Job

¹እንሆ፥ተስፋው፡ከንቱ፡ነው፤ ያየው፡ዅሉ፡ስንኳ፡በፊቱ፡ይዋረዳል።

²ያንቀሳቅሰውም፡ዘንድ፡የሚደፍር፡የለም፤ እንግዲህ፡በፊቴ፡መቆም፡የሚችል፡ማን፡ነው፧

³እመልስለትስ፡ዘንድ፡መዠመሪያ፡የሰጠኝ፡ማን፡ነው፧ ከሰማይ፡ዅሉ፡በታች፡ያለው፡ገንዘቤ፡ነው።

⁴ስለ፡አካላቱና፡ስለ፡ብርቱ፡ኀይሉ፥ ስለ፡መልካም፡ሰውነቱ፡ዝም፡አልልም።

⁵የውጪ፡ልብሱን፡ማን፡ይገፋል፧ በጥንድ፡መንጋጋውስ፡ውስጥ፡ማን፡ይገባል፧

⁶የፊቱንስ፡ደጆች፡የሚከፍት፡ማን፡ነው፧ በጥርሶቹ፡ዙሪያ፡ግርማ፡አለ።

⁷ቅርፊቶቹ፡ጠንካራ፡ስለ፡ኾኑ፡ርሱ፡ትዕቢተኛ፡ነው፤ http://www.gzamargna.net www.ethiopianorthodox.org በጠባብ፡ማተሚያ፡እንደ፡ታተሙ፡ናቸው።

⁸ርስ፡በርሳቸው፡የተቀራረቡ፡ናቸውና፥ ነፋስ፡በመካከላቸው፡መግባት፡አይችልም።

⁹ርስ፡በርሳቸው፡የተገጣጠሙ፡ናቸው፤ እስከማይለያዩም፡ድረስ፡ተያይዘዋል።

¹⁰እንጥሽታው፡ብልጭታ፡ያወጣል፥ ዐይኖቹም፡እንደ፡ወገግታ፡ናቸው።

¹¹ከአፉ፡ፋናዎች፡ይወጣሉ፥ የእሳትም፡ፍንጣሪ፡ይረጫል።

¹²እንደ፡ፈላ፡ድስትና፡እንደሚቃጠል፡ሸምበቆ፡ ከአንፍንጫው፡ጢስ፡ይወጣል።

¹³እስትንፋሱ፡ከሰልን፡ታቃጥላለች፥ ነበልባልም፡ከአፉ፡ይወጣል።

¹⁴በዐንገቱ፡ኀይል፡ታድራለች፤ ግርማ፡በፊቱ፡ይዘፍናል።

¹⁵የሥጋውም፡ቅርፊት፡የተጣበቀ፡ነው፤ እስከማይንቀሳቀሱም፡ድረስ፡በርሱ፡ላይ፡ጸንተዋል።

¹⁶ልቡ፡እንደ፡ድንጋይ፡የደነደነ፡ነው፤ እንደ፡ወፍጮ፡ድንጋይ፡የጸና፡ነው።

¹⁷በተነሣ፡ጊዜ፡ኀያላን፡ይፈራሉ፤ ከድንጋጤም፡የተነሣ፡ያብዳሉ።

¹⁸ሰይፍና፡ጦር፥ፍላጻና፡መውጊያም፡ቢያገኙት፡አያሸንፉትም።

¹⁹ብረትን፡እንደ፡ገለባ፥ ናስንም፡እንደ፡ነቀዘ፡ዕንጨት፡ይቈጥራቸዋል።

²⁰ፍላጻ፡ሊያባርረው፡አይችልም፤ የወንጭፍም፡ድንጋዮች፡እንደ፡ገለባ፡ይኾኑለታል።

²¹በሎታውን፡እንደ፡ገለባ፡ይቈጥረዋል፤ ሠላጢኑም፡ሲሰበቅ፡ይሥቃል።

²²ታቹ፡እንደ፡ስለታም፡ገል፡ነው፤ እንደ፡መዳመጫም፡በጭቃ፡ላይ፡ያልፋል።

²³ቀላዩን፡እንደ፡ድስት፡ያፈላዋል፤ ባሕሩንም፡እንደ፡ሽቱ፡ምንቸት፡ያደርገዋል።

²⁴በስተዃላው፡ብሩህ፡መንገድን፡ያበራል፤ http://www.gzamargna.net www.ethiopianorthodox.org ቀላዩም፡ሽበት፡ይመስላል።

²⁵ያለፍርሀት፡የተፈጠረ፥ እንደ፡ርሱ፡ያለ፡በምድር፡ላይ፡የለም።

²⁶ከፍ፡ያለውን፡ዅሉ፡ይመለከታል፤ በትዕቢተኛዎችም፡ዅሉ፡ላይ፡ንጉሥ፡ነው።