Job

¹የበረሓ፡ፍየል፡የምትወልድበትን፡ጊዜ፡ታውቃለኽን፧ ዋላዪቱስ፡የምታምጥበትን፡ጊዜ፡ትመለከታለኽን፧

²ርሷ፡የምትፈጽመውንስ፡ወራት፡ትቈጥራለኽን፧ የምትወልድበትንስ፡ጊዜ፡ታውቃለኽን፧

³ይንበረከካሉ፥ልጆቻቸውንም፡ይወልዳሉ፥ ከምጣቸውም፡ያርፋሉ።

⁴ልጆቻቸው፡ይጠነክራሉ፥ በሜዳም፡ያድጋሉ፤ ይወጣሉ፥ወደ፡እነርሱም፡አይመለሱም።

⁵የሜዳውስ፡አህያ፡ሐራነት፡ማን፡አወጣው፧ http://www.gzamargna.net www.ethiopianorthodox.org የበረሓውንስ፡አህያ፡ከእስራቱ፡ማን፡ፈታው፧

⁶በረሓውን፡ለርሱ፡ቤት፡አድርጌ፡ሰጠኹት፤ መኖሪያውም፡በጨው፡ምድር፡ነው።

⁷በከተማ፡ውካታ፡ይዘብታል፤ የነጂውን፡ጩኸት፡አይሰማም።

⁸ተራራውን፡እንደ፡መሰምሪያው፡ይመለከተዋል፥ ለምለሙንም፡ዅሉ፡ይፈልጋል።

⁹ጐሽ፡ያገለግልኽ፡ዘንድ፡ይታዘዛልን፧ ወይስ፡በግርግምኽ፡አጠገብ፡ያድራልን፧

¹⁰ጐሽ፡ይተልምልኽ፡ዘንድ፡ትጠምደዋለኽን፧ ወይስ፡ከአንተ፡በዃላ፡በዕርሻ፡ላይ፡ይጐለጕላልን፧

¹¹ጕልበቱስ፡ብርቱ፡ስለ፡ኾነ፡ትታመነዋለኽን፧ ተግባርኽንስ፡ለርሱ፡ትተዋለኽን፧

¹²ዘርኽንስ፡ይመልስልኽ፡ዘንድ፥ በዐውድማኽስ፡ያከማችልኽ፡ዘንድ፡ትታመነዋለኽን፧

¹³የሰጐን፡ክንፍ፡በደስታ፡ይንቀሳቀሳል፤ ነገር፡ግን፡ክንፉና፡ላባው፡ጭምተኛ፡ነውን፧

¹⁴ዕንቍላሏን፡በመሬት፡ላይ፡ትተዋለች፥ በዐፈርም፡ውስጥ፡ታሞቀዋለች፤

¹⁵እግር፡ይሰብረው፡ዘንድ፥ የምድረ፡በዳም፡አውሬ፡ይረግጠው፡ዘንድ፡ትረሳለች።

¹⁶የርሷ፡እንዳልኾኑ፡በልጆቿ፡ትጨክናለች። በከንቱም፡ብትሠራ፡አትፈራም፤

¹⁷እግዚአብሔር፡ጥበብን፡ከርሷ፡ከልክሏልና፥ ማስተዋልንም፡አልሰጣትምና።

¹⁸ወደ፡ላይ፡ከፍ፡ከፍ፡ስትል፡ በፈረስና፡በፈረሰኛው፡ትሳለቃለች።

¹⁹ለፈረስ፡ጕልበቱን፡ሰጥተኸዋልን፧ ዐንገቱንስ፡ጋማ፡አልብሰኸዋልን፧

²⁰እንደ፡አንበጣስ፡አፈናጠርኸውን፧ የማንኰራፋቱ፡ክብር፡የሚያስፈራ፡ነው።

²¹በኰቴው፡በሸለቆው፡ውስጥ፡ይጐደፍራል፥ በጕልበቱም፡ደስ፡ይለዋል፤ http://www.gzamargna.net www.ethiopianorthodox.org ሰይፍም፡የታጠቁትን፡ለመገናኘት፡ይወጣል።

²²በፍርሀት፡ላይ፡ይሥቃል፥ ርሱም፡አይደነግጥም፤ ከሰይፍም፡ፊት፡አይመለስም።

²³በርሱ፡ላይ፡የፍላጻ፡ኰረጆና፡ብልጭልጭ፡የሚል፡ጦር፡ ሠላጢንም፡ያንኳኳሉ።

²⁴በጭካኔና፡በቍጣ፡መሬትን፡ይውጣል፤ የመለከትም፡ድምፅ፡ቢሰማ፡አይቆምም።

²⁵የመለከትም፡ድምፅ፡ሲሰማ፦ዕሠይ! ይላል፤ ከሩቅ፡ኾኖ፡ሰልፍንና፡የአለቃዎቹን፡ጩኸት፥ የሰራዊቱንም፡ውካታ፡ያሸታል።

²⁶በእውኑ፡ከጥበብኽ፡የተነሣ፡ጭልፊት፡ያንዣብባልን፧ ወይስ፡ክንፎቹን፡ወደ፡ደቡብ፡ይዘረጋልን፧

²⁷በአፍኽ፡ትእዛዝ፡ንስር፡ከፍ፡ከፍ፡ይላልን፧ ቤቱንስ፡በአርያም፡ላይ፡ያደርጋልን፧

²⁸በገደል፡ላይ፡ይኖራል፤ በገደሉ፡ገመገምና፡በጥጉ፡ያድራል።

²⁹በዚያም፡ኾኖ፡የሚነጥቀውን፡ይጐበኛል፤ ዐይኑም፡በሩቅ፡ትመለከታለች።

³⁰ጫጩቶቹም፡ደም፡ይጠጣሉ፤ በድን፡ባለባትም፡ስፍራ፡ርሱ፡በዚያ፡አለ።