Job

¹ቴማናዊውም፡ኤልፋዝ፡መለሰ፡እንዲህም፡አለ፦

²አንድ፡ሰው፡ከአንተ፡ጋራ፡ይናገር፡ዘንድ፡ቢሞክር፡ትቀየማለኽን፧ ቃልንስ፡ከመናገር፡ሊቀር፡የሚችል፡ማን፡ነው፧

³እንሆ፥አንተ፡ብዙዎችን፡ታስተምር፡ነበር፥ የደከሙትንም፡እጆች፡ታበረታ፡ነበር፥

⁴ቃልኽ፡የሚሰናከለውን፡ያስነሣ፡ነበር፥ አንተም፡የሚብረከረከውን፡ጕልበት፡ታጸና፡ነበር።

⁵አኹን፡ግን፡ባንተ፡ላይ፡መጥቷል፥አንተም፡ደከምኽ፤ ደርሶብኻል፥አንተም፡ተቸገርኽ።

⁶አምላክኽን፡መፍራትኽ፡መጽናናትኽ፥ የቅንነትኽም፡መንገድ፡ተስፋኽ፡አይደለምን፧

⁷እባክኽ፡ዐስብ፥ንጹሕ፡ኾኖ፡የጠፋ፡ማን፡ነው፧ ከልበ፡ቅንስ፡የተደመሰሰ፡ማን፡ነው፧

⁸እኔ፡እንዳየኹ፥ኀጢአትን፡የሚያርሱ፥ መከራንም፡የሚዘሩ፡ይህንኑ፡ያጭዳሉ።

⁹በእግዚአብሔር፡እስትንፋስ፡ይጠፋሉ፥ በቍጣውም፡መንፈስ፡ያልቃሉ።

¹⁰የአንበሳ፡ጩኸት፥የጯኺ፡አንበሳ፡ድምፅ፥ የአንበሳ፡ደቦል፡ጥርስ፡ተሰባበረ።

¹¹አሮጌ፡አንበሳ፡አደን፡በማጣት፡ይሞታል፥ የአንበሳዪቱም፡ግልገሎች፡ይበተናሉ።

¹²ለኔም፡በምስጢር፡ቃል፡መጣልኝ፥ ዦሮዬም፡ሹክሹክታውን፡ሰማች።

¹³በሌሊት፡ሕልም፡ዐሳብ፡ሲነሣ፥ የከበደም፡እንቅልፍ፡በሰው፡ላይ፡ሲወድቅ፥

¹⁴ዐጥንቴን፡ዅሉ፡ያናወጡ፡ ድንጋጤና፡መንቀጥቀጥ፡ወደቁብኝ።

¹⁵መንፈስም፡በፊቴ፡ዐለፈ፤ የሥጋዬ፡ጠጕር፡ቆመ።

¹⁶ርሱም፡ቆመ፥መልኩን፡ግን፡ለመለየት፡አልቻልኹም፥ ምሳሌም፡በዐይኔ፡ፊት፡ነበረ፤ የዝምታ፡ድምፅ፡ሰማኹ።

¹⁷በእውኑ፡ሰው፡በእግዚአብሔር፡ፊት፡ጻድቅ፡ሊኾን፥ http://www.gzamargna.net www.ethiopianorthodox.org ወይስ፡ሰው፡በፈጣሪው፡ፊት፡ሊነጻ፡ይችላልን፧

¹⁸እንሆ፥በባሪያዎቹ፡አይታመንም፤ መላእክቱንም፡ስንፍና፡ይከሳ፟ቸዋል፤

¹⁹ይልቁንስ፡በጭቃ፡ቤት፡የሚኖሩ፥ መሠረታቸው፡በትቢያ፡ውስጥ፡የኾነ፥ ከብል፡በፊት፡የሚጨፈለቁ፡እንዴት፡ይኾኑ፧

²⁰በጧትና፡በማታ፡መካከል፡ይሰባበራሉ፤ ማንም፡ሳያስብ፡ለዘለዓለም፡ይጠፋሉ።

²¹ገመዳቸው፡የተነቀለ፡አይደለምን፧ አለጥበብም፡ይሞታሉ።