Job

¹እግዚአብሔርም፡መለሰ፡ኢዮብንም፡እንዲህ፡አለው፦

²በእውኑ፡የሚከራከር፡ሰው፡ዅሉን፡ከሚችል፡አምላክ፡ጋራ፡ይከራከራልን፧ ከእግዚአብሔር፡ጋራ፡የሚዋቀስ፡ርሱ፡ይመልስለት።

³ኢዮብም፡መለሰ፡እግዚአብሔርንም፡እንዲህ፡አለው፦

⁴እንሆ፥እኔ፡ወራዳ፡ሰው፡ነኝ፤የምመልስልኽ፡ምንድር፡ነው፧ እጄን፡በአፌ፡ላይ፡እጭናለኹ።

⁵አንድ፡ጊዜ፡ተናገርኹ፥አልመልስምም፤ ኹለተኛ፡ጊዜም፥ከእንግዲህ፡ወዲህ፡አልናገርም።

⁶እግዚአብሔርም፡በዐውሎ፡ነፋስ፡ውስጥ፡ኾኖ፡ለኢዮብ፡መለሰ፡እንዲህም፡አለ፦

⁷እንግዲህ፡እንደ፡ወንድ፡ወገብኽን፡ታጠቅ፤ http://www.gzamargna.net www.ethiopianorthodox.org እጠይቅኻለኹ፥አንተም፡ተናገረኝ።

⁸በእውኑ፡ፍርዴን፡ታፈርሳለኽን፧ አንተስ፡ጻድቅ፡ትኾን፡ዘንድ፡በእኔ፡ትፈርዳለኽን፧

⁹እንደእግዚአብሔር፡ክንድ፡ያለ፡ክንድ፡አለኽን፧ ወይስ፡እንደ፡ርሱ፡ባለ፡ድምፅ፡ታንጐደጕዳለኽን፧

¹⁰በታላቅነትና፡በልዕልና፡ተላበስ፤ በክብርና፡በግርማም፡ተጐናጸፍ።

¹¹የቍጣኽን፡ፈሳሽ፡አፍስ፟፤ ትዕቢተኛውንም፡ዅሉ፡ተመልክተኽ፡አዋርደው።

¹²ትዕቢተኛውንም፡ዅሉ፡ተመልከት፥ዝቅ፡ዝቅም፡አድርገው፤ በደለኛዎችንም፡ወዲያውኑ፡ርገጣቸው።

¹³በዐፈር፡ውስጥ፡በአንድነት፡ሰውራቸው፤ በተሸሸገም፡ስፍራ፡ፊታቸውን፡ሸፍን።

¹⁴በዚያን፡ጊዜም፡ቀኝ፡እጅኽ፡ታድንኽ፡ዘንድ፡እንድትችል፡ እኔ፡ደግሞ፡እመሰክርልኻለኹ።

¹⁵ከአንተ፡ጋራ፡የሠራኹትን፡ጕማሬ፥እስኪ፥ተመልከት፤ እንደ፡በሬ፡ሣር፡ይበላል።

¹⁶እንሆ፥ብርታቱ፡በወገቡ፡ውስጥ፡ነው፤ ኀይሉም፡በሆዱ፡ዥማት፡ውስጥ፡ነው።

¹⁷ዥራቱን፡እንደ፡ጥድ፡ዛፍ፡ያወዛውዛል፤ የወርቹ፡ዥማት፡የተጐነጐነ፡ነው።

¹⁸ዐጥንቱ፡እንደ፡ናስ፡አገዳ፡ነው፤ አካላቱ፡እንደ፡ብረት፡ዘንጎች፡ናቸው።

¹⁹ርሱ፡የእግዚአብሔር፡ፍጥረት፡አውራ፡ነው፤ ሠሪውም፡ሰይፉን፡ሰጠው።

²⁰የሜዳ፡እንስሳዎች፡ዅሉ፡የሚጫወቱበት፡ተራራ፡ ምግብን፡ያበቅልለታል።

²¹ጥላ፡ካለው፡ዛፍ፡በታች፥ በደንገልና፡በረግረግ፡ውስጥ፡ይተኛል።

²²ጥላ፡ያለው፡ዛፍ፡በጥላው፡ይሰውረዋል፤ የወንዝ፡አሓያ፡ዛፎች፡ይከቡ፟ታል።

²³እንሆ፥ወንዙ፡ቢጐርፍ፡አይደነግጥም፤ ዮርዳኖስም፡እስከ፡አፉ፡ድረስ፡ቢፈስ፟፡ርሱ፡ይተማመናል። http://www.gzamargna.net www.ethiopianorthodox.org

²⁴ዐይኖቹ፡እያዩ፡ይያዛልን፧ አፍንጫውስ፡በወጥመድ፡ይበሳልን፧

²⁵በእውኑ፡አዞውን፡በመቃጥን፡ታወጣለኽን፧ ምላሱንስ፡በገመድ፡ታስረዋለኽን፧

²⁶ወይስ፡ስናጋ፡በአፍንጫው፡ታደርጋለኽን፧ ወይስ፡በችንካር፡ጕንጩን፡ትበሳለኽን፧

²⁷በእውኑ፡ወዳንተ፡እጅግ፡ይለምናልን፧ በጣፈጠስ፡ቃል፡ይናገርኻልን፧

²⁸በእውኑ፡ከአንተ፡ጋራ፡ቃል፡ኪዳን፡ይገባልን፧ ወይስ፡ለዘለዓለም፡ባሪያ፡ታደርገዋለኽን፧

²⁹ከወፍ፡ጋራ፡እንደምትጫወት፡ከርሱ፡ጋራ፡ትጫወታለኽን፧ ወይስ፡ለሴት፡ባሪያዎችኽ፡ታስረዋለኽን፧

³⁰አጥማጆች፡በርሱ፡ይከራከራሉን፧ ወይስ፡ነጋዴዎች፡ያካፍሉታልን፧

³¹በእውኑ፡ቍርበቱን፡በጭሬ፥ ራሱንስ፡በዓሣ፡ጦር፡ትሞላዋለኽን፧

³²እጅኽን፡በላዩ፡ጫን፤ ሰልፉን፡ዐስብ፥እንግዲህም፡አትድገም።