Lamentations

¹አሌፍ።በቍጣው፡በትር፡መከራ፡ያየ፡ሰው፡እኔ፡ነኝ።

²ብርሃን፡ወደሌለበት፡ወደ፡ጨለማ፡መርቶ፡ወሰደኝ።

³ዘወትር፡ቀኑን፡ዅሉ፡እጁን፡በላዬ፡መለሰ።

⁴ቤት።ሥጋዬንና፡ቍርበቴን፡አስረጀ፥ዐጥንቴን፡ሰበረ።

⁵ቅጥር፡ሠራብኝ፡በሐሞትና፡በድካምም፡ከበበኝ።

⁶ቀድሞ፡ሞተው፡እንደ፡ነበሩ፡በጨለማ፡አኖረኝ።

⁷ጋሜል።እንዳልወጣ፡በዙሪያዬ፡ቅጥር፡ሠራብኝ፤ሰንሰለቴን፡አከበደ።

⁸በጠራኹና፡በጮኽኹ፡ጊዜ፡ጸሎቴን፡ከለከለ።

⁹መንገዴን፡በተጠረበ፡ድንጋይ፡ዘጋ፥ጐዳናዬንም፡አጣመመ።

¹⁰ዳሌጥ።እንደሚሸምቅ፡ድብ፡እንደ፡ተሸሸገም፡አንበሳ፡ኾነብኝ። http://www.gzamargna.net www.ethiopianorthodox.org

