Job

¹ኢዮብም፡መለሰ፡እንዲህም፡አለ።

²ትካዜዬ፡ምነው፡በተመዘነ፡ኖሮ! መከራዬም፡ዅሉ፡ምነው፡በሚዛን፡ላይ፡በተደረገ፡ኖሮ!

³ከባሕር፡አሸዋ፡ይልቅ፡ይከብድ፡ነበርና፤ ስለዚህ፡ቃሌ፡ደፋር፡ኾኗል።

⁴ዅሉን፡የሚችል፡የአምላክ፡ፍላጻ፡በሥጋዬ፡ውስጥ፡ነው፥ መርዙንም፡ነፍሴ፡ትጠጣለች፤ የእግዚአብሔር፡ድንጋጤ፡በላዬ፡ተሰልፏል።

⁵በእውኑ፡የሜዳ፡አህያ፡ሣር፡ሳለው፡ይጮኻልን፧ ወይስ፡በሬ፡ገለባ፡ሳለው፡ይጮኻልን፧

⁶የማይጣፍጥስ፡ነገር፡ያለጨው፡ይበላልን፧ ወይስ፡የዕንቍላል፡ውሃ፡ይጥማልን፧

⁷ሰውነቴ፡ትነካው፡ዘንድ፡እንቢ፡አለችው፤ እንደሚያስጸይፍ፡መብል፡ኾነብኝ።

⁸ልመናዬ፡ምነው፡በደረሰልኝ! እግዚአብሔርም፡ምኞቴን፡ምነው፡በሰጠኝ!

⁹እግዚአብሔርም፡ያደቀኝ፡ዘንድ፡ እጁንም፡ለቆ፟፡ያጠፋኝ፡ዘንድ፡ወዶ፟፡ቢኾን፡ኖሮ!

¹⁰መጽናናት፡በኾነልኝ፡ነበር፤ በማይራራ፡ሕመም፡ሐሤት፡ባደረግኹ፡ነበር፥ የቅዱሱን፡ቃል፡አልካድኹምና።

¹¹እጠብቅ፡ዘንድ፡ጕልበቴ፡ምንድር፡ነው፧ እታገሥም፡ዘንድ፡ፍጻሜዬ፡ምንድር፡ነው፧

¹²ጕልበቴ፡የድንጋይ፡ጕልበት፡ነውን፧ ሥጋዬስ፡እንደ፡ናስ፡ነውን፧

¹³በእውኑ፡ረድኤት፡በእኔ፡እንደሌለ፡ ጥበብም፡ዅሉ፡ከእኔ፡ዘንድ፡እንደ፡ተባረረ፡አይደለምን፧

¹⁴ዅሉን፡የሚችለውን፡የአምላክን፡መፍራት፡ ለሚተው፥ለመዛል፡ለቀረበው፡ስንኳ፡ http://www.gzamargna.net www.ethiopianorthodox.org ወዳጁ፡ቸርነትን፡ሊያሳይ፡ይገ፟ባ፟ል።

¹⁵ወንድሞቼ፡እንደ፡ፈፋ፥ እንደሚያልፍ፡ፈፋ፡ሐሰተኛዎች፡ኾኑብኝ።

¹⁶ከበረዶ፡የተነሣ፡ደፈረሱ፥ ዐመዳይም፡ተሰወረባቸው፤

¹⁷ፀሓይ፡በተኰሰች፡ጊዜ፡ይደርቃሉ፤ በሙቀትም፡ጊዜ፡ከስፍራቸው፡ይጠፋሉ።

¹⁸በየዳርቻቸውም፡የሚኼዱ፡ነጋዴዎች፡ፈቀቅ፡ይላሉ፤ ወደ፡በረሓ፡ወጥተው፡ይጠፋሉ።

¹⁹የቴማን፡ነጋዴዎች፡ተመለከቱ፥ የሳባ፡መንገደኛዎችም፡ተጠባበቋቸው።

²⁰ተስፋ፡አድርገዋቸው፡ነበርና፥ዐፈሩ፤ ወደዚያ፡ደረሱ፥ዕፍረትም፡ያዛቸው።

²¹አኹንም፡እናንተ፡እንደዚሁ፡ኾናችዃል፤ መከራዬን፡አይታችኹ፡ፈራችኹ።

²²በእውኑ፦አንዳች፡ነገር፡አምጡልኝ፤ ወይስ፦ከብልጥግናችኹ፡ስጦታ፡አቅርቡልኝ፤

²³ወይስ፦ከጠላቴ፡እጅ፡አስጥሉኝ፤ ወይስ፦ካስጨናቂው፡እጅ፡አድኑኝ፡አልዃችኹን፧

²⁴አስተምሩኝ፥እኔም፡ዝም፡እላለኹ፤ የተሳሳትኹትንም፡ንገሩኝ።

²⁵የቅንነት፡ቃል፡እንዴት፡ኀይለኛ፡ነው! የእናንተ፡ሙግት፡ግን፡ምን፡ይገሥጻል፧

²⁶ተስፋ፡የሌለው፡ሰው፡ንግግር፡እንደ፡ነፋስ፡ነውና፥ ቃሌን፡ትገሥጹ፡ዘንድ፡ታስባላችኹን፧

²⁷በድኻ፡አደጉ፡ላይ፡ዕጣ፡ትጣጣላላችኹ፤ ለወዳጆቻችኹም፡ጕድጓድ፡ትቈፍራላችኹ።

²⁸አኹንም፥እባካችኹ፥ወደ፡እኔ፡ተመልከቱ፤ በፊታችኹም፡ሐሰት፡አልናገርም።

²⁹እባካችኹ፥ተመለሱ፤በደል፡አይኹን፤ ጽድቄ፡በዚህ፡ነገር፡ነውና፥አንድ፡ጊዜ፡ተመለሱ።

³⁰በእውኑ፡በአንደበቴ፡በደል፡ይገኛልን፧ አፌስ፡ተንኰልን፡ይለይ፡ዘንድ፡አይችልምን፧ http://www.gzamargna.net www.ethiopianorthodox.org