Job

¹ሹሐዊውም፡በልዳዶስ፡መለሰ፡እንዲህም፡አለ፦

²እስከ፡መቼ፡ይህን፡ትናገራለኽ፧ የአፍኽስ፡ቃል፡እስከ፡መቼ፡እንደ፡ዐውሎ፡ነፋስ፡ይኾናል፧

³በእውኑ፡እግዚአብሔር፡ፍርድን፡ያጣምማልን፧ ዅሉንም፡የሚችል፡አምላክ፡ጽድቅን፡ያጣምማልን፧

⁴ልጆችኽ፡በድለውት፡እንደ፡ኾነ፥ ርሱ፡በበደላቸው፡እጅ፡ጥሏቸዋል።

⁵እግዚአብሔርን፡ብትገሠግሥ፥ ዅሉንም፡የሚችለውን፡አምላክ፡ብትለምን፥

⁶ንጹሕና፡ቅን፡ብትኾን፥ በእውነት፡አኹን፡ስለ፡አንተ፡ይነቃል፥ የጽድቅኽንም፡መኖሪያ፡ያከናውንልኻል።

⁷ዥማሬኽ፡ታናሽ፡ቢኾንም፡እንኳ፡ ፍጻሜኽ፡እጅግ፡ይበዛል።

⁹ዘመናችን፡በምድር፡ላይ፡እንደ፡ጥላ፡ነውና፥ http://www.gzamargna.net www.ethiopianorthodox.org እኛ፡የትናንት፡ብቻ፡ነን፤ምንም፡አናውቅም፤ ስለዚህ፡የቀደመውን፡ትውልድ፡ጠይቅ፥ አባቶቻቸውም፡ለመረመሩት፡ነገር፡ትጋ፤

¹⁰እነርሱ፡የሚያስተምሩኽና፡የሚነግሩኽ፥ ቃልንም፡ከልባቸው፡የሚያወጡ፡አይደሉምን፧

¹¹በእውኑ፡ደንገል፡ረግረግ፡በሌለበት፡መሬት፡ይበቅላልን፧ ወይስ፡ቄጠማ፡ውሃ፡በሌለበት፡ቦታ፡ይለመልማልን፧

¹²ገና፡ሲለመልም፡ሳይቈረጥም፥ ከአትክልት፡ዅሉ፡በፊት፡ይደርቃል።

¹³እግዚአብሔርን፡የሚረሱ፡ዅሉ፡ፍጻሜያቸው፡እንዲሁ፡ነው፤ የዝንጉም፡ሰው፡ተስፋ፡ይጠፋል።

¹⁴ተስፋው፡ይቈረጣል፥ እምነቱም፡እንደ፡ሸረሪት፡ቤት፡ይኾናል።

¹⁵ቤቱን፡ይደግፈዋል፥አይቆምለትም፤ ይይዘውማል፥አይጸናለትም።

¹⁶ፀሓይም፡ሳይተኵስ፡ይለመልማል፥ ጫፉም፡በአታክልቱ፡ቦታ፡ይወጣል።

¹⁷በድንጋይ፡ክምር፡ላይ፡ሥሩ፡ይጠመጠማል፤ የድንጋዮቹን፡ቦታ፡ይመለከታል።

¹⁸ከቦታው፡ቢጠፋ። አላየኹኽም፡ብሎ፡ይክደዋል።

¹⁹እንሆ፥የመንገዱ፡ደስታ፡እንዲህ፡ነው፤ ሌላዎችም፡ከመሬት፡ይበቅላሉ።

²⁰እንሆ፥እግዚአብሔር፡ፍጹሙን፡ሰው፡አይጥለውም፥ የኀጢአተኛዎችንም፡እጅ፡አያበረታም።

²¹አፍኽን፡እንደ፡ገና፡ሣቅ፡ይሞላል፥ ከንፈሮችኽንም፡እልልታ፡ይሞላል።

²²የሚጠሉኽ፡ዕፍረት፡ይለብሳሉ፤ የኀጢአተኛዎችም፡ድንኳን፡አይገኝም።