

¹⁰ድንበሩን፡በዙሪያው፡አድርጌ፥ መወርወሪያዎቹንና፡መዝጊያዎቹን፡አኑሬ።

¹¹እስከዚህ፡ድረስ፡ድረሺ፥አትለፊ፤ በዚህም፡ለትዕቢተኛው፡ማዕበልሽ፡ገደብ፡ይኹን፡አልኹ።

¹³የምድርን፡ዳርቻ፡ይይዝ፡ዘንድ፥ ከርሷም፡በደለኛዎች፡ይናወጡ፡ዘንድ፥ በእውኑ፡ከተወለድኽ፡ዠምሮ፡ማለዳን፡አዘ፟ኻልን፧ ለወገግታም፡ስፍራውን፡አስታወቀኸዋልን፧

¹⁴ጭቃ፡ከማኅተም፡በታች፡እንደሚለወጥ፡እንዲሁ፡ርሷ፡ትለወጣለች፤ ነገርም፡ዅሉ፡እንደ፡ልብስ፡ተቀልሟል።

¹⁵ከበደለኛዎች፡ብርሃናቸው፡ተከልክሏል፥ http://www.gzamargna.net www.ethiopianorthodox.org ከፍ፡ያለውም፡ክንድ፡ተሰብሯል።

¹⁶ወደባሕር፡ምንጭስ፡ውስጥ፡ገብተኻልን፧ በቀላዩስ፡መሠረት፡ውስጥ፡ተመላልሰኻልን፧

¹⁷የሞት፡በሮች፡ተገልጠውልኻልን፧ የሞትንስ፡ጥላ፡ደጆች፡አይተኻልን፧

¹⁸ምድርንስ፡በስፋቷ፡አስተውለኻታልን፧ ዅሉን፡ዐውቀኽ፡እንደ፡ኾነ፡ተናገር።

²⁰ወደ፡ዳርቻው፡ትነዳው፡ዘንድ፥ ወደ፡ቤቱም፡የሚያደርሰውን፡ጐዳና፡ታውቅ፡ዘንድ፥ የብርሃን፡መኖሪያ፡መንገድ፡የት፡ነው፧ የጨለማውስ፡ቦታ፡ወዴት፡አለ፧

²¹በዚያን፡ጊዜ፡ተወልደኽ፡ነበርና፥ የዕድሜኽም፡ቍጥር፡ብዙ፡ነውና፤ በእውነት፡አንተ፡ሳታውቅ፡አትቀርም።

²²በእውኑ፡ወደበረዶው፡ቤተ፡መዛግብት፡ገብተኻልን፧ የበረዶውንስ፡ቅንጣት፡ቤተ፡መዛግብት፡አይተኻልን፧

²³ይኸውም፡ለመከራ፡ጊዜ፡ለሰልፍና፡ለጦርነት፡ቀን፡የጠበቅኹት፡ነው።

²⁴ብርሃንስ፡በምን፡መንገድ፡ይከፈላል፧ የምሥራቅስ፡ነፋስ፡በምድር፡ላይ፡እንዴት፡ይበተናል፧

²⁶ባድማውንና፡ውድማውን፡እንዲያጠግብ፥

²⁷ሣሩንም፡እንዲያበቅል፥ ማንም፡በሌለባት፡ምድር፡ላይ፥ ሰውም፡በሌለባት፡ምድረ፡በዳ፡ላይ፡ዝናብን፡ያዘንብ፡ዘንድ፥ ለፈሳሹ፡ውሃ፡መንዶልዶያውን፥ ወይስ፡ለሚያንጐደጕድ፡መብረቅ፡መንገድን፡ያበጀ፡ማን፡ነው፧

²⁸በእውኑ፡ለዝናብ፡አባት፡አለውን፧ ወይስ፡የጠልን፡ነጠብጣብ፡የወለደ፡ማን፡ነው፧

²⁹በረዶስ፡ከማን፡ማሕፀን፡ወጣ፧ የሰማዩንስ፡ዐመዳይ፡ማን፡ወለደው፧

³⁰ውሃዎች፡እንደ፡ድንጋይ፡ጠነከሩ፥ የቀላዩም፡ፊት፡ረግቷል።

³¹በእውኑ፡የሰባቱን፡ከዋክብት፡ዘለላ፡ታስር፡ዘንድ፥ ወይስ፡ኦሪዮን፡የሚባለውን፡ኮከብ፡ትፈታ፡ዘንድ፡ትችላለኽን፧ http://www.gzamargna.net www.ethiopianorthodox.org

³²ወይስ፡ማዛሮት፡የሚባሉትን፡ከዋክብት፡በጊዜያቸው፡ታወጣ፡ዘንድ፥ ወይስ፡ድብ፡የሚባለውን፡ኮከብ፡ከልጆቹ፡ጋራ፡ትመራ፡ዘንድ፡ትችላለኽን፧

³³የሰማይን፡ሥርዐት፡ታውቃለኽን፧ በምድርስ፡ለይ፡እንዲሠለጥን፡ልታደርግ፡ትችላለኽን፧

³⁴የውሃዎች፡ብዛት፡ይሸፍንኽ፡ዘንድ፡ ቃልኽን፡ወደ፡ደመናት፡ታነሣ፡ዘንድ፡ትችላለኽን፧

³⁵መብረቆች፡ኼደው፦እንሆ፥እዚህ፡አለን፡ይሉኽ፡ዘንድ፡ ልትልካቸው፡ትችላለኽን፧

³⁶በውስጡስ፡ጥበብን፡ያኖረ፥ ለሰውስ፡ልብ፡ማስተዋልን፡የሰጠ፡ማን፡ነው፧

³⁸የሰማይን፡ደመና፡በጥበቡ፡ሊቈጥር፡የሚችል፡ማን፡ነው፧ ትቢያ፡በተበጠበጠ፡ጊዜ፥ ጓሎቹም፡በተጣበቁ፡ጊዜ፥ የሰማይን፡ረዋት፡ሊያዘነብል፡የሚችል፡ማን፡ነው፧

⁴⁰በዋሾቻቸው፡ውስጥ፡ተጋድመው፥ በጫካም፡ውስጥ፡አድብተው፡ሳሉ፥ ለአንበሳዪቱ፡አደን፡ታድናለኽን፧ የልጆቿንስ፡ነፍስ፡ታጠግብ፡ዘንድ፡ትችላለኽን፧

⁴¹ልጆቹ፡ወደ፡እግዚአብሔር፡ሲጮኹ፥ የሚበሉትም፡ዐጥተው፡ሲቅበዘበዙ፥ ለቍራ፡መብልን፡የሚሰጠው፡ማን፡ነው፧