¹¹መንገዴን፡ለወጠ፥ገነጣጠለኝም፤ባድማ፡አደረገኝ።

¹²ቀስቱን፡ገተረ፡ለፍላጻውም፡እንደ፡ጊጤ፡አደረገኝ።

¹³ሄ።የሰገባውን፡ፍላጻዎች፡በኵላሊቴ፡ውስጥ፡ተከለ።

¹⁴ለወገኔ፡ዅሉ፡ማላገጫ፡ቀኑንም፡ዅሉ፡መሳለቂያ፡ኾንኹ።

¹⁵ምሬት፡ሞላብኝ፡በሬትም፡አጠገበኝ።

¹⁶ዋው።ጥርሴን፡በጭንጫ፡ሰበረ፥በዐመድም፡ከደነኝ።

¹⁷ነፍሴን፡ከሰላም፡አራቅኽ፤በጎ፡ነገርን፡ረሳኹ።

¹⁸እኔም፦ኀይሌ፡ከእግዚአብሔርም፡ዘንድ፡ያለው፡ተስፋዬ፡ጠፋ፡አልኹ።

¹⁹ዛይ።መከራዬንና፡ችግሬን፡ሬትንና፡ሐሞትን፡ዐስብ።

²⁰ነፍሴ፡እያሰበችው፡በውስጤ፡ፈዘዘች።

²¹ይህችን፡በልቤ፡አኖራለኹ፥ስለዚህ፡እታገሣለኹ።

²²ሔት።ያልጠፋነው፡ከእግዚአብሔር፡ምሕረት፡የተነሣ፡ነው፤ርኅራኄው፡አያልቅምና።

²³ማለዳ፡ማለዳ፡ዐዲስ፡ነው፤ታማኝነትኽ፡ብዙ፡ነው።

²⁴ነፍሴ፦እግዚአብሔር፡ዕድል፡ፈንታዬ፡ነው፤ስለዚህ፥ተስፋ፡አደርገዋለኹ፡አለች።

²⁵ጤት።እግዚአብሔር፡በተስፋ፡ለሚጠብቁት፡ለምትሻውም፡ነፍስ፡መልካም፡ነው።

²⁶ሰው፡ዝም፡ብሎ፡የእግዚአብሔርን፡ማዳን፡ተስፋ፡ቢያደርግ፡መልካም፡ነው።

²⁷ሰው፡በታናሽነቱ፡ቀንበር፡ቢሸከም፡መልካም፡ነው።

²⁸ዮድ።ርሱ፡አሸክሞታልና፥ዝም፡ብሎ፡ለብቻው፡ይቀመጥ።

²⁹ተስፋ፡የኾነው፡እንደ፡ኾነ፡አፉን፡በዐፈር፡ውስጥ፡ያኑር።

³⁰ጕንጩን፡ለሚመታው፡ይስጥ፥ስድብንም፡ይጥገብ።

³¹ካፍ።ጌታ፡ለዘለዓለም፡አይጥልምና፤

³²ቢያሳዝንም፡እንደ፡ምሕረቱ፡ብዛት፡ይራራልና፤

³³የሰውን፡ልጆች፡ከልቡ፡አያስጨንቅም፥አያሳዝንምም።

³⁴ላሜድ።በምድር፡የተጋዙትን፡ዅሉ፡ከእግሩ፡በታች፡ይረግጣቸው፡ዘንድ፥

³⁵የሰውን፡ፍርድ፡በልዑል፡ፊት፡ይመልስ፡ዘንድ፥

³⁶የሰውን፡ፍርድ፡ያጣምም፡ዘንድ፡ጌታ፡ዕሺ፡አይልም።

³⁷ሜም።ጌታ፡ያላዘዘውን፡የሚልና፡የሚፈጽም፡ማን፡ነው፧

³⁸ከልዑል፡አፍ፡ክፉና፡መልካም፡ነገር፡አይወጣምን፧

³⁹ሕያው፡ሰው፡የሚያጕረመርም፥ሰው፡ስለኀጢአቱ፡ቅጣት፡የሚያጕረመርም፡ስለ፡ምንድር፡ነው፧

⁴⁰ኖን።መንገዳችንን፡እንመርምርና፡እንፈትን፥ወደ፡እግዚአብሔርም፡እንመለስ።

⁴¹ልባችንን፡ከእጃችን፡ጋራ፡በሰማይ፡ወዳለው፡ወደ፡እግዚአብሔር፡እናንሣ።

⁴²በድለናል፡ዐምፀናልም፥አንተም፡ይቅር፡አላልኽም።

⁴³ሳምኬት።በቍጣ፡ከደንኸን፡አሳደድኸንም፤ገደልኸን፥አልራራኽም። http://www.gzamargna.net www.ethiopianorthodox.org

⁴⁴ጸሎት፡እንዳያልፍ፡ራስኽን፡በደመና፡ከደንኽ።

⁴⁵በአሕዛብ፡መካከል፡ጕድፍና፡ውዳቂ፡አደረግኸን።

⁴⁶ዔ።ጠላቶቻችን፡ዅሉ፡አፋቸውን፡አላቀቁብን።

⁴⁷ድንጋጤና፡ቍጣ፥ጥፋትና፡ቅጥቃጤ፡ኾነብን።

⁴⁸ስለወገኔ፡ሴት፡ልጅ፡ቅጥቃጤ፡ዐይኔ፡የውሃ፡ፈሳሽ፡አፈሰሰች።

⁵⁰ፌ።እግዚአብሔር፡ከሰማይ፡እስኪጐበኝና፡እስኪመለከት፡ድረስ፡ዐይኔ፡ሳታቋርጥ፡ዝም፡ሳትል፡ እንባ፡ታፈሳ፟ለች።

⁵¹ስለከተማዬ፡ቈነዣዥት፡ዅሉ፡ዐይኔ፡ነፍሴን፡አሳዘነች።

⁵²ጻዴ።በከንቱ፡ነገር፡ጠላቶች፡የኾኑኝ፡እንደ፡ወፍ፡ማደንን፡አደኑኝ።

⁵³ሕይወቴን፡በጕድጓድ፡አጠፉ፥በላዬም፡ድንጋይ፡ጣሉ።

⁵⁴በራሴ፡ላይ፡ውሃዎች፡ተከነበሉ፤እኔም፦ጠፋኹ፡ብዬ፡ነበር።

⁵⁵ቆፍ።አቤቱ፥በጠለቀ፡ጕድጓድ፡ውስጥ፡ኾኜ፡ስምኽን፡ጠራኹ።

⁵⁶ድምፄን፡ሰማኽ፤ዦሮኽን፡ከልመናዬ፡አትመልስ።

⁵⁷በጠራኹኽ፡ቀን፡ቀርበኽ፦አትፍራ፡አልኽ።

⁵⁸ሬስ።ጌታ፡ሆይ፥ስለ፡ነፍሴ፡ተሟግተኽ፡ሕይወቴን፡ተቤዠኽ።

⁵⁹አቤቱ፥ጭንቀቴን፡አይተኻል፥ፍርዴን፡ፍረድልኝ።

⁶⁰በቀላቸውን፡ዅሉና፡በእኔ፡ላይ፡ያለውን፡ዐሳባቸውን፡ዅሉ፡አየኽ።

⁶¹ሳን።አቤቱ፥ስድባቸውንና፡በእኔ፡ላይ፡ያለውን፡ዐሳባቸውን፡ዅሉ፥

⁶²የተነሡብኝን፡ሰዎች፡ከንፈሮች፡ቀኑንም፡ዅሉ፡ያሰቡብኝን፡ዐሳባቸውን፡ሰማኽ።

⁶³መቀመጣቸውንና፡መነሣታቸውን፡ተመልከት፤እኔ፡መሳለቂያቸው፡ነኝ።

⁶⁴ታው።አቤቱ፥እንደ፡እጃቸው፡ሥራ፡ፍዳቸውን፡ትከፍላቸዋለኽ።

⁶⁵የልብ፡ዕውርነትንና፡ርግማንኽን፡ትሰጣቸዋለኽ።

⁶⁶አቤቱ፥በቍጣ፡ታሳድዳቸዋለኽ፡ከሰማይም፡በታች፡ታጠፋቸዋለኽ።