Job

¹ኢዮብም፡መለሰ፡እንዲህም፡አለ፦

²በእውነት፡እንዲህ፡እንደ፡ኾነ፡ዐወቅኹ፤ http://www.gzamargna.net www.ethiopianorthodox.org ሰውስ፡በእግዚአብሔር፡ፊት፡ጻድቅ፡መኾን፡እንዴት፡ይችላል፧

³ከርሱ፡ጋራ፡ይከራከር፡ዘንድ፡ቢወድ፟፥ ከሺሕ፡ነገር፡አንዱን፡መመለስ፡አይችልም።

⁴ልቡ፡ጠቢብ፥ኀይሉም፡ታላቅ፡ነው፤ ደፍሮትስ፡በደኅና፡የኼደ፡ማን፡ነው፧

⁵ተራራዎችን፡ይነቅላል፤አያውቁትም፤ በቍጣውም፡ይገለብጣቸዋል።

⁶ምድርን፡ከስፍራው፡ያናውጣታል፥ ምሰሶዎቿም፡ይንቀጠቀጣሉ።

⁷ፀሓይን፡ያዛ፟ታል፥አትወጣምም፤ ከዋክብትንም፡ያትማል።

⁸ሰማያትን፡ብቻውን፡ይዘረጋል፥ በባሕሩም፡ማዕበል፡ላይ፡ይረግጣል።

⁹ድብ፡የሚባለውን፡ኮከብና፡ኦሪዮን ፡የሚባለውን፡ኮከብ፥ሰባቱንም፡ከዋክብት፥ በደቡብም፡በኩል፡ያሉትን፡የከዋክብት፡ማደሪያዎች፡ሠርቷል።

¹⁰የማይመረመረውን፡ታላላቅ፡ነገር፥ የማይቈጠረውንም፡ተኣምራት፡ያደርጋል።

¹¹እንሆ፥ቢመጣብኝ፡አላየውም፤ ቢያልፍብኝም፡አላውቀውም።

¹²እንሆ፥ፈጥኖ፡ቢነጥቅ፡የሚከለክለው፡ማን፡ነው፧ ርሱንስ፦ምን፡ታደርጋለኽ፧የሚለው፡ማን፡ነው፧

¹³እግዚአብሔር፡ቍጣውን፡አይመልስም፤ ከርሱ፡በታች፡ረዓብን፡የሚረዱ፡ይዋረዳሉ።

¹⁴ይልቁንስ፡እመልስለት፡ዘንድ፥ ቃሌንስ፡በፊቱ፡እመርጥ፡ዘንድ፡እኔ፡ማን፡ነኝ፧

¹⁵ጻድቅ፡ብኾን፡ኖሮ፡አልመልስለትም፡ነበር፤ ወደ፡ፈራጄም፡እለምን፡ነበር።

¹⁶ብጠራው፡ርሱም፡ቢመልስልኝ፡ኖሮ፥ ቃሌን፡እንደ፡ሰማ፡አላምንም፡ነበር።

¹⁷በዐውሎ፡ነፋስ፡ይሰብረኛል፥ ቍስሌንም፡ያለምክንያት፡ያበዛል።

¹⁸እተነፍስ፡ዘንድ፡አይተወኝም፥ 256 ጽር.፥ኦሬዎን፡(አርዮብ፥ጉቡኣን፡ከዋክብት•ታላቅ፡ኮከብ፥ካራቱ፡ዐበይት፡ከዋክብት፡አንዱ፥ከ.ወ.ክ.፥ገ.241)። http://www.gzamargna.net www.ethiopianorthodox.org ነገር፡ግን፡መራራን፡ነገር፡አጥግቦኛል።

¹⁹የኀይል፡ነገር፡ቢኾን፡ርሱ፡ኀያል፡ነው፤ የፍርድ፡ነገር፡ቢኾን፦ጊዜን፡ወሳኙ፡ማን፡ነው፧ይላል።

²⁰ጻድቅ፡ብኾን፡አፌ፡ይወቅሰኛል፤ ፍጹምም፡ብኾን፡ጠማማ፡ያደርገኛል።

²¹ፍጹም፡ነኝ፡ራሴንም፡አልመለከትም፤ ሕይወቴንም፡እንቃታለኹ።

²²ይህ፡ዅሉ፡አንድ፡ነው፤ስለዚህ፦ ፍጹማንንና፡ክፉዎችን፡ያጠፋል፡እላለኹ።

²³መቅሠፍቱ፡ፈጥኖ፡ቢገድል፥ በንጹሓን፡ፈተና፡ይሳለቃል።

²⁴ምድር፡በኃጥኣን፡እጅ፡ተሰጥታለች፤ የፈራጆቿን፡ፊት፡ሸፍኗል፤ ርሱ፡ካልኾነ፡ማን፡ነው፧

²⁵ዘመኔ፡ከሚሮጥ፡ሰው፡ይልቅ፡ይፈጥናል፤ ይሸሻል፥መልካምንም፡አያይም።

²⁶የደንገል፡ታንኳ፡እንደሚፈጥን፥ ንስርም፡ወደ፡ንጥቂያው፡እንደሚበር፟፡ያልፋል።

²⁷እኔ፦የሐዘን፡እንጕርጕሮዬን፡እረሳለኹ፤ ፊቴን፡መልሼ፡እጽናናለኹ፡ብል፥

²⁸ንጹሕ፡እንደማታደርገኝ፡እኔ፡ዐውቃለኹና፡ ከመከራዬ፡ዅሉ፡እፈራለኹ።

²⁹በደለኛ፡እንደሚኾን፡ሰው፡እኾናለኹ፤ ስለ፡ምንስ፡በከንቱ፡እደክማለኹ፧

³⁰በዐመዳይ፡ውስጥ፡ብታጠብ፥ እጆቼንም፡እጅግ፡ባነጻ፥

³¹በዐዘቅት፡ውስጥ፡ታሰጥመኛለኽ፥ ልብሴም፡ይጸየፈኛል።

³²እንድመልስለት፡ዐብረን፡ወደ፡ፍርድ፡እንገባ፡ዘንድ፥ ርሱ፡እንደ፡እኔ፡ሰው፡አይደለም።

³³እጁን፡በኹለታችን፡ላይ፡የሚያኖር፡ዳኛ፡ በመካከላችን፡ምነው፡በተገኘ!

³⁴በትሩን፡ከእኔ፡ላይ፡ያርቅ፥ http://www.gzamargna.net www.ethiopianorthodox.org ግርማውም፡አያስፈራኝ፤

³⁵እናገርም፡ነበር፥አልፈራውምም፡ነበር፤ በራሴ፡እንዲህ፡አይደለኹምና።